Yer. 21:14 - Ebaibul

¹⁴ Ekesicani ayoŋ iyes erono lopite ŋolo eroketa ŋiticisyo kus, enokakini ayoŋ akim namon kus ka enomiari ibore daadaŋ ŋini eyai diyete kus.”

Yer. 21:14 Iomraidhean Croise

2 Ŋakiro a ŋirwa 36:19

Apotu Ŋibabiloniyae kicunya Akai ka Akuj, toritakis arwatata a Yerusalem kwap ka kicunyasi ŋakais ŋuna ka apukan daadaŋ ka tomunaasi ŋiboro ŋulu apol egyelit daadaŋ alo Yerusalem.

Ŋakit. 1:31

ikisicanio iyes anakiro a ŋuna itiyaete iyes, ikitedyakakinete iyes ŋakiro ŋuna itiyaete iyes,

Ŋakit. 12:14

Eryamuni ituŋanan ŋiboro ŋulu ajokak anakiro a ŋuna irworo iŋes, lopite ŋolo itiyaunere a ŋakan ibore ŋini ecamitae aryamun.

Isa. 10:12

Kedau Ekapolon akitiya etic keŋ daadaŋ alomukura a Sion ka alo Yerusalem, isicani iŋes erwosit ka Asiriya aŋuna ka akisupa ka akituro keŋ;

Isa. 10:16

Aŋun, ebuni Ekapolon ŋolo etiron, Ekapolon ŋolo a ŋajoresyo akiyakikin erogo neni a ŋikajiok keŋ a ŋulu atumak, anapolou keŋ, emwakunete ŋawat kec lopite ŋolo emwanunia ibore inokakinio akim.

Isa. 24:21

Akoloŋit ŋin isicani Ekapolon ŋapedorosyo ŋuna alokidiama ka isicani Ekapolon alokwap ŋirwosi ŋulu ka akwap.

Isa. 37:24

Ijamuwa iyoŋ Ekapolon alorwor a ŋiketiyak kon, idau iyoŋ alimun ebe, ‘Aŋuna ayakar ayoŋ ŋaŋolei ŋuna alalak, adau ayoŋ akidok naitae a ŋimoru, adau ayoŋ akidol kidiama jik ŋimoru ŋulu a Lebanon, adau ayoŋ ayepakin kwap ŋikito keŋ ŋulu aoyak ŋulu a Cedar, ayepaki kwap ŋikito keŋ ŋulu ajokak nooi ŋulu a Sipres; adau ayoŋ akidol naitae keŋ ŋuna asilok, adol namoni keŋ ŋuna ajokak nooi.

Yer. 11:16

Ikinyarit koloŋ Ekapolon iyes ebe, “Ekitoe ka Olipa ŋolo aliban, ekitoe ŋolo ibus ŋolo eyakar ŋaraito ŋuna ajokak. Nai anaŋoit keŋ a ŋina apolon, ikimunyari iŋes iyes, lopite ŋolo enomya akim ekitoe tonomiya ŋaten keŋ daadaŋ.

Yer. 11:22

aŋun, ŋakiro ŋuna alimu Ekapolon ŋolo a ŋajoresyo ikes nu ebe, ‘Esicani ayoŋ ikes oar a ekileŋ. Aari ayoŋ ŋisorok kec a ekileŋ, aari ayoŋ ŋidwe kec ŋulusapa ka ŋulupesur a eron.

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Yer. 17:27

Nai pa kipupokis iyes ŋakiro kaŋ, pa kitopoloosi akoloŋit ŋina a Sabato erae akoloŋit ŋina asegan ka pa kiwoko ibore idio akoloŋit ŋina a Sabato tolomuniata lopukei a Yerusalem, ecunyakini ayoŋ akim alopukei a Yerusalem, enomiyari akim ŋin ŋakais ŋuna ka apukan ŋuna eya Yerusalem ka nyituduŋeo akim ŋin.”

Yer. 22:1

Okolimok ayoŋ Ekapolon tema, “Tolot kai a erwosit a Yudaya, kirwor a nen ŋakiro nu,

Yer. 22:7

Etemokini ayoŋ ŋituŋa ŋulu epote akinyasun iyoŋ, ayauni ayoŋ ikes daadaŋ eyakatar ŋiboro kec ŋulujiet, etubutubokinete ikes kwap ŋikito kon ŋulu a Cedar kimasakis nakim.

Yer. 32:19

iloit iyoŋ daadaŋ anakitatam ka aloticisyo, ite iyoŋ ŋuna daadaŋ itiyaete ŋituŋa ka itaci iyoŋ ŋinituŋanan lopite ŋolo eyakatar ŋuna iwuapit iŋes ka lopite ŋolo itiyatotor ikes ŋiticisyo kec.

Yer. 46:23

Eyapakinete ŋituŋa ŋul ŋikito a ŋamon a Ijipit kwap, tari daŋ kemutoko nooi ŋamon kec, anerae elalak ŋimoe ŋul akilo tari emaase, nyimarun ikes.

Yer. 50:32

Igukini ŋiketurok kibusokinos, emam ituŋanan itonyouni ikes, ecunyakini ayoŋ akim lotaunio kec ka enomiyari ibore daadaŋ ŋini eyai diyete kec.”

Yer. 52:13

Kicunyak Nebusaradan Akai ka Akuj ka akai a erwosit ta ŋakais daadaŋ ŋuna aya Yerusalem. Kicunyak iŋes ŋakais daadaŋ ŋuna a ŋikapolok.

Yer. 6:19

Tolimu nai Ekapolon tema, ‘Okoe ŋituŋa a akwap, kiirasi, ayauni ayoŋ ŋican neni a ŋituŋa a lu, ŋakiro ŋuna a eropit aŋuna eyete ikes akitiya, anerae awout ikes akiirar ŋakiro kaŋ ka aŋero akitatam kaŋ.’”

Yer. 6:29

Epedoryo asuwat ŋina enyaritae led, aliun alokitet nai eroko nooi ŋituŋa kaŋ, nyepedoryo aliun, anerae nyelemara ŋikaronok.

Yer. 9:25

Kire jik, eponito ŋirwa ŋulu esicania ayoŋ ŋituŋa ŋulu ileŋeritae lu:

Aum. 2:3

Anaŋoit keŋ a ŋina adedeŋan, alema Ekapolon ŋikagogoŋok daadaŋ anakwap a Isirael; awou akiŋarakin ikes epote ŋimoe. Amunya iŋes ŋituŋa a Yakob lopite ŋolo enyamuwarya akim ibore daadaŋ.

Esek. 21:3

tolimok akwap a Isirael atemar alimu Ekapolon ŋakiro nu ebe, ‘Ekemanit ayoŋ iyes, alemuni ayoŋ ekileŋ kaŋ anakuraro, oarya alokidiŋ kus ŋulu iyookino ka ŋulu aronok.

Mika 7:13

Esilunete ŋakwapin, aŋuna a ŋituŋa kec a ŋulu etiyata aronis.

Sakar 11:1

Iyes ŋituŋa a Lebanon, toŋaasi ŋipukei a akwap kus, ikotere akim tonom ŋikito kus ŋulu enyaritae Cedar.