Yer. 22:8 - Ebaibul

⁸ Itorunete ŋituŋa a ŋakwapin a ŋuna alalak lotaun lo, ido etemari ŋinituŋanan neni a ŋinice, ‘Kaanukiro etiyaa Ekapolon ŋakiro nu lotaun ŋolo apolon lo?’

Yer. 22:8 Iomraidhean Croise

Yer. 16:10

“Kidau iyoŋ alimokin ŋituŋa lu ŋakiro ŋun, ido ikiŋita ikes iyoŋ ebe, ‘Kaanukiro alimunio Ekapolon ŋakiro ŋuna aronok nooi ŋun ikimanit isua? Nyo erae asecit kosi? Anisecit etiyae isua ikimania Ekapolon Akuj kosi?’

Yer. 40:2

Abu ekapolokiniton a ŋasigarya a Babilon ya Yeremia nawae tema neni keŋ, “Abu Ekapolon Akuj kon tolimu atemar esicani akibois na,

Yer. 40:3

tosodi tokona esiyook Ekapolon ŋakiro ŋun, ido etiya ikwapei alimunitor, anerae ipotu iyes daadaŋ toseca aneni ke Ekapolon, nyiwuapa ŋakiro keŋ. Aŋun, etiyakin ŋakiro ŋun neni kus.

Aum. 4:12

Mam erwosit anakwap, kori ituŋanan idio anakwap ŋini anupit atemar epedorete ŋimoe alomar tooma Yerusalem kitoro lopukei.

Esek. 12:16

Nai emyekini ayoŋ ŋidikudyo kec nyeari ka nyear akoro ka ŋidekesyo, ikotere nai ŋul elimokinete ŋituŋa a ŋakwapin a ŋuna iboiyoto ikes asiilyo ŋina apotu ikes kitiyata ka ecamunete atemar arae ayoŋ Ekapolon.’ ”

Esek. 14:23

Etikiun etau kon iŋolikini iyoŋ ŋipitesyo ka ŋiticisyo kec, anerae ianyuni iyoŋ atemar nyitiya ayoŋ ŋadi neni a ŋituŋa a Yerusalem pa edyakarito ikes.”

Esek. 39:23

Eyenunete daŋ ŋituŋa a ŋakwapin atemar apotu Ŋisirael kielar nakwapin aŋuna ka asecit kec, anerae apotu ikes tojoŋoto akikinyomit ayoŋ. Aŋuna aponiata ikes kitiya ŋun, abu ayoŋ nyesiŋolikin ikes ka abu epotok ikes napedor a ŋimoe kec ka aponi toarae ikes daadaŋ.

Esek. 5:15

Apaki ŋina akaŋoikinia ka akaryenyanikinia ayoŋ iyes, eketuruwo akitocoikinet a ŋuluce, ebuli ŋakwapin daadaŋ ŋuna idunyatar iyes. Ikiŋolikinete ikes iyes ikimenito ka ikijamuwarito.

Dan. 9:7

“Okoe Ekapolon, neni kon eyai akiyookino, nai eleereut ŋileec aneni kosi ŋirwa lu, ido etiyakin ŋun neni a ŋituŋa a Yudaya, neni a ŋituŋa a ŋulu iboiyete alo Yerusalem ka neni a Ŋisirael a daadaŋ a ŋulu eya diyete ne ka ŋulu eya neni alwanan nakwapin daadaŋ ŋuna ibu iyoŋ kiela aŋuna aponiata ikes toseca aneni kon.