Yer. 23:2 - Ebaibul

² Aŋun, ŋakiro nu irworo Ekapolon Akuj a Ŋisirael aŋuna a ŋikepukak a ŋulu ipukato ŋituŋa keŋ, “Iyes ŋikepukak ŋulu ipukato ŋituŋa kaŋ, iyes ielasi ŋituŋa kaŋ ka iritasi ikes nariet ka nyiyoko iyes ŋituŋa kaŋ, aŋun ekesicani ayoŋ iyes aŋuna a ŋiticisyo kus a ŋulu aronok.

Yer. 23:2 Iomraidhean Croise

Awos. 32:34

Nai tokona, ape ya ŋituŋa nakibois ŋina akalimok ayoŋ iyoŋ; kiira ikiŋarenikini iyoŋ emalaika kaŋ. Kikote neni daŋ, akoloŋit ŋina esicania ayoŋ ŋituŋa ŋul, esicani ikes aŋuna ka asecit kec.”

Yer. 10:21

anerae imasimasit ŋikepukak, nyiŋitasi aneni ke Ekapolon ŋakiro ŋuna emaikina kitiyae; aŋun, nyerubakina ikes ipukato ka ealar ŋituŋa daadaŋ ŋulu epukato ikes.

Yer. 11:22

aŋun, ŋakiro ŋuna alimu Ekapolon ŋolo a ŋajoresyo ikes nu ebe, ‘Esicani ayoŋ ikes oar a ekileŋ. Aari ayoŋ ŋisorok kec a ekileŋ, aari ayoŋ ŋidwe kec ŋulusapa ka ŋulupesur a eron.

Yer. 13:17

Nai ani pa kiirasi iyes ŋakiro keŋ, alosi ayoŋ akigwor anakimunono aŋuna kaakituro kus egwori ayoŋ nooi kibwaliyasi ŋakiyo ŋakonyen kaŋ anerae erikoryo ŋituŋa a Ekapolon nakwap ace.

Yer. 13:20

Ŋituŋa a Yerusalem, kirereiyosi kiŋolikis, ŋituŋa ŋulu eponito alo Kuju. Ai eya ŋamesekin kus ŋulu aponi ikiinakin iyes, ai eya ŋamesekin kus ŋuna ebusak?

Yer. 13:21

Anukiro ilimunete iyes apaki ŋina eponiata ŋituŋa ŋulusek iriito ka iyes? Nyiryabakinosi iyes lopite ŋolo eryabar aberu ŋina eapi akidoun a?

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Yer. 21:12

Okoe ŋituŋa a ekal a Daudi; alimu Ekapolon ebe, ‘Kitiyata ŋuna iyookino a ŋinataparacu, toiutu ŋulu edemaritae ŋiboro kec, toiutu ikes anapedor a ŋulu isicanete ikes; ani pa kitiyata iyes ŋun, erirauni anyunyura kaŋ ikwa akim, ido ikinomiya, emam ituŋanan ŋini ituduŋe aŋoit kaŋ aŋuna a ŋiticisyo kus a ŋulu aronok.’ ”

Yer. 23:34

Ani kelimu idiotuŋanan a ŋituŋa kaŋ, kori ekadwaran, kori esacaradoti tema, ‘Erae nu ŋakiro ŋuna eryebete Ekapolon’, nyalimokinit ayoŋ iŋes, esicani ayoŋ ikes kaapei ka ŋituŋa a ŋikalya kec.

Yer. 44:22

Abu Ekapolon nyepedo akidaŋidaŋ ŋiticisyo kus ŋulu aronok, asiilyo ŋina ipotu iyes kitiyata, aŋun, abu akwap kus toruwor ereŋorot, acaryoit ka ŋina a ŋicen tomamukaun ituŋanan eyai lopite ŋolo eyakar tari nakoloŋit na.

Yer. 5:29

Emaikina mono ayoŋ nyesican ikes aŋuna a ŋakiro a ŋun a? Nyemaikina mono ayoŋ enyaŋa ŋakiro a ŋituŋa a akwap a ŋina ikoni na a?

Yer. 5:9

Emaikina mono ayoŋ nyesican ikes aŋuna a ŋakiro a ŋun a? Nyemaikina mono ayoŋ enyaŋa ŋakiro a ŋituŋa ka akwap a ŋina ikoŋina a?

Yer. 8:12

Apotu ikes kitiyata ŋuna a ŋileec, apotu kitiyata ŋakiro ŋuna asiilyanak, ido nyiruma ikes ŋileec, pa apotu ikes toyenut epite ŋolo anyunyuratar ikes make, aŋun, etwakete ikes daŋ lopite ŋolo aponiata ŋuluce totwaka, apaki ŋina abunio ayoŋ akisican ikes, ereunio ikes.

Esek. 34:5

Apotu ŋamesekin kielaros nariet, anerae apotu kicanakinos ekeyokon, ani ielarosi ikes nariet, apotu ŋityaŋ ŋulu anariet daadaŋ tonyama ikes.

Osea 2:13

Esicani ayoŋ iŋes aŋuna a ŋarwa a ŋuna etiyaa ŋasuban neni ata Baal, ŋirwa ŋulu ainanakinia iŋes ekinyate neni ata Baal, tosirite akuwan keŋ a ŋikadoŋidoŋ ka ŋinapen ŋulu epol egyelit, ido tolosenenee neni a ŋikilyok a ŋulu amina iŋes, tosodi ekemuryak ayoŋ.

Mika 7:4

Ekwaanikin ŋulu ajokak aneni kec ka amoni ŋina erae ŋikukwa bon, arokyeta nooi ŋulu iyookino akilo neni eitana alokukwae. Adolu akoloŋit ŋina isicania Akuj ŋituŋa ŋul, lopite ŋolo alimokinitotor ŋikadwarak kec ikes. Adolu tokona neni kec akigurokin.

Sakar 10:3

“Ebala Ekapolon ebe, ‘Aŋoikinit ayoŋ ŋituŋa ŋulugelaanotin ŋulu ipukato ŋituŋa kaŋ, alosi ayoŋ akisican ikes. Erae ŋituŋa a Yuda ŋulu kaŋ, ido ayoŋ Ekapolon ŋolo Etiron aruwor ekedaran kec. ikwaanikin ikes aneni kaŋ ka ŋaŋolei ŋuna agogoŋok ŋuna ke ejie.

Sakar 11:16

anerae alosi ayoŋ alemun ekeyokon ŋolo iyoki akwap, nai nyepedori iŋes akiyok ŋulu adaut aoliyor, kori akiwarar ŋulu cicik, kori akimadun ŋulu ewanan, kori akitan ŋulu eŋaleete, nai enyami iŋes akiriŋ a ŋamesekin a ŋuna atumak, erutonori ŋigece kec.

Mat. 25:36

Aleri ayoŋ, ipotu iyes ikitanap ayoŋ; adyaka ayoŋ, ipotu iyes ikimukeut ayoŋ, akaenitae ayoŋ alomabus, ipotu ikiŋoliut ayoŋ.’

Mat. 25:43

Arae ayoŋ egela, nai ipotu iyes nyikijaut ayoŋ; aleri, nai nyikitanap iyes ayoŋ. Adyaka ka akaenitae alomabus, nai ipotu iyes nyikiŋoliut ayoŋ.’

Yak. 1:27

Edin ŋolo ajokan ŋolo emam aronis alokiŋaren Akuj Papa iŋes lo: akiŋaranakin ŋikokyok ka ŋapuseru alocan kec ka akiyokiuno iyoŋ elope nyikinyasut ŋakiro ŋuna ka akwap.