Yer. 20:8 - Ebaibul

⁸ Apaki daadaŋ ŋina alimunio ayoŋ ŋadikiro, emaikina ayoŋ ekalou, emaikina ayoŋ ocelu abala, “Aryanyeo ka akinyasuno!” Aruwor akirot a Ekapolon aneni kaŋ ibore ŋini ekeyanyere ayoŋ ka ŋini akajamuwaritere apaaran jwii.

Yer. 20:8 Iomraidhean Croise

2 Ŋirw. 2:23

Abu Elisa torotok a nen kidir Besel. Ani elosi iŋes alorot, potu ŋidyain ŋice, ido ijutanarete iŋes ecelasi ebasi “Tolot ane, iyoŋ ŋolopalor lo! Tolot ane iyoŋ ŋolopalor lo!”

2 Ŋakiro a ŋirwa 36:16

Nai apotu ikes tokienatar ŋikadwarak ŋulu ka Akuj, toŋero ŋakiro ka Akuj ŋuna erworosi ŋikadwarak ka tojamuwasi ŋikadwarak ŋulu ka Akuj akitodol ŋina abunio anyunyura ka Akuj ŋina apolon nooi lotuŋa keŋ ŋul, todaun epite ece ŋolo eiunotor ikes.

Isa. 57:4

Ŋae mono ikyanatar iyes? Ŋae iŋenyanakinete iyes ka imyelanakinete iyes ŋaŋajepa? Meere iyes ŋidwe ŋulu ikiuriyo anabilibil ŋikisila ka ŋidwe a ŋimodiyanotin a?

Yer. 15:10

Mam alakara ayakar ayoŋ! Kaanukiro kekedounio ayoŋ toto kaŋ ekewuak nakwap na? Arae ayoŋ ekile ŋolo ekesiburao ka eketepegitae anakwap a daadaŋ! Nyidenikino ayoŋ idiobore neni a ituŋanan ka nyideniuno ayoŋ idiotuŋanan ibore, nai ekecenete ikes daadaŋ ayoŋ.

Yer. 15:15

Abu nai ayoŋ otema, “Okoe Ekapolon, iyeni iyoŋ, totamunae ayoŋ, ido kiyokoi ayoŋ, inakinae akinyaŋar aronis a ŋulu ekesicanito ayoŋ, anapatanu kon nyimyek ikes elemarete akiyar kaŋ; toyeni atemar edaŋidaŋi ayoŋ ŋiyany aŋuna kon.

Yer. 17:27

Nai pa kipupokis iyes ŋakiro kaŋ, pa kitopoloosi akoloŋit ŋina a Sabato erae akoloŋit ŋina asegan ka pa kiwoko ibore idio akoloŋit ŋina a Sabato tolomuniata lopukei a Yerusalem, ecunyakini ayoŋ akim alopukei a Yerusalem, enomiyari akim ŋin ŋakais ŋuna ka apukan ŋuna eya Yerusalem ka nyituduŋeo akim ŋin.”

Yer. 20:7

Okoe Ekapolon ikisupa iyoŋ ayoŋ ka adau ayoŋ akisuparo ikilou iyoŋ ayoŋ ka iruwor iyoŋ ekelounan. Aruwor ayoŋ ŋolo akakyenare apaaran jwii; akajamuwarito ayoŋ ŋituŋa daadaŋ.

Yer. 28:8

Apotu ŋikadwarak daadaŋ ŋulu aya ekiŋaren eriŋa iyoŋ ka ayoŋ alorwa a ŋulu a koloŋ todwara ŋuna ke ejie, eron ka edeke aŋuna a ŋakwapin ka aŋuna a ŋapukasinei a ŋuna agogoŋok.

Yer. 5:1

Okoe ŋituŋa a Yerusalem, tokera ilosete ka iboŋete alorotin a etaun kus, toŋoleŋolekisi, ido kiŋolikis, kiwara nalapatui a etaun kus kiŋolikis erae kipedorete aryamun idiotuŋanan ŋini itiyae ŋuna iyookino, ŋini iwarit ŋakiro ŋuna a kire, ikotere apedori ayoŋ akisyon Yerusalem.

Yer. 5:6

Aŋun, eari eŋatuny ŋolo ebunit anamoni ikes, emunyari epeot ŋolo ebunit analoŋisat ikes. ite eris ŋitaunio kec eremokino; ituŋanan daadaŋ ŋini elomuni kiŋa alotaunio kec, enyilinyiliyaryo, anerae elalak ŋasecisya kec ka epol nooi epite ŋolo aŋeryoto ikes akiwuap ŋuna ebookoi.

Yer. 6:10

Kiŋit Yeremia Ekapolon tema, “Ŋae emaikina ayoŋ olimok tocoik ŋakiro nu? Ŋae iirari ŋakiro kaŋ? Agol ikes ŋaki kec, aŋun, nyepedorete akiirar. Ejamuwarito ikes akirot ŋina ke Ekapolon, nyitojokito ikes akirot a Ekapolon.

Yer. 7:9

Irubakinete mono iyes ikokoyete, ilomete, ikoŋete alyokonu, iyaanarete ŋainakineta neni a Baal ka iwuapito ŋakiro a ŋakujo a ŋuna sek pa iyenete iyes,

Abak. 1:3

Kaanukiro ikimyekinia iyoŋ ayoŋ ete itiyao ŋakiro ŋuna nyiyookino? Kaanukiro icamakinitor iyoŋ ŋuna nyiyookino? Eyakasi diyete kaŋ amunyaro ka aryenyeo; elalak nooi ŋijiesyo ka ŋiburasinei.

Luk. 11:45

Abu epei a ŋiketatamak a Ŋikisila, tolimok iŋes tema, “Eketataman, ikimor iyoŋ isua daŋ alorwor kon!”

Ŋibur. 11:26

Abu iŋes totyaku atemar ajamuwaro aŋuna a Kristo, erae abaru ŋina apolon akilo abaru daadaŋ ŋina alo Ijipit, anerae atami iŋes ŋuna ke eropit a ŋolo a rwanu.

Ŋibur. 13:13

Aŋun, itemokino iwon oloto kiŋa neni keŋ, nakibois ŋina nyiboiyoto ŋituŋa, ido omora ŋileec ŋulu abu iŋes toryamu.

1 Pet. 4:14

Irereŋ iyes erae kikiyanyi aŋuna iraakatar ŋikewuapak a Kristo; eyai Etau ŋolo ka apolou a ŋina ka Akuj neni kus.