Yer. 23:29 - Ebaibul

²⁹ Nyikoni mono akirot kaŋ akim ka nyikoni mono iŋes enyondo ŋolo ebwaŋabwaŋaari ataaba toruwor ŋakanyilinyili a?

Yer. 23:29 Iomraidhean Croise

Yer. 20:9

Ani katema ayoŋ ebe, “Nyalimuni nabo ayoŋ Ekapolon, kori nyeruwori nabo ayoŋ alimit ekiro keŋ,” aryamuni ayoŋ atemar emwana akirot kon alotooma kaŋ, ikwaan ka akim ŋina emwana pe ŋina egolokino tooma ŋakoyo kaŋ. akaup ayoŋ akidaŋidaŋ iŋes, nyapedorit akililiŋiyar,

Yer. 5:14

Aŋun, alimu Ekapolon Akuj ŋina etiron ŋakiro nu, “Aŋuna alimunioto ŋituŋa ŋakiro ŋun, esikwaanikini ayoŋ akirot ŋina ilimuni iyoŋ ka akim, esikwaanikini ayoŋ ŋituŋa ŋul ka ŋakito, ido enomiyari akim ikes.

Osea 6:5

Aŋun, abu ayoŋ ekeyakik iyes ŋikadwarak kaŋ alimokin iyes ŋakiro kaŋ ŋuna ka atubokino ka akinyasuno, aar ayoŋ ikes a ŋakiro a ŋuna adau ayoŋ alimun, ileere atubokino ŋina ayauni ayoŋ neni kus, ikwaan ka akica,

Luk. 24:32

Kirworikinos ikes temasi, “Pa mono ariraete ŋitai yok ka alakara apaki ŋina erworor iŋes neni yok alorot ka ŋina ikisileerekinio iŋes iwon ŋuna igiritae Nakigireta a?”

Yoa. 6:63

Erae Etau ŋolo ka Akuj iŋes ikiini akiyar; ecaryono apedor ŋina a ituŋanan. Ŋuna akalimok ayoŋ iyes erae ŋuna ileleba Etau tooma kec ka eyaunete akiyar.

Ŋitic. 2:3

Kiŋolikis nai ikes ŋiboorei ŋulu ekote ŋakimia ielakin pena neni kec a daadaŋ.

Ŋitic. 2:37

Ani iirarete ŋituŋa ŋakiro ŋun, tonomosi ŋakiro ŋitai kec, tosodo kiŋita Petero ka Ŋikiyakia ŋuluce temasi, “A ŋikaitotoi, ikikokini tokona isua ai?”

2 Ŋikor. 2:16

Aneni a ŋice, erae eure ŋolo ka atwanare ŋolo eyauni atwanare; aneni a ŋice, erae eure ŋolo ka akiyar, ŋolo eyauni akiyar. Ŋae epedori akitiya ŋiticisyo ŋulu ikote ŋul?

Ŋibur. 4:12

Eyari akirot ŋina ka Akuj ka itiyae daŋ ka agogoŋu, iloit akwanis keŋ ŋina ka atum a ŋina ekwaka ŋiwaetin keŋ daadaŋ. Eduŋi todol tari neni iryamiryameta akiyar ka etau kori tari neni eya ŋakilenyet ka asumet, isileereununui ŋatameta ka ŋakiro ŋuna elosikinit etau.

Akis. 11:5

Ani kikatak idiotuŋanan akiwan ikes, elomuni akim anakituka kec, toar ŋimoi kec; ikwaŋinapei, ŋini daadaŋ ikatakini akiwan ikes, earyo.