Yer. 23:40 - Ebaibul

⁴⁰ Tosodi alemari ayoŋ ajokis a nen ŋikaru ka ŋikaru okoinak iyes ŋileec ŋulu a ŋikaru ka ŋikaru, ŋulu nyimuryakinosi.”

Yer. 23:40 Iomraidhean Croise

Yer. 20:11

Nai ikirukit ayoŋ ka Ekapolon ikwapei ekajion ŋolo adedeŋan, aŋun, nyepedorete ŋulu ecamito akiar ayoŋ akitiya idiobore, nyeruwor ikes ŋikelounak. Isirumyo ikes ŋileec nooi, anerae nyilounete ikes, nyimuryakin ajamuwaro kec ŋina a ŋikaru ka ŋikaru.

Yer. 24:9

Eturuwori ayoŋ ikes ŋulu inyasuna, ibore ŋini aronon alotuŋa a ŋakwapin a daadaŋ, ŋulu nyejokak, ŋulu irworore, ŋulu eŋoito ka ŋulu icenen anakiboisyo a daadaŋ a ŋuna eritari ayoŋ ikes,

Yer. 42:18

“Erae nu ŋakiro ŋuna alimu Ekapolon ŋolo a ŋajoresyo, Akuj a Ŋisirael ebe, ‘Lopite ŋolo abunio aŋoit kaŋ ka anyunyura kaŋ toyakaun neni a ŋituŋa a ŋulu eboiyete alo Yerusalem, ikwaŋinapei, ebuni anyunyura kaŋ neni kus daŋ apaki ŋina ilosyoto iyes Ijipit, iruworosi iyes ŋituŋa ŋulu icenere ŋuluce ka ŋulu inyasere ŋuluce, ikijamuwarete ŋituŋa iyes ka iyanyio ŋituŋa isitiyao ekiro kus. Nyiŋolikinete iyes akibois na nabo.’

Esek. 16:52

Kidaŋidaŋ nai ŋican kon, anerae itiditeu iyoŋ atubokino a ŋakaitotoi kon, aŋuna a ŋasecisya kon a ŋuna ibu iyoŋ kitiya anasiilyo akilo ŋakaitotoi kon, iyookino ikes akilo iyoŋ. Aŋun toryamu ŋileec kon ka kidaŋidaŋ ŋican kon, anerae itatakan iyoŋ ŋakaitotoi kon erae ŋuna iyookino akilo iyoŋ.

Dan. 12:2

Eyarunete ŋituŋa ŋulu alalak ŋulu alomasi kwap, ŋice eryamunete alakara ŋina ka akiyar a ŋina nyedaun, ŋice eryamunete ŋileec ka ajamuwaro ŋina nyedaun.

Dan. 9:16

Okoe Ekapolon, alopite a ŋolo iwuapitor iyoŋ ŋuna ka akiyookino kon a daadaŋ, ikilipi nyicamak aŋoit kon ka anyunyura kon min lotaun kon Yerusalem ka lomukura kon ŋolo asegan. Aŋuna a ŋasecisya kosi ka aŋuna a ŋaronisya atapapaa kosi, aruwor Yerusalem ka ŋituŋa ibore ŋini emam ajokis alokidunyeta a daadaŋ.

Osea 4:7

Ani ilalakunete iyes ŋisacaradotin, tolalata ŋasecisya daŋ ŋuna eseceseceneneo neni kaŋ, eturuwori ayoŋ apolou kus acaryoonut.

Ŋikis. 28:37

Iruworosi iyes ŋulu ikijamuwaritae, ŋulu isiilyaka ka ŋulu ikirworore alotuŋa a daadaŋ a ŋakwapin a ŋuna ikiyai iyes Ekapolon.