Yer. 22:13 - Ebaibul

¹³ “Ekaŋ iyoŋ ituŋanan ŋini iduki akai keŋ anamamukau akiyookino ka kiyat ŋagulei keŋ ŋuna alokidiama anamamukau akiyookino. Ekaŋ iyoŋ ituŋanan ŋini isitiyae ŋikidunyet kon pa itaci, pa inanakini ikes etacit kec.

Yer. 22:13 Iomraidhean Croise

2 Ŋakiro a ŋirwa 36:4

Kilunyok Neko ŋolo arae erwosit a Ijipit Eliakim lokaato a Yosia toruwor erwosit a Yudaya ka Yerusalem, kilocok tari ekiro keŋ toruwor Yeoiakim; nai ya Neko Yeoas Ijipit.

2 Ŋakiro a ŋirwa 36:5

Arae ŋikaru a Yeoiakim ŋatomoniarei ka ŋikan apaki ŋina esyakinia akipuka Yudaya. Kipuka iŋes Yudaya alo Yerusalem ŋikaru ŋitomon ka epei. Abu iŋes kitiya ŋakiro ŋuna aronok aneni ke Ekapolon Akuj keŋ.

Yob 31:39

Ani kanyamit ayoŋ ŋikinyom a amana a ŋin pa atacit; emyek ŋikulepek toar akoro;

Isa. 5:8

Ekaŋ iyes ŋulu iasete ŋakais nakais kus, ŋulu iasete ŋimanikorin lomanikorin kus, akitodol ŋina eruworor iyes make iboiyete anakwap a ŋin, ikimyekin iyes make iboiyete a nen!

Yer. 17:11

Ikwaan ŋini ecuni abaru alorotin a ŋulu nyiyookino ka ikenyit ŋini ebekuni ŋabeyei ŋuna pa arae iŋes auruuni, edaun abaru ŋin apaki ŋina eapuunia iŋes amojoŋ, ani ekaku, eruwor ituŋanan ŋin ibaŋaanot.

Yer. 22:18

“Aŋun, alimu Ekapolon ŋakiro nu aŋuna a erwosit Yeoiakim a lokoku a Yosia a ŋolo a Yudaya ebe, Nyiwololoete ikes aŋuna keŋ ebasi, ‘Okoe lokaato kaŋ,’ kori ‘Okoe nakaato kaŋ.’ Nyiwololoete ikes aŋuna keŋ ebasi, ‘Okoe Ekapolon,’ kori ‘Okoe erwosit!’

Ŋilep. 19:13

“‘Nyitunae ŋikidunyetkon, kori nyikoko. Nyidid akitac ŋikelejilejak kiwala akwap nyetaca.

Mika 3:10

ipotu iyes toduko Sion anabukonor ŋaokot a ŋituŋa keŋ, ipotu iyes toduko Yerusalem anakitiya aronis lotuŋa keŋ.

Abak. 2:12

Ekaŋ iyes ŋulu idukete etaun anabukonor ŋaokot, idaut iyes akiduk etaun kus anakitiya aronis.

Mal. 3:5

Ebala Ekapolon ŋolo Etiron, “Abuni ayoŋ neni kus atubokin iyes, ido alimuni ayoŋ atipei ŋakiro ŋuna etoroniyaritor ŋikekukujak, ŋikalomak, ŋikalyokonok, ŋiketunak ŋulu itunaete ŋiropito a ŋiketiyak kec, ŋikamodyanakinak ŋulu emodiyanarete ŋiboro anapuseru, alokokyok ka alotuŋa a ŋulugelae. Alimuni ayoŋ atipei ŋakiro ŋuna etoroniyaritor daadaŋ ŋulu nyakakerito ayoŋ.

Ŋikis. 15:13

Tosodi, ani ilacakinete iyes epito, nyitoloto iŋes erorete ŋakan.

Yak. 5:4

Emam nyetaca iyes eropit ŋolo a ŋiketiyak lomanikorin kus. Topupokisi ŋakiro ŋuna iburaata ikes! Adol akigworo a ŋulu elemete ŋimanikorin kus neni ka Akuj, Ekapolon ŋolo etiron.