Yer. 22:11 - Ebaibul

¹¹ “Ŋakiro nu ikes irworo Ekapolon aŋuna a Salum alokoku a erwosit Yosia a ŋolo a Yudaya, irworo Ekapolon nu neni a Salum a ŋolo abu kilunyokin lokicoloŋ a papa keŋ a Yosia ka a ŋolo aponi torikoroe anakwap a na. Nyeboŋuni nabo iŋes nakwap na,

Yer. 22:11 Iomraidhean Croise

2 Ŋirw. 23:29

Apaki ŋina epukator Yosia abu Parao ŋolo anyaritae Neko bu anakwap keŋ alo Ijipit, tolot neni ke erwosit a ŋolo ka Asiriya anaŋolol Eupurate. Acamit Neko akiŋarakin erwosit ŋolo ka Asiriya akitijiore Yosia, tolot neni keŋ pa eyeni ŋakiro ŋadi, nai ani iryamete ikes lorot aneni enyaritae Megido, abu Parao Neko toar Yosia.

2 Ŋirw. 23:30

Tosodo ŋirukitos ŋulu a Yosia kiwokosi akuwan keŋ a agaari a ŋina eritae a ŋaŋolei, yaut Yerusalem tonuka neni sek etemokinit iŋes aŋuna keŋ. Apotu ŋituŋa kinyonyoa Yeoas ŋolo arae lokoku keŋ toruwor erwosit, kilunyokin lokicoloŋ a Yosia a papa keŋ, kipuka Yudaya.

2 Ŋirw. 23:31

Arae ŋikaru a Yeoas ŋatomoniarei ka ŋiuni apaki ŋina esyakinia akipuka; kipuka iŋes Yudaya alo Yerusalem ŋilapyo ŋiuni. Arae ekiro a toto keŋ Amutal nakoku keŋ a Yeremia a ŋolo alo Libina.

2 Ŋirw. 23:34

Kiwuak Neko Eliakim lokoku a Yosia toruwor erwosit kilunyokin neni a papa keŋ toruwor erwosit, kilocok tari ekiro keŋ toruwor Yeoiakim. Nai ya iŋes Yeoas Ijipit totwanik inaa.

1 Ŋakiro a ŋirwa 3:15

touru Yosia ŋisapa lu: Yoanan, iŋes ŋolokiyae, Yeoiakim, iŋes ŋolo a ŋiarei, Sedekia iŋes ŋolo a ŋiuni, Salum iŋes ŋolo a ŋiomwon.

2 Ŋakiro a ŋirwa 28:12

Apotu daŋ ŋikarikok ŋice a Epuraim lu kitoŋoa ŋituŋa ŋulu aboŋunete alojie: Asaria lokoku a Yoanan, Berekia lokoku a Mesililemos ka Amasa lokoku ka Adilai,

2 Ŋakiro a ŋirwa 34:22

Apotu Ilikia ka ŋulu sek eyakit erwosit toloto aanyun aberu ŋina anyaritae Ulida; ŋina arae akadwaran, torae aberu a Sulam alokoku keŋ a Tikiba a ŋolo arae lokoku ka Asira a ŋolo edarit akabati a ŋilowi a ŋulu ilipere. (Eboi iŋes alo Yerusalem anatutubet a ŋina a ŋaarei alootoma ŋaomwon a akwap a Yudaya.) Tolimokis ŋul Ulida ŋakiro ŋuna eyakitere ikes.

Yer. 22:27

Nai nyeboŋorete ikes nakwap ŋina iitanito ikes aboŋor.

Sepan. 1:1

Ŋakiro nu ikes abu Ekapolon tolimok Sepania apaki ŋina araakar Yosia lokoku ka Amon erwosit a Yudaya. Arae Sepania lokoku a Kusi a ŋolo arae lokoku a Gedalia, a ŋolo arae lokoku ke Esekia.