Yer. 22:16 - Ebaibul

¹⁶ Atubi iŋes ŋakiro aŋuna a ŋikulyak ka ŋulu a ŋican a akiyookino, ido amam iŋes ŋace. Meere mono akitiya ŋun iŋes itoodiunit atemar eyeni ituŋanan Ekapolon a?

Yer. 22:16 Iomraidhean Croise

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

Ŋikiru. 109:31

anerae iuryarit iŋes ŋulu eyakatar akiitanit aŋuna ka aiun ikes aneni a ŋulu etubonokinete ikes atwanare.

Ŋikiru. 36:10

Kiturubak amina kon ŋina nyiryaŋiryaŋa eyai neni a ŋulu ikiyenete iyoŋ, ka ajokis kon eyai neni a ŋulu iyookino alotai.

Ŋikiru. 9:10

Ikikinyomete iyoŋ Ekapolon ŋulu eyenete ekiro kon, anerae nyimyekini iyoŋ Ekapolon ikes ŋulu epote neni kon.

Ŋakit. 31:9

Kirwor ŋakiro ileerete, totubu ŋakiro aloikiiko emam ŋini iriitotor kirwor aŋuna a ŋikulyak ka ŋulu a ŋican icamit ikes toryamut ibore ŋini emaikina toryamut ikwa ŋituŋa ŋuluce.

Isa. 1:17

“Toyenutu akitiya ŋuna ajokak, kiwara akiyookino, toiutu ŋulu isicanitae, kiŋarakisi ŋikokyok, kirworo aŋuna a ŋapuseru.”

Yer. 5:28

atuma ikes ka amalimal ŋawat kec, itiyaete ikes aronis jik; nyetubete ikes ŋakiro a ŋikokyok anakiyookino, ikotere kilout ŋikokyok ŋini isitakinit ikes ka nyiŋarakinito ikes ŋituŋa ŋulu a ŋican toiun.

Yer. 9:16

Ealari ayoŋ ikes nakwapin ŋuna nyeyenete ikes, kori ŋuna pa ayenete atapapaa kec, ido eyakikini ayoŋ ikes ŋimoe ŋulu epote akitijiore ikes tari ŋina amunyarya ayoŋ ikes daadaŋ.”

Yer. 9:24

nai emaikina ŋulu iturosi kituros a ŋakiro a nu atemar eyenete ikes ka akayenete ikes ayoŋ atemar arae ayoŋ Ekapolon, etiyae ayoŋ ka amina a ŋina nyiryaŋiryaŋa, a akiyookino ka atubi ŋakiro anakwap anakiyookino, anerae eketalakarito ayoŋ ŋipitesyo ŋul.

Yer. 9:3

Ekudito ikes ŋaŋajepa kec ikwa akau a ŋikaleŋeleŋe; apolout ikes anakwap erae ŋulu egogoŋ anakitiya ŋuna ka amodiyo, meere anakitiya ŋuna iyookino; anerae erubakinito ikes itiyaete aronis jik, ido nyakayenete ikes ayoŋ.

Mika 6:8

Iyoŋ ituŋanan, adau Ekapolon alimokin iyoŋ ŋuna ajokak; ŋuna ecamit Ekapolon aneni kon ikes nu: Akitiya ŋuna iyookino ka amina arimakinit ŋuluce ta alosit itiditeuna bon anakimorikina ka Akuj yok.

Yoa. 16:3

Itiyaete ikes ŋun, anerae nyeyenuna ikes Papa kori ayoŋ.

Yoa. 17:3

Erae na akiyar ŋina nyedaun, itoyenete ikes iyoŋ, Akuj ŋina erae apei bon ŋina a kire ka Yesu Kristo ŋolo ibu kiyaku iyoŋ.

Yoa. 17:6

“Adau ayoŋ akisileerekin ekiro kon lotuŋa ŋulu ibu iyoŋ ikiinak ayoŋ anakwap a na. Arae ikes ŋulu kon, ibu iyoŋ ikiinak ayoŋ ka ericakis ikes akirot kon.

Yoa. 8:19

Kiŋita nai ikes Yesu temasi, “Ai eyai Papa kon?” Toboŋok Yesu ikes tema, “Nyikiyenete iyes ayoŋ, kori Papa kaŋ. Kerae itoyenete ayoŋ, kiyenete Papa kaŋ daŋ.”

Tito 1:16

Ebasi ikes iwogasi ebe ikiyeni Akuj, nai itepegito ŋiticisyo kec ŋun. Erae ikes ŋulu emoitaka, nyepupete ŋakiro ka nyepedorete akitiya idiobore ŋini ajokan.

1 Sam. 2:2

Mam ice eseg ikwaan ke Ekapolon; mam ipei daŋ ikwaan ka iŋes, mam ekedaran ikwaan ka Akuj yok.