Yer. 22:17 - Ebaibul

¹⁷ Nai eyenete ŋakonyen kon ka etau kon epite ŋolo ebarere anamodiyo bon; ido iari iyoŋ ŋulu emam asecit itiyato ka itiyae ŋuna ka aryenyeo ka akisicanit ŋulucetuŋa.

Yer. 22:17 Iomraidhean Croise

1 Ŋirw. 21:19

Tolimok iŋes ebe, ‘Ebala Ekapolon, idau ba iyoŋ akiar Nabos ka ituruwo emanikor keŋ ŋolo kon?’ Tolimok iŋes ebe, ‘Ebala Ekapolon, emeyete ŋiŋokwo ŋaokot kon anakibois a ŋina ameyoto ŋaokot a Nabos.’ ”

2 Ŋirw. 23:37

Abu iŋes kitiya ŋakiro ŋuna aronok aneni ke Ekapolon lopite jik ŋolo etiyatotor atapapaa keŋ daadaŋ.

2 Ŋirw. 24:4

ka aŋuna abunio toarya ŋituŋa ŋulu amam ibore asecito. Aarit manase alo Yerusalem ŋituŋa ŋulu pa asecito, ido pa acamit Ekapolon akisyoni iŋes.

2 Ŋakiro a ŋirwa 36:8

Ŋiticisyo a Yeoiakim ŋuluce daadaŋ, ŋakiro ŋuna ka asiilyo ŋuna etiyat iŋes ka daadaŋ ŋuna etoroniyaritere iŋes, igiritae lokitaabo ŋolo a ŋakiro a ŋirwosi a Isirael ka Yudaya. Abu nai Yeoiakin kilunyokin lokicoloŋ keŋ kipuka Yudaya.

Yob 31:7

“Ani kaoliyorit ayoŋ alorot a ŋolo iyookino ka kewuapit ayoŋ alotau kaŋ ŋuna eŋolikini, ido kidoŋit emacar ka aronis a ŋina etiyat ayoŋ nakan kaŋ;

Ŋikiru. 10:3

anerae iturosi ŋulu aronok aŋuna a ŋakiro a ŋuna iitanito ŋitai kec, ilamasi ŋirorokanotin ka ejamuwarito Ekapolon.

Awos. 18:21

Nai toseu alokidiŋ kec ŋikilyok ŋulu epedorete akitiya, ŋulu itopoloorito Akuj, ŋikilyok ŋulu ikinyoma ŋulu nyecamito akitiya ŋuna aronok. Toseu ikes toruwor ŋikapolok a ŋituŋa a ŋulu erae ŋalipulipui, ŋamiamiae, ŋatomonikanikani ka ŋitomotomoe.

Ŋakit. 24:2

anerae erae ŋuna ka aryenyeo eyeete ikes anatameta kec, ido erae ŋuna ka akiteryamun ituŋanan idio ŋican irworosi ikes.

Isa. 56:11

Ikwaan ikes ka ŋiŋokwo ŋulu edakaka, nyimwokeneneete ikes. Erae ikes ŋikeyokok ŋulu emamukatar ayenut, iwuapito ikes ŋuna kec a ŋilopeyek; iwarit ŋinituŋanan aryamun ŋini keŋ a ilope.

Yer. 17:11

Ikwaan ŋini ecuni abaru alorotin a ŋulu nyiyookino ka ikenyit ŋini ebekuni ŋabeyei ŋuna pa arae iŋes auruuni, edaun abaru ŋin apaki ŋina eapuunia iŋes amojoŋ, ani ekaku, eruwor ituŋanan ŋin ibaŋaanot.

Yer. 19:4

anerae akaŋero ŋituŋa kaŋ ayoŋ ka enyasut akibois na aŋuna ainakiniata a nen ŋainakineta neni a ŋakujo a ŋace, ŋakujo ŋuna pa ayenete ikes, kori atapapaa kec, kori ŋirwosi a Yudaya ka aŋuna elelebikiniata ikes akibois na ŋaokot a ŋituŋa a ŋulu emam ŋakiro esecito,

Yer. 22:3

Alimu Ekapolon atemar kitiyata ŋuna ka akiyookino. Toiutu ŋituŋa daadaŋ ŋulu edemanaritae ŋiboro kec, toiutu ikes anapedor a ŋulu isicanito ikes ka nyitiyata aronis, kori nyiryenyanikis ŋigelaanotin, ŋikokyok ka ŋapuseru, kori nyiar alotaun a lo idiotuŋanan ŋini emam aronis itiyat,

Yer. 6:13

Ameun aneni a ŋulu itopolooritae ka ŋulucaryo, ecamit ŋinituŋanan akitiya ŋuna nyiyookino, ido ameun aneni a ŋikadwarak ka ŋisacaradotin itiyae ŋinituŋanan ŋuna ka alyokonu.

Yer. 6:6

Alimu Ekapolon ŋolo a ŋajoresyo ebe, “Toyepakisi ŋikito keŋ kwap, todukokisi akititis ŋina elomarere akitijikin Yerusalem, Erae Yerusalem etaun ŋolo emaikina kisicanae, emam ibore ice eyai tooma keŋ mati akisicanit ŋuluce bon.

Yer. 7:6

ani pa kisicanito iyes ŋituŋa ŋulugelae, ŋikokyok ka ŋapuseru, kori pa kiar anakibois a na ituŋanan ŋini emam ŋuna aronok itiyat ka ani pa kiwuapa iyes ŋakujo ŋace kiduporos make,

Yer. 8:10

Aŋun, ainakini ayoŋ ŋaberu kec neni a ŋituŋa a ŋice ka ainakini ŋimanikorin kec neni a ŋulu ilounete ikes alojie, anerae itiyaete ŋituŋa daadaŋ ŋuna nyiyookino, ŋulu apolok ka ŋulucaryo, ameun alokadwarak tari losacaradotin itiyaete daadaŋ ŋuna ka alyokonu.

Esek. 18:12

kedemanari ŋikulyak ka ŋulu eyakatar akiitanit ŋiboro kec, kori kekokoi ka pa kinyakanakini ŋituŋa ibore ŋini ideniyorit iŋes, kori kemitakinit iŋes nooi ŋuna a ŋakujo, kitiyae asiilyo,

Esek. 19:6

Abu eŋatuny ŋol kirimok iwarit ibore ŋiniarat, anerae abu toruwor eŋatuny ŋolo agogoŋon, ŋolo abu toyenik akikam ibore ŋininyamat, ido abu tonyam ŋituŋa.

Esek. 19:7

Abu eŋatuny ŋol toritanak kwap ŋarwatatain a ŋitaunio a ŋituŋa a ŋul, ido abu tomunaiya ŋitaunio kec. Abu eruye a eŋatuny a ŋol yau ekabule neni a ŋituŋa ka akwap a ŋin ka neni a ibore a daadaŋ a ŋini ayai nakwap ŋin.

Esek. 19:9

Apotu torikosi iŋes a ŋikodoce, kiwuakis neni pa apedorya alomun kiŋa, ido apotu todakasi anibore a ŋin yaasi neni a erwosit a Babilon kiwuakinae a nen lojera, tojoŋoto Ŋisirael akipup eruye keŋ alomoru a ŋulu alo Isirael.

Esek. 22:6

“‘Adaut ŋikarikok a Isirael daadaŋ ŋulu iboiyete alo Yerusalem akikinyom agogoŋu kec a ŋikulepek aarya ŋituŋa ŋuluce.

Esek. 33:31

Eponeneete neni kon ŋituŋa kaŋ lopite ŋolopei sek eponianiata, iboiyonokin ikes kiŋaren kon topupokis ŋakiro ŋuna irworo iyoŋ, nai nyitiyaete ikes iwuapito ŋakiro ŋun. Irworosi ikes esibit einakina nooi akiwuap ŋakiro ŋun, nai ileleba arorokanut lotai kec ŋina ka aryamun ibore alopite a ŋolo nyiyookino.

Mika 2:2

Iŋobelete ikes ŋimanikorin, ido kikamanasi. Iŋobelete ikes ŋirerya a ŋituŋa, ido todemasi. Edemanarete ŋituŋa ŋiboro kec.

Mika 3:10

ipotu iyes toduko Sion anabukonor ŋaokot a ŋituŋa keŋ, ipotu iyes toduko Yerusalem anakitiya aronis lotuŋa keŋ.

Sepan. 3:3

“Irurumaete ŋikapolok ŋulu eya tooma keŋ ikwa ŋiŋatunyo; ikwaan ŋikatubok keŋ ka ŋipeei ŋulu ka ataboŋ ŋulu emam ibore imyekinete mati kiwala akwap.

Ŋirom. 1:29

Ileleba neni kec ŋakiro ŋuna nyiyookino--aronis, akiŋobel ka ediŋet; ileleba arakao, akiar, ebura, amodiyo, ŋinyas ka asyoma.

1 Ŋikor. 6:10

kori ŋikokolak, ŋirorokanotin, ŋikamerak, ŋulu esyomatar ŋuluce kori ŋikademanarak--emam ipei daŋ alokidiŋ ŋul ŋini eruwor Apukan ka Akuj ŋina keŋ.

Ŋikol. 3:5

Itemokino iyes kitoŋopiyasi ekibure ŋolo aronon ŋolo alotooma kus ikwapei amalao, asiilyanut, akitiya ŋuna a ŋileec, ekibure ŋolo aronon, arorokanut (anerae ikwaan arorokanut ka akilip akuj ace.)

Yos. 7:21

Alotooma ŋiboro ŋulu aremunio, abu ayoŋ eŋolik elou ŋolo ajokan ŋolo aoyan, ŋolo itiyaunitae alo Babilon ka ŋakiloi ŋaarei ŋuna a esilipa ta egolid ŋolo adolit apotis atutubet apei ŋina ka akilo. Apotu ŋiboro ŋul okonirasi ayoŋ nooi, olemu ayoŋ ikes. Anukakinit ayoŋ ikes nalup tooma eema kaŋ ka eyai esilipa alokwap.”

2 Pet. 2:14

Emam icebore ŋini eminasi ikes akilo ŋaberu ŋuna emalaaka; nyedipanakin ekibure kec ŋolo ka asecenen. Icocoiyanarete ikes ŋituŋa ŋulu epalag alotai naloc. Itatamitae ŋitai kec arorokanut! Ilamit Akuj ikes!

2 Pet. 2:3

Aŋuna ka arorokanut kec, eryamunete ŋiketatamak lu epoida aloemuto a ŋulu isudete ikes. Adol tokona apaki ŋina aoyan etenit ekatubokinan kec ka nyejotoe ekamunyaran kec!

1 Sam. 8:3

Nai apotu ŋidwe a Samuel ŋul nyiwuapa ŋipitesyo a Samuel, apotu ikes tooliyosi alopitesyo a papa kec, kiwara aryamun ebari ŋolo kitunauna. Apotu ikes tocamut akijare ŋakaluŋuluŋui, toŋero ŋakiro ŋuna ka akiyookino.