Yer. 21:12 - Ebaibul

¹² Okoe ŋituŋa a ekal a Daudi; alimu Ekapolon ebe, ‘Kitiyata ŋuna iyookino a ŋinataparacu, toiutu ŋulu edemaritae ŋiboro kec, toiutu ikes anapedor a ŋulu isicanete ikes; ani pa kitiyata iyes ŋun, erirauni anyunyura kaŋ ikwa akim, ido ikinomiya, emam ituŋanan ŋini ituduŋe aŋoit kaŋ aŋuna a ŋiticisyo kus a ŋulu aronok.’ ”

Yer. 21:12 Iomraidhean Croise

2 Sam. 8:15

Aŋun, abu Daudi kipuka Isirael daadaŋ, abu iŋes kitiya ŋuna ajoikinito ŋituŋa ka ŋuna eyookino alotuŋa keŋ a daadaŋ.

Yob 29:17

Eloununu ayoŋ agogoŋu a ŋulu pa eyookino oiu anakan kec ŋituŋa ŋulu acamito ikes akisican.

Ŋikiru. 101:8

Amunyari ayoŋ a ŋinataparacu daadaŋ ŋulu aronok anakwap; amunyari ayoŋ alotaun ke Ekapolon daadaŋ ŋulu itiyaete aronis.

Awos. 18:13

Akoloŋit ŋina atupakini ŋin, abu Moses kiboikin lokicoloŋ akitub ŋakiro a Ŋisirael; towua Ŋisirael alodiyete keŋ kirimokis iŋes kidiŋ ŋinapei taparacu tari eboŋ.

Isa. 1:17

“Toyenutu akitiya ŋuna ajokak, kiwara akiyookino, toiutu ŋulu isicanitae, kiŋarakisi ŋikokyok, kirworo aŋuna a ŋapuseru.”

Isa. 1:31

Ikwaanikinosi ŋikagogoŋok ka ŋanya ŋuna aonok, enepunete ŋiticisyo kec ikwa ekatyenyityenyit, icunyaryo ikes kaapei ka ŋiticisyo kec ŋulu aronok; emamukaun ŋini itojoŋoe ikes akinom.’ ”

Isa. 7:13

Tema nai Isaya neni ka Aas, “Kiirasi tokona iyes ŋiletok a Daudi, nyituupa mono iyes ŋituŋa anakidaŋidaŋ ŋakiro kus, ido icamito akituup Akuj kaŋ daŋ a?

Isa. 7:2

Ani iirarete ŋituŋa a Daudi atemar ariwo Aram ka Epuraim, tomaranikis Aas ka ŋituŋa keŋ daadaŋ lopite ŋolo emaranikiniata ŋikito anamoni apaki ŋina ekutunia ekuwuam.

Yer. 17:4

Aŋuna a ŋiticisyo kus, itwaniyarete iyes akwap kus ŋina abu ayoŋ okoinak iyes toruwor ŋina kus, ekemyekini ayoŋ iyes kitiyanakis ŋimoe kus anakwap a ŋina nyiyenete iyes, anerae ekwaanikin aŋoit ka akim, ido enepi ŋikaru ka ŋikaru.

Yer. 21:5

Ayoŋ elope eketiji iyoŋ a agogoŋ kaŋ ka apedor kaŋ, anaŋoit, anadedeŋu ka ananyunyura a ŋina apolon.

Yer. 23:19

Kiŋolikisi, ebunit aŋoit a Ekapolon, ebunit anyunyura, ebunit egogoŋ ikwa ekuwuam ŋolo agogoŋon, emini aŋoit a Ekapolon neni a ŋulu itiyaete ŋuna aronok.

Yer. 23:2

Aŋun, ŋakiro nu irworo Ekapolon Akuj a Ŋisirael aŋuna a ŋikepukak a ŋulu ipukato ŋituŋa keŋ, “Iyes ŋikepukak ŋulu ipukato ŋituŋa kaŋ, iyes ielasi ŋituŋa kaŋ ka iritasi ikes nariet ka nyiyoko iyes ŋituŋa kaŋ, aŋun ekesicani ayoŋ iyes aŋuna a ŋiticisyo kus a ŋulu aronok.

Yer. 23:5

Alimu Ekapolon ebe, “Kire jik, eponito ŋirwa ŋulu aseunia ayoŋ aŋuna a Daudi eletonit ŋolo iyookino, ipukae iŋes ikwapei erwosit ka itiyae ka aosou ka akiyookino anakwap.

Yer. 36:7

Acepaki edoli adyekitoi kec neni ke Ekapolon ka imyekinete ikes akiwuapit ŋuna aronok, anerae epol nooi aŋoit ke Ekapolon ka anyunyura keŋ ŋina alimu iŋes eremokino ŋul.”

Yer. 4:4

Okoe ŋituŋa a Yudaya ka ŋulu iboiyete alo Yerusalem, kiricakisi acamunet kus ka ayoŋ Ekapolon kus, kitaleutu ŋawat kus aŋuna kaŋ. Ani pa kitiyata iyes ŋun, ebuni anyunyura kaŋ neni kus erirae ikwa akim, enomiyari ibore daadaŋ ka emam ituŋanan ituduŋe iŋes, itiyakinosi ŋun aŋuna ka aronis a ŋina itiyaete iyes.”

Yer. 44:22

Abu Ekapolon nyepedo akidaŋidaŋ ŋiticisyo kus ŋulu aronok, asiilyo ŋina ipotu iyes kitiyata, aŋun, abu akwap kus toruwor ereŋorot, acaryoit ka ŋina a ŋicen tomamukaun ituŋanan eyai lopite ŋolo eyakar tari nakoloŋit na.

Yer. 5:14

Aŋun, alimu Ekapolon Akuj ŋina etiron ŋakiro nu, “Aŋuna alimunioto ŋituŋa ŋakiro ŋun, esikwaanikini ayoŋ akirot ŋina ilimuni iyoŋ ka akim, esikwaanikini ayoŋ ŋituŋa ŋul ka ŋakito, ido enomiyari akim ikes.

Yer. 5:28

atuma ikes ka amalimal ŋawat kec, itiyaete ikes aronis jik; nyetubete ikes ŋakiro a ŋikokyok anakiyookino, ikotere kilout ŋikokyok ŋini isitakinit ikes ka nyiŋarakinito ikes ŋituŋa ŋulu a ŋican toiun.

Yer. 7:20

Aŋun, alimu Ekapolon Akuj atemar, aŋoikini ka anyunyurikin ayoŋ ikes etiyakini ŋuna aronok neni a ŋituŋa ka ŋityaŋ, neni a ŋikito a ŋulu ke emanikor ka ŋaraito ŋuna ka akwap, enokuni aŋoit kaŋ ikwa akim ka mam ituŋanan epedori akituduŋere.

Yer. 7:5

“Anerae kire jik, ani kitojokut iyes ŋipitesyo kus ka ŋuna itiyaete iyes, ani kire kitiyata iyes ŋuna ka akiyookino neni a ŋinice,

Aum. 4:11

Abu Ekapolon toŋo nooi, tonyunyur eryenyaana nooi; kinokak akim Sion ŋina abu tonyamuwa etaun tari neni isyakinitotor ŋaduketa.

Esek. 22:31

Aŋun, abukokini ayoŋ anyunyura kaŋ neni kec, opyea ikes anaŋoit a ŋina ka anyunyura kaŋ; adau ayoŋ akimyekin ŋakiro ŋuna itiyaete ikes pena nakyes kec pei.’ ”

Ŋilep. 26:28

arubakini akoŋoikinit iyes nooi alotooma anyunyura kaŋ, ayoŋ alope ekesicani iyes, ekesicani iyes nooi ŋakisicanet ŋace ŋakanikaarei aŋuna a ŋasecisya kus.

Naum 1:6

Ŋae epedori akidaŋidaŋ aŋoit keŋ? Ŋae epedori akidaŋidaŋ anyunyura ŋina ka adedeŋu keŋ? Ededeŋ anyunyura a Ekapolon ikwaan ka akim ŋina amwanan nooi, ebwaŋabwaŋaari iŋes ŋatabab ŋuna aburok.

Sepan. 1:18

Nyepedori esilipa, kori egolid kec aiun ikes akoloŋit ŋin ŋina ka anyunyura ke Ekapolon; apaki ŋin ŋina elilitor iŋes nooi, emunyaryo ŋituŋa ka akwap a daadaŋ; anerae itasaluni Ekapolon atipei pa eyenio apaki ibore daadaŋ ŋini eyai nakwap.”

Sepan. 3:5

Nai iyookino Ekapolon ŋolo iboi alotooma keŋ, mam ŋuna aronok ŋuna itiyae. A ŋinataparacu itiyae neni a ituŋanan keŋ ŋuna iyookino, itiyae iŋes ŋun a ŋinakoloŋit, nai mam ŋileec eyenete ŋulu nyiyookino.”

Luk. 1:69

Ikiinak iwon Ekaiunan ŋolo etiron anateker a Daudi eketiyan keŋ.

Ŋirom. 13:4

Anerae erae iŋes eketiyan ŋolo ka Akuj, ŋolo itiyae etic keŋ aŋuna ka akiŋarakin iyoŋ. Nai ani kitiya iyoŋ ŋuna aronok, itemokino tokuryaniar aneni keŋ, anerae eyakar iŋes apedor ŋinakisicanet iyoŋ. Erae iŋes eketiyan ŋolo ka Akuj ŋolo eyauni akisicanet ŋina ka anyunyura a ŋina ka Akuj neni a ŋulu itiyaete ŋuna aronok.

Ŋikis. 32:22

Enokuni aŋoit kaŋ esibit akim, todol aŋoit kaŋ tari nakibois a ŋikatwak, emwana esibit akim emunyari aŋoit kaŋ akwap ka ibore daadaŋ ŋini eyai nakwap edoli aŋoit kaŋ tari nakisyakinet a ŋimoru.