Yer. 21:7 - Ebaibul

⁷ Ekaku, ainakini ayoŋ erwosit Sedekia kaapei ka ŋiketiyak keŋ ka ŋituŋa ŋulu a etaun a lo ŋulu epuun alodeke, alokileŋ ka anakoro napedor a erwosit Nebukadinesar a ŋolo a Babilon, ainakini ayoŋ ikes napedor a ŋimoe kec ka napedor a ŋulu iwarito akiar ikes. Eari Nebukadinesar ikes a ekileŋ, nyisyoni iŋes ikes, kori nyimyekini ikes, kori nyiŋarakini ikes.’

Yer. 21:7 Iomraidhean Croise

Isa. 27:11

Ani eokete ŋaten a ŋikito a ŋulu eya nen, ebilibiliunio kwap; potu nai ŋaberu yaasi kinokakiniata akim. Anerae erae ŋul ŋituŋa ŋulu emam ayenut; aŋun nyisyoni ikes Akuj ŋina asubuni ikes, kori nyitiyae ŋakiro ŋadi ŋuna ajokak neni kec.

Isa. 47:6

Abu ayoŋ oŋoik ŋituŋa kaŋ, abu ayoŋ etiya neni kec esibit nyerae ikes ŋituŋa kaŋ; abu ayoŋ oinak ikes napedor kon, ido ibu iyoŋ nyitoodik ikes akisyon; ibu iyoŋ totiŋ erono nooi tari ŋulu amojoŋito.

Yer. 13:14

Etidiŋakini ayoŋ ikes make, ediŋakinosi ŋikauryak ka ŋidwe kec, kori nyaiuni idio tuŋanan apaki ŋina abunio ayoŋ amunyar ikes.’ ”

Yer. 14:12

Tari kiredakis ikes akiron, nyeirari ayoŋ akigworo kec, tari keyaut ikes neni kaŋ ŋainakineta ŋuna epeyo ka ŋainakineta ŋuna a ŋikinyom, nyacamuni ayoŋ ŋainakineta kec, nai aari ayoŋ ikes a ekileŋ, a akoro ka a ŋidekesinei.”

Yer. 15:5

“Okoe ŋituŋa a Yerusalem, ŋae ikisyoni iyes? Kori ŋae ikigwori iyes? Ŋae erii nawae akiŋita epite ŋolo iyakatar iyes?

Yer. 15:9

Eyaloloŋ aberu ŋina sek ayakar ŋidwe ŋikanikaarei ka eridak, aruwor akica daŋ aneni keŋ akiryonut, eruma iŋes ŋileec ka aruwor ajamuwara. Ainakini ayoŋ ŋimoe kus tomunyasi ŋulu eriŋa idoŋito eyarete alotuŋa kus. Ayoŋ Ekapolon erworo ŋun!”

Yer. 19:7

Tosodi anakibois a na, eturuwori ayoŋ ŋakiro ŋuna eyeete ŋituŋa a Yudaya ka Yerusalem ŋakoŋinae. Ainakini ayoŋ tomunyarae ikes a ekileŋ alokiŋaren ŋimoe kec, earete ŋulu imanito ikes ŋituŋa a Yudaya ka ŋituŋa a Yerusalem. Emyekini ayoŋ ŋawat kec toruwor akimuj a ŋikyeny ka a ŋityaŋ a ŋulu ka ariet.

Yer. 20:4

Alimu Ekapolon elope ebe, “Eketuruwori ayoŋ iyoŋ ekabule aneni kon a elope ka aneni a ŋikonei kon a daadaŋ ka earyo ikes a ekileŋ a ŋolo a ŋimoe kec ite iyoŋ. Ainakini ayoŋ ŋituŋa a Yudaya daadaŋ napedor a erwosit a Babilon, erikori erwosit a Babilon ikes nakwap keŋ ka eari ikes a ekileŋ.

Yer. 22:25

okoinak iyoŋ napedor a ŋulu iwarito akiyar kon, akainakini ayoŋ iyoŋ napedor a ŋulu ikuryana iyoŋ aŋuna kec ka napedor a erwosit Nebukadinesar a ŋolo a Babilon ta napedor a Ŋibabiloniyae.

Yer. 27:6

Adau ayoŋ ainakin ŋakwapin nu daadaŋ napedor a erwosit Nebukadinesar a ŋolo a Babilon a ŋolo erae eketiyan kaŋ ka adau ayoŋ ainakin iŋes tari ŋityaŋ ŋulu ka ariyet akitiyanakin iŋes.

Yer. 32:4

Nyesii erwosit Sedekia ŋolo a Yudaya anapedor a Ŋibabiloniyae, nai kire jik einakinio iŋes napedor a erwosit a Babilon, tosodi irworikinosi ikes iteosi ŋireetin,

Yer. 34:3

ido nyibucar iyoŋ anapedor keŋ, nai ikikamunio iyoŋ ikiyai neni eyai erwosit a Babilon, iŋolikini iyoŋ erwosit a Babilon, irworikinosi ka iŋes iteosi, tosodi ilosi iyoŋ Babilon.’

Yer. 36:29

Kirwor nu aŋuna ke erwosit Yeoiakim a ŋolo a Yudaya: Alimu Ekapolon atemar, idau iyoŋ akiŋer ŋakiro kaŋ ka icunya ŋakiro ŋun, ido ibu iyoŋ tema, ‘Kaanukiro igirya iyoŋ atemar kire jik ebuni erwosit a Babilon akinyasun akwap na ka emunyari ŋituŋa ka ŋityaŋ anakwap a na?’

Yer. 37:17

Abu nai erwosit Sedekia kiyakiya tonyaraunae Yeremia, ido abu iŋes kijau iŋes. Abu erwosit kiŋitiŋit Yeremia alokai keŋ anakimunono tema, “Eyai akirot adio aneni ke Ekapolon a?” Toboŋok Yeremia tema, “Eyai!” Tolimok erwosit iŋes tema, “Aŋun, ikiinakinio iyoŋ neni a erwosit a Babilon.”

Yer. 50:17

“Ikwaan ŋituŋa a Isirael ka ŋamesekin ŋuna irisito ŋiŋatunyo. Ekiŋaren abu erwosit ka Asiriya toar ikes, ido ekaku amunya ikes erwosit Nebukadinesar ŋolo a Babilon.

Aum. 2:20

Okoe Ekapolon, kiŋolik mono iyoŋ! Ŋae mono ŋinapei isican iyoŋ lopite lo? Emaikina mono ŋaberu tonyama ŋidwe kec ŋulu adaut ikes akitanun a?

Aum. 2:22

Ibu iyoŋ tonyarau ŋimoe kosi alowaetin kosi a daadaŋ esibit ŋituŋa ŋulu enyaraunitae nasuban. Emam ituŋanan abu tobucar, kori toyar akoloŋit ŋina iŋoitor iyoŋ. Apotu ŋimoe toara ŋidwe kosi ŋulu aponi isua todakae ka kitopolounoe.

Esek. 23:28

Alimu Ekapolon Akuj atemar, ekepotokini ayoŋ iyoŋ neni a ŋituŋa a ŋulu ikimanito iyoŋ, neni a ŋituŋa a ŋulu ibu iyoŋ toŋer aŋuna ikitiliitotor ŋakiro ŋuna etiyaete ikes neni kon.

Esek. 7:9

Nyekemyekini ayoŋ iyes ekeŋolikini; nyekesyoni ayoŋ iyes. Ekesicani ayoŋ iyes lopite ŋolo itiyatotor iyes, ekesicani ayoŋ iyes aŋuna ka asiilyo a ŋina itiyaete iyes alokidiŋ kus. Ŋun nai iyenuniata iyes atemar erae ayoŋ Ekapolon ekesicanit iyes.

Esek. 8:18

Aŋun, anyunyurikin ayoŋ ikes, nyacamuni ayoŋ akiŋolikin ikes, mam tari nyesyoni ayoŋ ikes; tari kigworo ikes neni kaŋ opupi ayoŋ ikes iworoete nooi, nyapupokini ayoŋ ŋakiro kec.”

Esek. 9:10

Aŋun, nyeŋolikini ayoŋ ikes oesik, kori nyesyoni ayoŋ ikes, nai etiyae ayoŋ neni kec ŋuna adaut ikes akitiya neni a ŋuluce.”

Ŋikis. 28:50

Epote ŋituŋa ŋul erae ŋulu aryenyaanak, ŋulu nyitopoloorito ŋikasikou, kori nyerimaaka aneni a ŋidwe.