Yer. 21:2 - Ebaibul

² “Ekelipit ayoŋ iyoŋ kiŋit Ekapolon aŋuna kosi, anerae ikirikau iwon erwosit Nebukadinesar ŋolo a Babilon, acepaki epedori Ekapolon akitiya aumokinet aŋuna yok lopite ŋolo sek etiyaenenia, ido inak Nebukadinesar toboŋo aneni yok.”

Yer. 21:2 Iomraidhean Croise

Akisy. 10:10

Abu apukan a Nimirod kisyak alo Babilon, Erek, Akad ka Kaline. Aya ŋakiboisyo ŋun nakwap ŋina a Sinar.

2 Ŋirw. 1:3

Nai abu emalaika ŋolo ke Ekapolon kisirworik ekadwaran Eliya ŋolo alotaun Tisibe tema, “Tonyou, tolot kisiriamiya ŋituŋa ŋulu iyakit erwosit Aasia, kiŋit ikes tema, ‘Kaanukiro eraakar Baalsebub ŋina erae akuj a etaun a Ekiron iŋisit iyoŋ ŋakiro ŋuna ka adyak kon; mam mono Akuj alo Isirael a?’

2 Ŋirw. 17:24

Yau erwosit ŋolo ka Asiriya ŋituŋa, ŋice alo Babilon, ŋice alo Kusa, ŋice alo Aba, ŋice alo Amas ka ŋice alo Separabaim, kitolomu ikes lotaunio a Samaria (ekiro ŋolo aponi tonyaraere atyekatait ŋina a Isirael) akilunyokin neni sek aya Ŋisirael. Torebuwasi ikes Samaria, toloma lotaunio keŋ.

2 Ŋakiro a ŋirwa 32:21

Abu nai Ekapolon kiyakiya emalaika ŋolo abu toar ŋasigarya ŋuna ajiok daadaŋ ka ekapolon kec ta ekarikon kec aneni eboiyoto ŋasigarya ka Asiriya. Apotu ŋun kitoboŋosi Senakerib nakwap keŋ pa elakara. Ani elomari Senakerib kai ka akuj keŋ, apotu ŋidwe keŋ ŋice ŋulusapa toara iŋes a nen a ekileŋ.

Awos. 9:28

Kilipa neni ke Ekapolon! Akalalaki ayoŋ nooi agiro ka ŋakako ŋuna eyaunit Ekapolon! Nyekemyekini ayoŋ iyes kiboiyoto a ne adiopaki nabo.”

Isa. 48:2

anerae inyarasi iyes atemar irae ŋituŋa a etaun a ŋolo asegan, ido iyarikinito neni ka Akuj a Isirael a ŋina erae ekiro keŋ Ekapolon ŋolo a ŋajoresyo.

Yer. 15:11

Tolimu Ekapolon tema, “Kire, abu ayoŋ ekeŋarak iyoŋ anakiyar kon aŋuna ka aryamun ajokis, abu ayoŋ ewuak ŋimoe neni kon apaki ŋina a ŋican ka ŋina iyaloloŋio iyoŋ

Yer. 21:3

Tolimok nai Yeremia ikes tema,

Yer. 32:17

Okoe Ekapolon Akuj, arae iyoŋ isubuni nakuj ka nakwap ka apedor kon a ŋina apolon ka akan kon a ŋina agogoŋon, mam ibore ikipiyori iyoŋ.

Yer. 32:24

Kiŋolik, ŋakititisyo ŋuna edukunitoe kidiama, ŋuna irikaunitere etaun ecamitae akikamar. Kiŋolik etaun neni ikoni, aapiki ŋituŋa a etaun ejie, akoro ka edeke, aapuu etaun akipotokin napedor a Ŋibabiloniyae a ŋulu itijiete iŋes. Eyookin ŋakiro ŋuna ibu iyoŋ tolimu lopite ŋolo iteo iyoŋ alope.

Yer. 34:1

Erae nu ŋakiro ŋuna abu Ekapolon kirwor neni a Yeremia apaki ŋina etijio erwosit Nebukadinesar ŋolo a Babilon kaapei ka ŋasigarya keŋ daadaŋ ka ŋituŋa a ŋakwapin a daadaŋ a ŋuna epukat iŋes ŋituŋa a Yerusalem ka ŋituŋa a ŋitaunio a Yerusalem daadaŋ.

Yer. 37:17

Abu nai erwosit Sedekia kiyakiya tonyaraunae Yeremia, ido abu iŋes kijau iŋes. Abu erwosit kiŋitiŋit Yeremia alokai keŋ anakimunono tema, “Eyai akirot adio aneni ke Ekapolon a?” Toboŋok Yeremia tema, “Eyai!” Tolimok erwosit iŋes tema, “Aŋun, ikiinakinio iyoŋ neni a erwosit a Babilon.”

Yer. 37:3

Abu Sedekia kiyakiya Yeukal lokoku a Semaia ka esacaradoti Sepania lokoku a Mesaia neni a ekadwaran Yeremia tema, “Okoe, kilip kareca aŋuna kosi neni a Ekapolon Akuj yok.”

Yer. 37:7

“Alimu Ekapolon Akuj ŋina a Ŋisirael ebe, ‘Tolimokisi iyes ŋiarei erwosit a Yudaya ŋolo ikiyakuunit iyes akiŋit ayoŋ ŋuna emaikina kitiya, atemar eboŋorete nakwap kec Ijipit ŋasigarya a Parao ŋuna eponito akiŋarakin iyoŋ.

Esek. 7:26

Ikiropikinete iyes ŋican, ikiropikinete iyes ŋirworisya ŋulu ka alyokonu; iitanete iyes ayenun alokadwaran ŋakiro ŋuna eponito; edaun esacaradoti ŋakiro ŋuna ikitatami iyes, edaun ŋikasikou ŋakiro ŋuna ikisirworiuniata iyes.

Ŋikat. 20:27

Kiŋita nabo Ŋisirael aneni ke Ekapolon ŋuna emaikina kitiyata (anerae alorwa a ŋul, ayai nen Asaduku ŋina ka Acamunet ŋina ka Akuj,

1 Sam. 10:22

Aŋun, apotu ŋituŋa kiŋita Ekapolon nabo temasi, “Adolu mono ekile ŋol ne a?” Toboŋok Ekapolon tema, “Ee, eŋopit iŋes alogogoso.”

1 Sam. 28:15

Kiŋit nai Samuel Saul tema, “Kaanukiro ikicania iyoŋ ayoŋ, ikinyakunia ayoŋ analup?” Toboŋok Saul tema, “Ayai ayoŋ nakiyaloloŋ ŋina apolon nooi, anerae akaŋaanakinete ayoŋ Ŋipilistin ŋajorei, ido akaŋer Akuj ayoŋ. Mam ŋakiro eriŋa eboŋonokini aŋuna kaŋ alokadwarak, kori anakirujaeta, aŋun, akanyar ayoŋ iyoŋ, ikotere itolimok ayoŋ ŋuna emaikina etiya.”

1 Sam. 28:6

Ani iŋisi Saul Ekapolon ŋuna emaikina iŋes kitiya, abu Ekapolon nyeboŋok iŋes, kerae anakirujaeta, kori anakilamilam ka adio, kori alokadwaran ke edio.