Yer. 23:14 - Ebaibul

¹⁴ Nai eŋolik ayoŋ alokadwarak a Yerusalem ibore ŋini ikitubuli akilo, ikinyomito ikes ŋakujo ŋace ka iwuapito ŋuna ka alyokonu, itogogoŋito ikes ŋuna itiyaete ŋikaronok, ikotere tomamukaun ituŋanan imyekini akitiya aronis. Ekwaanikin ikes daadaŋ aneni kaŋ ka ŋituŋa a Sodoma ka ikwaan ŋituŋa a Yerusalem ka ŋituŋa a Gomora.”

Yer. 23:14 Iomraidhean Croise

Akisy. 13:13

Nai aneni ke Ekapolon, aroko ka arae ŋikasecak nooi ŋikilyok ŋulu alo Sodoma.

Akisy. 18:20

Tema Ekapolon, “Epol nooi akigworo aŋuna a ŋituŋa a Sodoma ka Gomora, epol daŋ nooi ka elal asecit kec.

Akisy. 19:24

Totiyau Akuj sulpa ka akim alokidiama ikwa akiru lotaunio ŋulu a Sodoma ka Gomora;

Akisy. 19:25

tomunya ŋitaunio ŋul ka ŋadipoe a ŋimukura ka ŋituŋa a ŋitaunio a ŋul daadaŋ ta ibore daadaŋ ŋini alomunit analup kec.

Isa. 9:15

Anyaritae ŋikasikou ka ŋikapolok akou a ŋituŋa, anyaritae ŋikadwarak ŋulu etatamete alyokonu kaku a ŋituŋa,

Yer. 14:14

Abu nai Ekapolon okolimok ayoŋ tema, “Edwarete ŋikadwarak alyokonu enyarito ekiro kaŋ, nyeyakit ayoŋ ikes, kori nyetemara ayoŋ ikes kirworo ŋun, kori nyirworo ayoŋ neni kec. Edwarete ikes neni kon ŋakisileerenokineta ŋuna ka alyoko, edwarete ikes ŋakiro ŋunacaryo ka amodiyo ŋina eyai natameta kec a ŋikulepek.”

Yer. 18:13

Aŋun, alimu Ekapolon ebe, “Kiŋita ŋituŋa a ŋakwapin, ŋae iirarit ŋakiro ŋuna ikote nu? Etiyata ŋituŋa a Isirael ibore ŋini aronon nooi.

Yer. 20:16

Elipi kikwaanikin ekile ŋol ka ŋitaunio ŋulu abu Ekapolon kinyas emam akisyon, elipi kiira iŋes akigworo iwalari akwap ka eli kidiŋ apaaran,

Yer. 23:17

Elimonokinete ikes ŋituŋa ŋulu ejamuwarito ŋakiro ka Akuj ebe, ‘Mam ŋuna aronok itiyakin neni kus;’ ka elimonokinete ikes ŋulu daadaŋ iwuapito anakisyaanu kec akisyaanu a ŋikadwarak a ŋul ebe, ‘Mam ŋican epote neni kus.’

Yer. 23:22

Nai ani kerae toyakas ikes neni erworor ayoŋ, kepedorito ikes akiserakin ŋakiro kaŋ lotuŋa kaŋ ka kisimyekinito ŋituŋa akiwuapit ŋipitesyo kec ŋulu aronok ka akitiya ŋiticisyo kec ŋulu aronok.”

Yer. 23:32

Kiirasi, etidiŋit ayoŋ ŋikadwarak ŋulu edwarete ŋakirujaeta ŋuna ka amodiyo, ŋulu elimonokinete ŋituŋa kaŋ ŋakirujaeta ŋuna ka amodiyo ka ŋikadwarak ŋulu amodiyasi ŋituŋa kaŋ aneni kaŋ anakirworo ŋakiro ŋunacaryo ŋuna erae amodiyo, nyeyakiyarit bo ayoŋ ikes, kori nyaseunit ayoŋ ikes. Aŋun, nyitiyaete ikes ajokis adio neni a ŋituŋa a lu.

Yer. 29:21

Ŋakiro a Ekapolon a ŋolo a ŋajoresyo, Akuj a Ŋisirael ikes nu aŋuna ka Aab alokoku a Meseia a ŋulu edwarete neni kus ŋuna ka alyokonu alokiro kaŋ, ainakini ayoŋ ikes napedor a erwosit Nebukadinesar a ŋolo a Babilon, eari iŋes ikes iteete iyes.

Yer. 29:23

anerae etiyata ikes ŋuna aronok nooi alo Isirael, apotu toloma ŋaberu a ŋikidunyet kec, erworo alokiro kaŋ ŋakiro ŋuna ka alyokonu, ŋakiro ŋuna nyelimokina ayoŋ ikes, ayoŋ ayeni ka arae esuuda a ŋakiro kec.”

Yer. 36:2

“Tolemu ekitaabo kigir ŋakiro daadaŋ ŋuna akalimok ayoŋ iyoŋ aremokino ŋituŋa a Isirael ka ŋituŋa a Yudaya ta ŋituŋa a ŋakwapin a daadaŋ, kigir ŋakiro ameun anakoloŋit a ŋina erworor ayoŋ neni kon ka ŋuna alorwa a ŋulu a Yosia tari nakoloŋit na.

Yer. 49:18

Lopite ŋolo amunaarere Sodoma ka Gomora kaapei ka ŋikidunyet kec, emamukaun ituŋanan iboi alo Edom, mam tari ŋini eduki ere keŋ nen.

Aum. 4:6

Esicani ŋituŋa kaŋ nooi, elo akisicanio kec tari ŋina a ŋituŋa a Sodoma; a etaun a ŋolo abu Akuj tomunya ŋituŋa keŋ atipei todaun ikaiunan.

Esek. 13:16

adaunosi ŋikadwarak a Isirael ŋulu apotu todwara ŋakiro a Yerusalem ka kiŋolyanakis ŋakitoodyanakineta ŋuna a ekisil aŋuna a Yerusalem, nai tomam bo ekisil.’

Esek. 13:19

Idaut iyes akiyany ayoŋ alotuŋa kaŋ aŋuna ca ka aryamunia ŋikinyom ŋulu ikote erau ŋidi ka ŋanyile a ŋamugati ŋadi. Idaut iyes anamodyanakin ŋituŋa kaŋ ŋulu eminasi akipup ŋakiro ŋuna erae amodiyo, akiar ŋituŋa ŋulu pa amaikina toarae ka akimyekin ŋulu pa amaikina kimyekinae eyarete.’

Esek. 22:25

Ekwaanikin ŋikarikok a akwap kec ka ŋiŋatunyo ŋulu irurumaete apaki ŋina enyamyata etyaŋ; adaut ŋikarikok kec amunyar ŋituŋa, alemasi ebari ka ŋiboro ŋulu epol egyelit, etalalata anakwap kec ŋapuseru.

Osea 6:10

Eŋolik ayoŋ ŋakiro ŋuna aronok alotuŋa a Isirael, eyai amalao Epuraim, adau Isirael amunaar.

Amos 4:11

“‘Abu ayoŋ okomunya iyes ŋice, lopite ŋolo abunio omunyarya ŋituŋa a Sodoma ka Gomora, iyes ŋulu ipotu toiunos anamunyaro, ikwaan iyes ka ŋakito elemunio anakim, nai ipotu iyes nyikiwa.

Mika 1:5

itiyakinosi ŋakiro ŋun daadaŋ, anerae adaut ŋituŋa a Yakob akibil ŋikisila, adaut ŋituŋa a Isirael akisec. Ai mono abilyata ŋituŋa a Yakob ŋikisila? Meere mono Samaria a? Ai mono aseciata ŋituŋa a Yudaya? Meere mono Yerusalem a?

Mika 3:11

Etubete ŋikepukak a Yerusalem ŋakiro aŋuna a ŋakaluŋuluŋui, itatamete ŋisacaradotin keŋ ŋikisila aŋuna ke etacit, edwarete ŋikadwarak keŋ ŋakiro aŋuna a ŋisiliŋa; torae bo neni ke Ekapolon eyarikinito ebasi, “Kire jik, ikirukit iwon ke Ekapolon, emam awana ebuni neni yok.”

Sepan. 3:4

Nyemukyaka ŋikadwarak keŋ, mam anupit eyakatar ikes; etisiilyan ŋisacaradotin keŋ akibois ka Akuj. Abila ŋikisila ka Akuj emam ŋileec.

Sakar 13:2

Ebala Ekapolon ŋolo Etiron ebe, “Akoloŋit ŋin, ekisari ayoŋ anakwap ŋirorwa a ŋakujo, ido nyetamunio nabo ikes jik. Alemari ayoŋ anakwap ŋulu itusubuna ŋikadwarak kaapei ka ŋulu ilipete ŋakujo.

Mal. 1:1

Ŋakiro ŋuna abu Ekapolon tolimok Malakai alimokin Ŋisirael ikes nu:

Mat. 11:24

Nai akalimokini ayoŋ iyes kire atemar, isyoni Akuj nooi ŋituŋa ŋulu a Sodoma, Akoloŋit ŋina ka atubokino akilo iyes.”

Ŋikis. 32:32

Eyaunitae ŋakito a epiini kec alokito a epiini a ŋulu alo Sodoma, alomanikorin a ŋikito a epiini a ŋulu alo Gomora, erae ŋaraito a epiini kec ŋaraito ŋuna ikiarete inyami, edwarak ŋitunene a ŋaraito kec,

1 Tim. 4:2

Akitatam ŋina ikoni ŋin, erae ŋina ebunit aneni a ŋikalyokonok a ŋulu emodiyaka, ŋulu etwakito ŋatameta kec esibit icunyitae ka asuwat a ŋina emwana.

2 Pet. 2:6

Abu Akuj totubok ŋitaunio ŋulu a Sodoma ka Gomora, tomunya ikes ka akim, kituruwo akitaanyikinet neni a ŋulu eŋerito Akuj.

Yud. 1:7

Totamunito daŋ Sodoma ka Gomora ta ŋitaunio ŋulu edunyatar ikes, ŋulu apotu ŋituŋa kitiyaata ikwa ŋimalaikan ŋul anakitiya ŋakiro ŋuna ka amalao ka asupitoi ŋina gelaanot. Isicanitae tokona ikes anakim a ŋina nyeduŋe. Alopite a lo erae ikes akitaanyikinet tocoikiniata daadaŋ.

Akis. 11:8

ido topero ŋawat kec alorukude a ŋolo ke etaun a ŋol, neni ebubukinitoe Ekapolon kec. Isikwaanitae ekiro ŋolo ke etaun a ŋol ka Sodoma kori Ijipit.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”

Akis. 22:15

Nai kiŋa etaun ŋolo apolon eyakaunosi ŋisiilyanotin, ŋikapilak, ŋimalaanotin, ŋikaarak, ŋulu ilipete neni a ŋakujo car ka daadaŋ ŋulu irworosi ka kitiyaete alyokonu.