Yer. 22:20 - Ebaibul

²⁰ “Okoe ŋituŋa a Yerusalem, kitipeiyosi Lebanon kigworo a nen, toloto Basan kigworo a nen icelasi, kioroutu alo Abarim, anerae amunyar ŋituŋa ŋulu iminin ka iyes daadaŋ.

Yer. 22:20 Iomraidhean Croise

2 Ŋirw. 24:7

Abu erwosit a Ijipit nyeboŋu nabo nakwap keŋ, anerae abu erwosit ŋolo a Babilon todema iŋes akwap ŋina sek arae ŋina keŋ daadaŋ, ameun anayonae a Ijipit akitodol naŋolol Eupurate.

Isa. 57:13

Ani ikalounete iyes icamito akiŋarakino, emaikina ŋakujo ŋuna irirato iyes ikilakut iyes. Iwokori ekuwuam ikes neni alwanan, ekutari ekieŋanu ikes nariet. Nai ŋini ekekinyomi ayoŋ, ebuni neni kaŋ aiuno, eryamuni akibois anakwap, eruwor emoru kaŋ ŋolo asegan akibois keŋ.

Yer. 2:25

Ŋisirael, tojoŋoto akerit, nyinyamut ŋamuk kus ka nyitoon ŋitoilon kus aŋuna ikinyamitor akure. Nai ipotu iyes temasi, ‘Erae ŋun ŋakoŋinae, adaun isua aminakin ŋigelaanotin, ido ikiwuapi ikes jik.’

Yer. 2:36

Kaanukiro isaaryata iyes ilocokinioto ŋipitesyo kus? Ikisirumete iyes ŋituŋa a Ijipit ŋileec lopite ŋolo aponiata ŋituŋa ŋulu ka Asiriya ikisurumyata iyes ŋileec.

Yer. 2:37

Ipote iyes aina daŋ iwokito ŋakan, anerae aŋer Ekapolon ŋituŋa ŋulu ikinyomito iyes, ido nyibarete iyes aneni kec.”

Yer. 22:22

Ekutari ekuwuam ŋikepukak kus daadaŋ, erikoryo ŋituŋa ŋulu iminin ka iyes nakwap ace, tosodi ikirumete iyes ŋileec ka ikikadakini iyes aŋuna ka aronis kus.

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 3:1

Ŋakiro ŋuna irworo Ekapolon ikes nu, “Ani kelak ekile aberu keŋ, ido tolot aberu ŋin aneni keŋ toruwor aberu a ekile a ece eboŋori mono iŋes neni a aberu a ŋin a? Nyeruwor mono ŋun ŋuna emunaarete akwap ŋin a? Itiyata iyes amalao ka ŋulu iminatar ŋulu alalak; ipedorete nai iyes aboŋun neni kaŋ a?

Yer. 4:30

Okoe Yerusalem, aema ŋituŋa aneni kon, anijokis enapitotor ŋituŋa kon ŋilowi ŋulu areŋak, anukiro esiritotor ŋituŋa kon a ŋinapen a ŋulu itiyaunitae a egolid ka iosyata eraŋgi nakonyen kec? Isibusasi ŋituŋa kon koŋin, ikijamuwarito iyes ŋulu ikiminasi iyes, iwarito ikes akiar iyes.

Aum. 1:19

“Aponi isua tonyarae ŋituŋa ŋulu sek ikiriit ka isua, nai apotu ikes ikilukis isua. Apotu ŋisacaradotin ka ŋikasikou kosi totwanikis lotaun eriŋa iwarito ibore ŋininyamat aŋuna ka arubakinia eyarete.

Aum. 1:2

Igworo iŋes akuwar kya epipilikinito ŋakiro, eleleete ŋakiyo alokelyo keŋ, mam ŋikonei keŋ ŋuluŋorok daadaŋ ŋolo ebuni akisirworiun iŋes; alukis iŋes ŋikonei keŋ daadaŋ, aruwor ŋikonei keŋ daadaŋ ŋimoe keŋ.

Esek. 23:22

“Aŋun nai Ooliba, alimu Ekapolon Akuj atemar, ekesimani ayoŋ iyoŋ ŋuluminan kon, ŋulu ibu iyoŋ toesik ikitiiliyete ŋakiro ŋuna etiyaete ikes neni kon. Ayauni ayoŋ ikes neni kon ikiman iyoŋ alowaetin kon a daadaŋ.

Esek. 23:9

Aŋun, abu ayoŋ epotok iŋes neni a ŋuluminan keŋ, abu ayoŋ oinak iŋes neni a ŋituŋa ka Asiriya a ŋulu abu iŋes inak ekibure keŋ.

Esek. 27:6

Alokuyono a ŋulu a Basan, apotu ikes kitiyaut ŋakito ŋuna emetere ŋatubae; alokito a ŋulu enyaritae Sipres a ŋulu eyakasi Siprus, apotu ikes kitiyaut ŋakito ŋuna apesitae kwap ŋatubae kon ŋuna apesitae ŋikyal a ŋitome tooma.

Ekim. 27:12

Tolimok Ekapolon Moses tema, “Kitipeiyo kidiama lomoru ŋol, ŋolo enyaritae Abiram, ido kiŋolik akwap ŋina adau ayoŋ ainakin neni a Ŋisirael.

Ŋikis. 32:49

“Kitipeiyo lomoru ŋulu ka Abarim, todoka lomoru Nebo ŋolo eyai nakwap a Moab ŋolo iteosi ka Yeriko, torou akwap a Kanaan ŋina abuni ayoŋ ainakin neni a Ŋisirael aruwor ŋina kec,