Yer. 22:3 - Ebaibul

³ Alimu Ekapolon atemar kitiyata ŋuna ka akiyookino. Toiutu ŋituŋa daadaŋ ŋulu edemanaritae ŋiboro kec, toiutu ikes anapedor a ŋulu isicanito ikes ka nyitiyata aronis, kori nyiryenyanikis ŋigelaanotin, ŋikokyok ka ŋapuseru, kori nyiar alotaun a lo idiotuŋanan ŋini emam aronis itiyat,

Yer. 22:3 Iomraidhean Croise

2 Sam. 23:3

Adau Akuj a Isirael akirwor neni kaŋ, akalimoki ayoŋ ataaba a Isirael ŋakiro ebe, ‘Ani kipuka ituŋanan ŋituŋa anakiyookino, ani kipuka anakitopoloorit Akuj,

2 Ŋirw. 24:4

ka aŋuna abunio toarya ŋituŋa ŋulu amam ibore asecito. Aarit manase alo Yerusalem ŋituŋa ŋulu pa asecito, ido pa acamit Ekapolon akisyoni iŋes.

Yob 22:9

Idau iyoŋ akiritar ŋapuseru eororete ŋakan, idau iyoŋ akimyekin akiŋarakin ŋikokyok.

Yob 24:9

(Eyakasi ŋikaronok ŋulu elemanarete ŋikokyok aneni ata toto kec itanakio, ido eyaanarete ŋiŋwea a ŋulu a ŋican atacakin nibore ŋini eikinitae ikes.)

Ŋikiru. 68:5

Akuj ŋina iboi anakibois keŋ a ŋina asegan, iŋes erae papa a ŋikokyok, ekeuryaran a ŋapuseru.

Ŋikiru. 82:4

Toiutu ŋulu a ŋican ka ŋulu eyakatar akiitanit, toiutu ikes anapedor a ŋulu aronok.”

Ŋikiru. 94:21

Etukonokin ikes iwapei imanito ŋulu iyookino, ido etubonokinete ŋulu nyesecito atwanare.

Ŋikiru. 94:6

Earete ŋapuseru ka ŋituŋa ŋulu erae ŋigelae, earete ŋikokyok,

Awos. 22:21

“Nyemaikina iyes tobolyatar, kori kisiyaloloŋo ituŋanan ŋinigela ŋini iboiyete ka iyes; anerae iraakasi paaran iyes daŋ ŋigelae anakwap a Ijipit.

Awos. 22:22

Nyemaikina iyes tojamuwasi apuserut adio, kori ikoki idio.

Ŋakit. 23:10

Nyilemanari amoru ŋina sek ipimitere ekukoru ka aŋorot, kori nyidemanari ŋikokyok emanikor kec,

Ŋakit. 6:17

Ŋul ikes lu: Ŋituŋa ŋulu etakanete anakonyen kec itopolooro bon nooi, ŋituŋa ŋulu irworosi alyokonu, ŋituŋa ŋulu earete ŋituŋa ŋulu emam aronis itiyato,

Isa. 1:23

Aruworosi ŋikapolok kon ŋikaŋerok, ido aruwor ŋirukitos a ŋikokolak. Emina ŋinituŋanan akaluŋuluŋut ka iwarito aryamun ŋainakineta. Nyeikinito ikes ŋikokyok ka nyetamunito ikes akitub ŋakiro a ŋapuseru aloikiikoe.

Isa. 58:6

Akiredanakin akiron ŋina acamit ayoŋ iŋes akitiya ŋuna iyookino alemarya ŋuna nyiyookino, alacakin ŋarukanes a ayokot a ŋina eenit ŋituŋa, isicanitae toryamut alacakina ka alemar ŋinibore daadaŋ isicanit ŋituŋa.

Isa. 58:7

Aronenen ŋina acamit ayoŋ iŋes akimor akimuj kus ka ŋulu enyamit akoro, akijaun ŋulu a ŋican ŋulu emam ŋakais nakais kus, iŋes akitanap ŋulu iŋolikinete iyes emam ŋilowi ka alemar aŋopenen iŋolikinete ŋiyeneta kus.

Yer. 19:4

anerae akaŋero ŋituŋa kaŋ ayoŋ ka enyasut akibois na aŋuna ainakiniata a nen ŋainakineta neni a ŋakujo a ŋace, ŋakujo ŋuna pa ayenete ikes, kori atapapaa kec, kori ŋirwosi a Yudaya ka aŋuna elelebikiniata ikes akibois na ŋaokot a ŋituŋa a ŋulu emam ŋakiro esecito,

Yer. 21:12

Okoe ŋituŋa a ekal a Daudi; alimu Ekapolon ebe, ‘Kitiyata ŋuna iyookino a ŋinataparacu, toiutu ŋulu edemaritae ŋiboro kec, toiutu ikes anapedor a ŋulu isicanete ikes; ani pa kitiyata iyes ŋun, erirauni anyunyura kaŋ ikwa akim, ido ikinomiya, emam ituŋanan ŋini ituduŋe aŋoit kaŋ aŋuna a ŋiticisyo kus a ŋulu aronok.’ ”

Yer. 22:17

Nai eyenete ŋakonyen kon ka etau kon epite ŋolo ebarere anamodiyo bon; ido iari iyoŋ ŋulu emam asecit itiyato ka itiyae ŋuna ka aryenyeo ka akisicanit ŋulucetuŋa.

Yer. 26:16

Tolimokis nai ŋikapolok ka ŋituŋa daadaŋ ŋisacaradotin ka ŋikadwarak temasi, “Nyemaikina totubokinae ekile lo atwanare, anerae erwor iŋes neni yok alokiro a Ekapolon a Akuj yok.”

Yer. 5:28

atuma ikes ka amalimal ŋawat kec, itiyaete ikes aronis jik; nyetubete ikes ŋakiro a ŋikokyok anakiyookino, ikotere kilout ŋikokyok ŋini isitakinit ikes ka nyiŋarakinito ikes ŋituŋa ŋulu a ŋican toiun.

Yer. 7:23

Nai abu ayoŋ oinak ikes akiciket na ebe, ‘Kiwuapa ŋakiro kaŋ, ido aruwor ayoŋ Akuj kus ka iruworosi iyes ŋituŋa kaŋ; ido kiwuapa ŋakiro kaŋ bon, ikotere ejokyata ŋakiro aneni kus.’

Yer. 9:24

nai emaikina ŋulu iturosi kituros a ŋakiro a nu atemar eyenete ikes ka akayenete ikes ayoŋ atemar arae ayoŋ Ekapolon, etiyae ayoŋ ka amina a ŋina nyiryaŋiryaŋa, a akiyookino ka atubi ŋakiro anakwap anakiyookino, anerae eketalakarito ayoŋ ŋipitesyo ŋul.

Aum. 3:36

apaki ŋina ilocere ŋuna a kire aloikiikoe nyite mono Ekapolon ŋun a?

Esek. 18:12

kedemanari ŋikulyak ka ŋulu eyakatar akiitanit ŋiboro kec, kori kekokoi ka pa kinyakanakini ŋituŋa ibore ŋini ideniyorit iŋes, kori kemitakinit iŋes nooi ŋuna a ŋakujo, kitiyae asiilyo,

Esek. 18:7

ani pa kedemanari iŋes ŋuluce ŋiboro kec ka ketaci ibore ŋini idenit iŋes, kori pa kekokoi, ido inanakini ŋulu enyamit akoro ibore ŋininyamat, inanakini ŋulu elerete ibore ŋininapat,

Esek. 22:7

Alotooma kon Yerusalem nyeriŋa ŋituŋa ekerito atapapa kec, kori atatoto kec; alotooma kon Yerusalem, iteryamunito iyes ŋigelaanotin ŋican ka isicanito iyes ŋikokyok ta ŋapuseru.

Esek. 45:9

“Alimu Ekapolon Akuj atemar, okoe ŋikepukak a Isirael, itiyata iyes akisec ŋinapei paaran, toesikisi aryenyeo ka akisicanit ŋuluce, kitiyata ŋuna ajokak ka ŋuna iyookino, tojoŋoto akirisit ŋituŋa kaŋ anakwap kec, ayoŋ Ekapolon Akuj akalimokinit iyes.”

Yoel 3:19

“Eruwor Ijipit ereŋorot, eruwor Edom ereŋorot ŋolo erae aloŋisat itiyakin ŋun aŋuna ka aryenyeo kec a ŋina apotu ikes kitiyata lotuŋa a Yudaya, akwap ŋina aponiata ikes toaryata ŋituŋa ŋulu amam aronis itiyato.

Ŋilep. 19:15

“‘Kitiyata ŋuna iyookino apaki ŋina itubioto ŋakiro, nyikisyonioto ŋulu a ŋican apaki ŋin, kori nyiwara akitojoka aneni a ŋulu erae ŋikabarak, nai totubonokisi ŋikidunyetkus alotooma akiyookino.

Amos 5:15

Toŋero aronis, tominakisi ajokis, torubakisi itubonokinete anakiyookino ŋituŋa aloikiikoi kus. Acepaki isyoni Ekapolon ŋolo Etiron ŋituŋa ŋulu ka akwap a na ŋulu idoŋito eyarete.

Amos 5:24

Nai, torubakisi itiyaete ŋuna ajokak jwi jwi ka ŋuna iyookino jwi jwi.

Mika 3:11

Etubete ŋikepukak a Yerusalem ŋakiro aŋuna a ŋakaluŋuluŋui, itatamete ŋisacaradotin keŋ ŋikisila aŋuna ke etacit, edwarete ŋikadwarak keŋ ŋakiro aŋuna a ŋisiliŋa; torae bo neni ke Ekapolon eyarikinito ebasi, “Kire jik, ikirukit iwon ke Ekapolon, emam awana ebuni neni yok.”

Mika 6:8

Iyoŋ ituŋanan, adau Ekapolon alimokin iyoŋ ŋuna ajokak; ŋuna ecamit Ekapolon aneni kon ikes nu: Akitiya ŋuna iyookino ka amina arimakinit ŋuluce ta alosit itiditeuna bon anakimorikina ka Akuj yok.

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

Mat. 23:23

“Ekaŋ iyes, ŋiketatamak a Ŋikisila ka Ŋiparisayon! Ŋikaŋisoswae! Ilemianakinete iyes Akuj alemikinet apei anatomon a ŋikito a ŋulu itoboboete akimuj. Nai nyiricakinito iyes ŋakitatameta ŋuna apolok ŋuna a ŋikisila, ikwa akitiya ŋuna iyookino, akisyon, ka anupit.

Ŋikis. 10:18

Akuj ŋina etubi ŋakiro anakiyookino aŋuna a ikoki ka aŋuna ka apuserut, ŋina emina ŋituŋa ŋulugelae einanakini ikes akimuj ka ŋilowi.

Ŋikis. 24:17

Emaikina iyes totubo ŋakiro a ŋigelaanotin, kori ŋikokyok anakiyookino; nyiyaasi elou a apuserut erae ibore ŋini ekodaritae aŋuna ka amica.

Ŋikis. 24:7

Ani kikamun ituŋanan ŋini ekokoiyarit ituŋanan ŋini erae Esiraelit, akituruwor iŋes epito, kori agyelar, emaikina ituŋanan ŋini ekokoiyarit ŋinice toarae. Aŋun, ilemarete iyes aronis alokidiŋ kus.

Ŋikis. 25:1

Ani kiburakinosi ŋituŋa ŋiarei, toŋoikinos, ido yaasi ŋakiro kec loikiiko totubo ŋikatubok ŋakiro kec, tolimut atemar iyookinit ipei nai nyiyookinit ŋinice,

Ŋikis. 27:19

“‘Ilamam ituŋanan daadaŋ ŋini nyetubi anakiyookino ŋakiro a igelaanot, a ikoki ka apuserut.’ “Eboŋokinete ŋituŋa daadaŋ temasi, ‘Kiyookin ŋun.’

Yak. 1:27

Edin ŋolo ajokan ŋolo emam aronis alokiŋaren Akuj Papa iŋes lo: akiŋaranakin ŋikokyok ka ŋapuseru alocan kec ka akiyokiuno iyoŋ elope nyikinyasut ŋakiro ŋuna ka akwap.