Yer. 20:4 - Ebaibul

⁴ Alimu Ekapolon elope ebe, “Eketuruwori ayoŋ iyoŋ ekabule aneni kon a elope ka aneni a ŋikonei kon a daadaŋ ka earyo ikes a ekileŋ a ŋolo a ŋimoe kec ite iyoŋ. Ainakini ayoŋ ŋituŋa a Yudaya daadaŋ napedor a erwosit a Babilon, erikori erwosit a Babilon ikes nakwap keŋ ka eari ikes a ekileŋ.

Yer. 20:4 Iomraidhean Croise

2 Ŋirw. 25:7

Aponi toarae ŋidwe a Sedekia ite elope. Ani ekaku togoronoroe ŋakonyen keŋ toenae iŋes a ŋiriko, yaarae Babilon.

Ŋikiru. 73:19

Emunyaryo ikes atipei, emunyaryo ikes toŋopiyasi jik.

Yer. 13:10

Ikwaanikonosi ŋituŋa ŋul ka elou ŋolo enapitae anacir ŋol ŋolo emam nabo ajokis eyakar. Erae ŋituŋa ŋul ŋulu itiyaete ŋuna aronok, awout akiwuap ŋakiro kaŋ ka anakisyaanu kec ewuapa ŋuna ecamito ikes, alot daŋ akilipenen neni a ŋakujo a ŋace ka akitiyanakin ikes.

Yer. 13:19

erikaun ŋitaunio ŋulu eya Negeb mam ituŋanan epedori atubor neni kec, arikor ŋituŋa a Yudaya daadaŋ nakwap ace, arikor ikes daadaŋ mam ŋini edoŋ.’”

Yer. 19:15

“Alimu Ekapolon ŋolo a ŋajoresyo Akuj ŋina a Ŋisirael ebe, ‘Ayauni tokona ayoŋ lotaun lo ka lotaunio a Yudaya daadaŋ ŋican daadaŋ ŋulu adau ayoŋ alimun aremokino ikes, anerae etogogoŋo ŋituŋa kec ŋakyes, awout akiirar ŋakiro kaŋ.’”

Yer. 20:6

Ani eruwor iyoŋ Pasur ka ŋituŋa a ekal kon daadaŋ, ikirikoryo iyes, ikiyaaryo Babilon, itwani iyoŋ a ina ka ikinukyo iyoŋ inaa kaapei ka ŋikonei kon daadaŋ ŋulu idwarenene iyoŋ neni kec ŋuna ka alyokonu.”

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 29:21

Ŋakiro a Ekapolon a ŋolo a ŋajoresyo, Akuj a Ŋisirael ikes nu aŋuna ka Aab alokoku a Meseia a ŋulu edwarete neni kus ŋuna ka alyokonu alokiro kaŋ, ainakini ayoŋ ikes napedor a erwosit Nebukadinesar a ŋolo a Babilon, eari iŋes ikes iteete iyes.

Yer. 46:5

Kaanukiro eteo ayoŋ ikes ebulit? Aema ikes, aboŋosi ebulit, eloun ŋikajiok kec, ido ikirikasi ekerete, iŋoliununeete kaku, eyai ekabule lowaetin kec daadaŋ.

Yer. 52:24

Abu ekapolokiniton a ŋasigarya a ŋuna eyokiyete erwosit a Babilon kikama Seraia esacaradoti ŋolo apolon nooi, Sepania esacaradoti ŋolo atupit Seraia anapolou ka ŋiketeok ŋiuni ŋulu eteete ŋikekya.

Yer. 52:27

Abu erwosit a Babilon toar ikes alo Ribila alotaun a ŋolo ayai nakwap ŋina enyaritae Amas. Ekoni nen arikoro a ŋituŋa a Yudaya anakwap kec.

Yer. 6:25

Nyilot lomanikorin, kori nyilot alorotin, anerae eyakatar ŋimoe yok ŋiboro ŋulujiet, eyai ekabule lowaetin yok daadaŋ.’

1 Sam. 2:33

Ituŋanan kus daadaŋ ŋini nyalemari ayoŋ a Namuroet kaŋ, emyekini iŋes tonipo ŋakiyo ŋakonyen keŋ ka tonip akiyaloloŋ etau keŋ, nai atum earere ŋituŋa a ekal kon daadaŋ.