Yer. 22:6 - Ebaibul

⁶ Irworo Ekapolon ŋakiro nu aŋuna a akai a apukan a erwosit a Yudaya ebala, “Ikwaan iyoŋ aneni kaŋ ka Gilead, ikwaan iyoŋ ka aita a emoru Lebanon. Nai, ekoŋi ayoŋ atemar eketuruwori ayoŋ iyoŋ aloŋisat, etaun ŋolo emam ŋituŋa iboiyoto.

Yer. 22:6 Iomraidhean Croise

Akisy. 37:25

Kedaut ŋun, kiboikinos kimuja; ani eŋoleŋolekinete, kiŋolikis ŋituŋa ŋulu alalak ŋulu anyaritae Ŋisimael eponito alo Gilead, emeto ŋikaala ŋulu ewokito ŋiboro lu: Ŋikito ŋulu itoboboete akimuj ka ekitoe ŋolo a ŋajemei ta eminae ŋolo elemyo anakwii a ŋikito, ŋolo ekukuny icunyakinio. Aayete ŋituŋa ŋul ŋiboro kec Ijipit.

Ŋikiru. 107:34

Abu kituruwo ŋalup ŋuna ajokak acumbi koŋin, anerae apotu ŋituŋa ŋulu eboiyete a nen toruwor ŋulu aronok.

Eete a Ŋie. 4:1

Okoe ibus iyoŋ nooi ŋinaminat kaŋ, okoe ibus iyoŋ nooi, ileerete ayaaye akitambara ŋakonyen kon ecope. Icurosi ŋitim anakou kon lopite ŋolo icurunotor ŋamee kwap alokamukumukui a ŋulu a Gilead,

Eete a Ŋie. 5:15

Ikote ŋakejen keŋ ŋipirin ŋulu itiyaunitae anamoru a ŋina enyaritae Alabasta, ŋulu esipokinitae nawoeta ŋuna itiyaunitae a egolid, ibus iŋes nooi ikwaan ka Lebanon, akwap ŋina eya ŋikito a Cedar ŋulu aoyak.

Isa. 27:10

Asilu etaun ŋolo sek edukitoe ŋaduketa ŋunajiet, aruwor ere ŋorot ka emyekin, ekwaanikin ka aloŋisat. Aruwor nen neni edakasi ŋitak, neni euryaketa ikes ka igerete a nen ŋaten a ŋikito a ereŋorot.

Isa. 37:24

Ijamuwa iyoŋ Ekapolon alorwor a ŋiketiyak kon, idau iyoŋ alimun ebe, ‘Aŋuna ayakar ayoŋ ŋaŋolei ŋuna alalak, adau ayoŋ akidok naitae a ŋimoru, adau ayoŋ akidol kidiama jik ŋimoru ŋulu a Lebanon, adau ayoŋ ayepakin kwap ŋikito keŋ ŋulu aoyak ŋulu a Cedar, ayepaki kwap ŋikito keŋ ŋulu ajokak nooi ŋulu a Sipres; adau ayoŋ akidol naitae keŋ ŋuna asilok, adol namoni keŋ ŋuna ajokak nooi.

Isa. 6:11

Abu nai ayoŋ eŋit iŋes otema, “Okoe Ekapolon, tari ori itiyasi ŋun?” Okoboŋok iŋes ayoŋ tema, “Tari ŋina eruworotor ŋitaunio kec ŋireŋoroto, todaun ŋituŋa iboiyete alotooma kec ka tooma ŋakais kec daŋ, tomamukaun ŋituŋa iboiyete, ido toruwor akwap kec ekasile nooi.

Yer. 21:11

Tolimok ŋiletok a erwosit a Yudaya ebe, “Kiirasi akirot a Ekapolon.

Yer. 21:14

Ekesicani ayoŋ iyes erono lopite ŋolo eroketa ŋiticisyo kus, enokakini ayoŋ akim namon kus ka enomiari ibore daadaŋ ŋini eyai diyete kus.”

Yer. 22:24

Alimu Ekapolon ebe, “Ikwapei ayarya ayoŋ, tari kikoni Konia lokoku a Yeoiakim ŋolo a Yudaya ekaboboot ŋolo alokimoin a akan kaŋ a ŋina aloteten, akalemari ayoŋ iyoŋ,

Yer. 26:18

“Abu koloŋ Mika ŋolo abunit alo Moreses, ŋolo adwarenene alorwa a ŋulu epukator erwosit Esekia ŋolo a Yudaya, tolimok ŋituŋa a Yudaya daadaŋ tema, ‘Ŋakiro ŋuna irworo Ekapolon ŋolo a ŋajoresyo ikes nu: Eruwor Sion neni itao ikwa emanikor, eruwor Yerusalem neni etukotor ŋamoru ŋuna eritakina kwap ka eruwor emukura ŋolo ka Akai ka Akuj amoni.’

Yer. 4:20

Ikirika akinyasuno, enyasunoi, aruwor akwap daadaŋ acaryoit. Enyasun ŋiemae a ŋituŋa kaŋ atipei enyasun alotooma apaki ŋina euruwuana ŋanaŋgae ŋuna inenetoe tooma ŋiemae.

Yer. 4:7

Elomunit anakibois keŋ ekenyasunan ŋakwapin lopite ŋolo elomunia eŋatuny anamoni, aloma iŋes anakibois keŋ akituruwor akwap kus acaryoit; eruwor ŋitaunio kus ŋulu inyasunitae, ŋulu emam ŋituŋa iboiyoto.

Yer. 50:12

isurumyo akwap kus ŋileec nooi, elemaryo ajokis aneni a etaun a ŋolo ikidounere iyes. Kire jik, eruwor iŋes akoŋinait alotooma ŋakwapin ŋunace daadaŋ, ituruworyo akwap kus aloŋisat, akwap ŋina eonit ka aloŋisat.

Yer. 7:34

Tosodi, etasaluni ayoŋ ecelet ŋolo ka alelyanu ka alakara, etasaluni ayoŋ ecelet ŋolo a ateran ka eteran alotaunio a Yudaya ka alorotin a Yerusalem, anerae eruwor akwap ŋin acaryoit.

Yer. 8:22

Emam mono alo Gilead ekitoe ŋolo kitojokunet ituŋanan ŋini edyak a? Emam mono eketaŋaleunon eyai ina a? Kaanukiro nai pa ajokuniata ŋituŋa kaŋ ŋulu a ŋican anadyaka kec?

Yer. 9:11

Eturuwori ayoŋ Yerusalem neni etukotor ŋamoru ŋuna eritakinitae kwap, eturuwori iŋes neni eperyoto ŋikweei; ka eturuwori ŋitaunio a Yudaya ŋireŋoroto, neni emam ŋituŋa iboiyete alotooma kec.”

Mika 3:12

Aŋuna a ŋakiro kus, itao Sion toruwor emanikor; eruwor Yerusalem ereŋorot ŋolo etukotor ŋamoru, ido elomuni amoni alomukura a ŋolo ka Akai ka Akuj.

Sakar 11:1

Iyes ŋituŋa a Lebanon, toŋaasi ŋipukei a akwap kus, ikotere akim tonom ŋikito kus ŋulu enyaritae Cedar.

Ekim. 32:1

Ayakatar ŋituŋa a ekabila a Ruben ka ŋituŋa a ekabila a Gad ŋaatuk ŋuna alalak nooi. Ani eanyunete ikes atemar ejokak ŋalup ŋuna ka akwap a Yaser ka Gilead aŋuna a ŋaatuk,

Ŋikis. 3:25

Kimyekinae ayoŋ otubor ekekwaye eŋolik akwap ŋina ajokan ŋina alokekwaye Yorodan, akwap ŋina ajokan ŋin ŋina a ŋikamukumukui ka Lebanon.”