Yer. 23:36 - Ebaibul

³⁶ Nai nyelimu nabo ituŋanan ebe, ‘Ŋakiro ŋuna eryebete Ekapolon,’ anerae erae ŋakiro ŋuna ikiryebete akirot ŋina elimuni ŋinituŋanan, aŋun iloconokinete iyes ŋakiro ŋuna ka Akuj a ŋina eyari a Ekapolon a ŋolo a ŋajoresyo, ŋakiro a Akuj yok.

Yer. 23:36 Iomraidhean Croise

2 Ŋirw. 19:4

Acepaki iiraarit Ekapolon ŋolo erae Akuj kon ŋakiro ŋuna erwor ekapolokiniton ejie a ŋasigarya ka Asiriya, ŋolo iyakuunitae aneni ke erwosit a ŋolo ka Asiriya akiyany Akuj ŋina eyari. Elipi ayoŋ kiira Ekapolon Akuj kon ŋiyany ŋul, ido kisican ŋulu apotu tolimut ŋiyany ŋul. Aŋun, kilip neni ka Akuj kon aŋuna a ŋituŋa yok a ŋulu idoŋito ne.”

Ŋikiru. 12:3

Elipi Ekapolon kisililiŋ ŋakituka ŋuna itobobotoi ŋun, kisililiŋ ŋaŋajepa ŋuna iturosi nooi ŋun

Ŋikiru. 120:3

Iyes ŋikalyokonok, anukiro itiyakini Akuj neni kus? Iyes ŋikamodyanakinak, anu ŋace itiyakini Akuj neni kus?

Ŋikiru. 149:9

ka kisicaniata ŋakwapin lopite ŋolo elimunitor Akuj. Erae ŋin akiloun ŋina a ŋituŋa a ŋulu ka Akuj. Kipuroe Ekapolon!

Ŋikiru. 64:8

Aŋuna a ŋakiro a ŋuna aronok a ŋuna irworosi ikes emunaari Akuj ikes; imuŋumuŋakinete ŋituŋa daadaŋ ŋulu iŋolikinete ikes ŋakyes ebulit.

Ŋakit. 17:20

Ituŋanan ŋini etami akitiya aronis, nyerubakini itiyae ŋinibore ejok, ituŋanan ŋini irworo amodiyo, elomari locan.

Isa. 28:22

Aŋun tokona, nyijamuwasi ŋakiro ŋuna adau ayoŋ alimun, ani kijamuwasi iyes ŋakiro kaŋ, etyokioto ŋakiro aŋuna kus, anerae eira ayoŋ atubunet a Ekapolon Akuj ŋina a ŋajoresyo, atubunet ŋina ka amunyar akwap daadaŋ.

Isa. 3:8

Kire, iteriterosi ŋituŋa a Yerusalem ka ebusokin ŋituŋa a Yudaya, anerae ŋakiro ŋuna irworosi ka ŋuna itiyaete ikes, erae aŋuna ka aŋeryo ka aremokinor apolou ŋina a Ekapolon!

Yer. 10:10

Nai erae Ekapolon Akuj ŋina a kire, erae iŋes Akuj ŋina eyari ka erwosit ŋolo a ŋikaru ka ŋikaru. Ani enyunyurikin iŋes, tomaranik akwap ka nyepedorete ŋituŋa a ŋakwapin akidaŋidaŋ aŋoit keŋ.

Yer. 23:37

Aŋun, iŋisete iyes ekadwaran ebe, ‘Anukiro ikiboŋok Ekapolon iyoŋ?’ Kori ‘Anukiro alimu Ekapolon?’

Aum. 2:14

Apotu ŋikadwarak kus kirujata aŋuna kus alyokonu ka ŋakiro ŋunacaryo, nyisileerekino ikes iyes ŋasecisya kus, ikotere iyes nyikirikor nakwapin. Nai apotu kirujata aŋuna kus alyokonu, ikiinakis iyes akinup ŋakiro ŋuna nyiyookino.

Mat. 12:36

“Akalimokini ayoŋ iyes atemar, Akoloŋit ŋina ka atubokino itatamuni ŋinituŋanan ŋakiro daadaŋ ŋuna kelimunit iŋes, ŋuna pa kitemokino iŋes tolimu.

Luk. 19:22

Tolimok ekapolon eketiyan ŋol tema, ‘Irae iyoŋ eketiyan ŋolo aronon! Akatubokini ayoŋ iyoŋ a ŋakiro a ŋuna ilimu iyoŋ elope! Iyeni iyoŋ atemar arae ayoŋ ekile ŋolo atyonon ŋolo alemanari ibore ŋini nyerae ikaŋ, nabo alemi ŋini nyitakina ayoŋ.

Ŋitic. 14:15

“A ŋikilyok, kaanukiro itiyaata iyes nu? Isua daŋ ikirae ŋituŋa ikwa iyes! Ikiyaunit isua Ŋakiro ŋuna Ajokak neni kus, ikotere kibelekinos anakujo a ŋuna koŋinae neni ka Akuj a ŋina eyari. Iŋes erae Akuj ŋina asubi kidiama ka akwap, anam ka ŋiboorei daadaŋ ŋulu eyakasi tooma kec.

Ŋigal. 6:5

Anerae itemokino ŋinituŋanan kitir ŋipitesyo keŋ a ilope.

Ŋikis. 5:26

anerae ituŋanan ani ŋinapei koloŋ abu kiira etoil ŋolo ka Akuj a ŋina eyari torubak eyari, lopite ŋolo eirarere isua?

1 Ŋites. 1:9

Kire, erae ŋituŋa ŋuluce ŋilopeyek irworosi epite ŋolo ikijauniata iyes isua apaki ŋina aponere isua akipeyokin iyes ka epite ŋolo iponiata iyes kibelekinos anakujo, ido kiwuapa Akuj ŋina a kire ŋina eyari;

2 Pet. 3:16

Ŋakiro ŋun ikes irworo Paulo apaki daadaŋ ŋina igirya a ŋabaruwae keŋ. Eya ŋakiro ŋace nabaruwae keŋ ŋuna etyono ayenun, ŋuna iloceneneete ŋituŋa ŋulu nyeyenete ka ŋulu eŋayaŋayato, ikwaŋina ilocoto ŋakiro ŋunace, ŋuna igiritae nakiro ŋuna ka Akuj. Aŋun, ipyedunito ikes ŋilopeyek akinyasuno kec.

1 Sam. 17:26

Kiŋit Daudi ŋikilyok ŋulu awuasi alodiyete keŋ, tema, “Anukiro itiyakinio neni a ekile a ŋolo epedori akiar Epilistait ŋol, tojoŋoi ajamuwarit Ŋisirael? Ŋae mono Epilistait ŋol ŋolo tari nyileŋeritae, ebuni ajamuwar ŋajorei ka Akuj a ŋina eyari?”

1 Sam. 17:36

Adau ayoŋ eketiyan kon akiar ŋiŋatunyo ka ŋityaŋ ŋice ŋulu adedeŋak; esikwaanikini ayoŋ Epilistait ŋol ŋolo nyileŋeritae ka epei a ŋityaŋ a ŋul, anerae adau iŋes ajamuwar ŋajorei a Akuj a ŋina eyari.”