Yer. 23:16 - Ebaibul

¹⁶ Alimu Ekapolon ŋolo a ŋajoresyo ebe, “Nyipupokis ŋakiro a ŋikadwarak a ŋulu edwarete neni kus, ikimodyanakinete ikes iyes. Ikilimonokinete ikes iyes ŋakisileerekineta ŋuna etamununeete ikes, meere ŋakiro ŋuna elimunit Ekapolon.

Yer. 23:16 Iomraidhean Croise

1 Ŋirw. 22:11

Apaki ŋin, keris Sedekia lokoku a Kenaana kitiyau ŋamomwar a ŋasuwa, ido abu iŋes tema, “Ebala Ekapolon, ‘A ŋamomwar a nu, itiji iyoŋ ŋituŋa ka Aram akitodol ŋina imunyarya.’ ”

2 Ŋirw. 17:15

Apotu tojamuwasi ŋikisila a Ekapolon ka acamunet ŋina acamunotor iŋes ka atapapaa kec ta ŋakiyayanakineta ŋuna aris kisiirar ikes. Kiwuapa ikes ŋakujo ŋuna koŋinae toruworos ikes ŋikoŋinae. Kiwuapa ikes ŋipitesyo a ŋituŋa a ŋulu ebakito ka ikes, a ŋulu aris Ekapolon Akuj kicik ikes nyiwuap ŋipitesyo kec.

2 Ŋakiro a ŋirwa 18:5

Aŋun, abu erwosit a Isirael tonyarau ŋikadwarak ŋulu arae ekimar ŋamiae ŋaomwon; kiŋit ikes tema, “Ikilosi akitijiore ŋituŋa a Ramos-Gilead, kori nyikilosi?” Toboŋokis ikes temasi, “Apesi kitipeiyosi, anerae einakini Akuj Ramos-Gilead neni ke erwosit.”

Ŋakit. 19:27

Ikaakoku, ani kiŋer iyoŋ akipup ŋakiro ŋuna ajokak ŋuna ikitatamio, edaun iyoŋ epite ŋolo iyenunia ŋakiro ŋuna ka aosou.

Yer. 14:14

Abu nai Ekapolon okolimok ayoŋ tema, “Edwarete ŋikadwarak alyokonu enyarito ekiro kaŋ, nyeyakit ayoŋ ikes, kori nyetemara ayoŋ ikes kirworo ŋun, kori nyirworo ayoŋ neni kec. Edwarete ikes neni kon ŋakisileerenokineta ŋuna ka alyoko, edwarete ikes ŋakiro ŋunacaryo ka amodiyo ŋina eyai natameta kec a ŋikulepek.”

Yer. 2:5

Ŋakiro ŋuna iruworo Ekapolon ikes nu, “Anironis apotu atapapaa kus toryamut aneni kaŋ, ŋina abu inak ikes aekar aneni kaŋ, ido toloto akiwuapit ŋiboro ŋulucaryo, toruworos ikes daŋ ŋicaryo?

Yer. 23:21

“Nyiyakiyara ayoŋ ŋikadwarak, nai ekerete ikes; nyirworo ayoŋ neni kec, nai edwarete ikes.

Yer. 23:26

Tari ori? Epote mono akilocokin ŋitai kec ŋikadwarak ŋulu edwarete alyokonu ka ŋulu edwarete amodiyo a ŋitai kec a?

Yer. 29:23

anerae etiyata ikes ŋuna aronok nooi alo Isirael, apotu toloma ŋaberu a ŋikidunyet kec, erworo alokiro kaŋ ŋakiro ŋuna ka alyokonu, ŋakiro ŋuna nyelimokina ayoŋ ikes, ayoŋ ayeni ka arae esuuda a ŋakiro kec.”

Yer. 29:8

Alimu Ekapolon ŋolo a ŋajoresyo, Akuj a Ŋisirael ebe, “Nyimyekis ŋikadwarak ka ŋimurok ŋulu iboiyete ka iyes ikimodyanakis iyes ka nyinupa ŋakiro ŋuna irujaete ikes,

Yer. 9:12

Ŋae eyakar aosou ŋina itemokino, ikotere eyenunia ŋakiro nu? Ŋae alimoki Ekapolon ŋakiro keŋ, ikotere elimoryo? Kaanukiro enyasunor akwap ka aruworor ekasile ikwa aloŋisat, ido emam ibore itorenene nen?

Yer. 9:20

Okoe ŋaberu, kiirasi ŋakiro ŋuna ke Ekapolon, topupokisi a ŋaki kus ŋakiro ŋuna elimuni Ekapolon, kitatama ŋidwe kus ŋulupesur akiwolol, kitatama ŋikidunyet kus epite ŋolo kiwololoet.

Aum. 2:9

Aritaar ŋipukei a arwatata emuleleiyasi ŋamoru, amunaiya ka abilibilaa Ekapolon ŋasuwa ŋuna sek ilorere ŋikekya. Arikor nakwapin erwosit a Yerusalem ka ŋikapolok ŋulu epukatotor iŋes. Adaun ŋikisila. Nyisileerekino Ekapolon ŋikadwarak ŋakiro keŋ anakirujaeta.

Esek. 13:16

adaunosi ŋikadwarak a Isirael ŋulu apotu todwara ŋakiro a Yerusalem ka kiŋolyanakis ŋakitoodyanakineta ŋuna a ekisil aŋuna a Yerusalem, nai tomam bo ekisil.’

Esek. 13:23

eketuruwori ayoŋ iyes ŋulu nyiŋolikinete nabo ŋakitoodyanakineta ŋuna ka alyokonu kus, kori ŋulu nyidwarete ŋakiro ŋadi. Aiuni ayoŋ ŋituŋa kaŋ anapedor kus, toyenut nai iyes atemar arae ayoŋ Ekapolon.’ ”

Esek. 13:3

irworo Ekapolon Akuj atemar, okoe iyes ŋikadwarak ŋulu irae ŋibaŋaanotin, ŋulu iwuapito ŋuna a ŋitai kus a ŋikulepek ka emam ŋuna iŋolikis!

Esek. 13:6

Erae ŋakitoodyanakineta kec ŋuna ka alyokonu ka erae ŋuna edwarete ikes amodiyo. Ebasi ikes, ‘Alimu Ekapolon ŋakiro nu,’ nai nyiyakiyara Ekapolon ikes, ido idarito ikes kisiyookinoe ŋakiro kec.

Esek. 22:28

Imunonito ŋikadwarak keŋ ŋakiro ŋuna itiyao a nen, elimonokinete ŋituŋa ŋakitoodyanakineta ŋuna ka alyokonu ka edwarete ŋakiro ŋuna erae alyokonu. Ebasi, ‘Ŋakiro ŋuna irworo Ekapolon Akuj ikes nu. Tomam bo ŋuna elimunit Ekapolon.

Mika 2:11

Ani kebu ekalyokonon, kori emodiyanot, ido tema, ‘Akadwarakini ayoŋ iyes epiini ŋolo alalan ka ŋagwe ŋuna alalak,’ eminakinete ŋituŋa ŋul ekadwaran ŋol.”

Mat. 7:15

“Tocoito ŋikadwarak ŋulu alyokonok; epote ikes neni kus epataka ikwa ŋamesekin, nai alotai kec ikote ŋipeei.

Ŋirom. 1:21

Eyenete ikes Akuj, nai nyitopoloorito ikes iŋes ikwa Akuj, kori nyitalakarito. Nai aruworosi ŋatameta kec ŋakoŋinae ka elelebikin akiryonut nakyes kec ŋuna ebaŋaaka.

1 Yoa. 4:1

Ŋikaakonei ŋuluminan, nyinupito ŋulu daadaŋ ebasi ebe ikiyakar Etau ŋolo ka Akuj, nai torota ikes erae keponito ŋatameta kec aneni ka Akuj, anerae aloto ŋikadwarak ŋulu alalak ŋulu alyokonok nakwap.