Yer. 20:18 - Ebaibul

¹⁸ Kaanukiro ekedounere ayoŋ akiŋolikin ŋican ka akiyaloloŋ, ido oyar ŋirwa ŋulu a akiyar kaŋ daadaŋ ayakar ŋileec.

Yer. 20:18 Iomraidhean Croise

1 Ŋirw. 19:4

Nai tolot iŋes ka a keŋ akoloŋit apei analoŋisat. Ani edoli iŋes iwace neni ayai ekitoe ŋolo esibit epetet kiboikin kwap ekitoe ŋol, kilip a nen egasi atwanare tema, “Etemokin tokona, okoe Ekapolon, tolema akiyar kaŋ, anerae nyajok ayoŋ akilo atapapaa kaŋ.”

Yob 14:1

“Erae ŋituŋa daadaŋ ŋikidouno anaberu; euruwuaka ŋirwa a akiyar kec ka elalak ŋican kec.

Yob 14:13

Okoe kerae ca ikiwua iyoŋ ayoŋ anakibois a ŋikatwak, kerae ca ikililiŋiya iyoŋ ayoŋ a nen akitodol ŋina edaunor anyunyura kon, kerae ca kiwuakinite iyoŋ ŋirwa ŋulu ayakar ayoŋ nakibois a ŋikatwak, ido nai totamu atemar ekedarit ayoŋ iyoŋ a nen.

Yob 3:20

“Kaanukiro isiŋolikinere ituŋanan ŋini eryamunit ŋican akica kaanukiro einakinere akiyar neni a ituŋanan a ŋini iyaloloŋi a ŋinapaki,

Yob 5:7

nai ŋinapei idounere ituŋanan elomari locan, lopite ŋolo eporyoto ŋikatyenyityeny a akim kidiama.

Ŋikiru. 102:3

anerae iburiburete ŋirwa kaŋ lopite ŋolo epuripuryaaror apuru; akaryebete ayoŋ ŋakoyo, emwaka pe ikwa ŋatotol ŋuna enepete.

Ŋikiru. 69:19

Iyeni iyoŋ epite ŋolo ekeyanyere ayoŋ, iyeni iyoŋ ŋileec kaŋ ka ajamuwaro ayoŋ; iyeni iyoŋ ŋimoe kaŋ daadaŋ.

Isa. 1:6

Ameun anakejen kus anenidapal tari nakyes kus, mam neni ejok a nen, nai ileleba ŋawanan ka ŋajemei ŋuna eleleete ŋaakot; nyimadaritae ŋajemei ŋun, kori nyeenitae, kori nyiwasakinitae adiokimyet.

Isa. 51:7

Topupokisi ŋakiro kaŋ iyes ŋulu eyenete ŋuna ka akiyookino, iyes ŋituŋa ŋulu iwuakinito akitatam kaŋ lotai kus nyikuryaketa aŋuna ŋituŋa a ŋulu ikiyanyete iyes, nyikikadak iyes apaki ŋina ikiyanyata ikes iyes,

Yer. 15:10

Mam alakara ayakar ayoŋ! Kaanukiro kekedounio ayoŋ toto kaŋ ekewuak nakwap na? Arae ayoŋ ekile ŋolo ekesiburao ka eketepegitae anakwap a daadaŋ! Nyidenikino ayoŋ idiobore neni a ituŋanan ka nyideniuno ayoŋ idiotuŋanan ibore, nai ekecenete ikes daadaŋ ayoŋ.

Yer. 15:18

Kaanukiro nyedaununor aryeba kaŋ? Kaanukiro nyeiyonaryata ŋajemei kaŋ? Kire, ikoni iyoŋ aneni kaŋ ayonae ŋina edaunun ŋakipi ikamuni, ikoni iyoŋ eitanit ŋolo egolori ŋakipi.”

Yer. 3:25

Emaikina iwon opero alokwap ka ŋileec yok, emaikina ikirapuwasi iwon ŋileec ŋulu nyitopolooritere iwon Ekapolon, anerae ikisec iwon aneni a Ekapolon Akuj yok, iwon kaapei ka atapapaa yok; ameun anasoroko yok tari nakoloŋit na, ido nyiwuapa iwon ŋuna irworo Ekapolon Akuj yok.”

Yer. 8:18

Adaun alelyanu kaŋ, eyai aryeba neni kaŋ, adyakakin etau kaŋ.

Aum. 1:12

Ebasi ŋituŋa a Yerusalem, “Erae mono ŋican lu ŋikoŋinae aneni kus iyes ŋituŋa daadaŋ ŋulu itoreneneete Yerusalem a? Kiŋolikisi mono iyes ŋakwapin ŋunace, eyakasi ŋican ŋulu eryamunito ikes ŋulu ikote ŋulu eryamunitae isua a? Eyakasi mono nakwapin ŋican ŋulu ikote ŋulu eyaunit Ekapolon neni kosi anapaki a ŋina ka aŋoit keŋ nooi a?

Aum. 3:1

Arae ayoŋ epei ŋolo adau akiŋolikin akisicanet, akisicanet ŋina ebunit ananyunyura ka Akuj.

Abak. 1:3

Kaanukiro ikimyekinia iyoŋ ayoŋ ete itiyao ŋakiro ŋuna nyiyookino? Kaanukiro icamakinitor iyoŋ ŋuna nyiyookino? Eyakasi diyete kaŋ amunyaro ka aryenyeo; elalak nooi ŋijiesyo ka ŋiburasinei.

Yoa. 16:20

Akalimokini ayoŋ iyes kire atemar, ipote iyes akigworo ka akiwolol, nai elelyani akwap nooi; ipote iyes akiyaloloŋ, nai ibelekin akiyaloloŋ kus toruwor alelyan.

Ŋitic. 5:41

Tolomasi Ŋikiyakia a Natukot elakara nooi, anerae atamete ikes atemar amaikina ikes aryamun ŋican aŋuna ke ekiro a Yesu.

2 Tim. 1:12

erae nai Ŋakiro ŋuna Ajokak ŋunapei ŋun ikes adaŋitor ayoŋ daŋ ŋican. Nai nyekerumito ayoŋ ŋileec, anerae ayeni ayoŋ ŋini ekinyomit ka ayeni kire atemar epedori iŋes akiyok ejok ŋuna adaun akicikakin ayoŋ akitodol Akoloŋit ŋina esidyon.

Ŋibur. 10:36

Itemokino totitinyikis, ikotere itiyaete ŋuna ecamit Akuj, ido tocamut ŋuna ikiikinit iŋes.

Ŋibur. 11:36

Aponi ŋice tojamuwarae ka kibuŋae, torocae a ŋiriko, yaarae mabus.

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.

Ŋibur. 13:13

Aŋun, itemokino iwon oloto kiŋa neni keŋ, nakibois ŋina nyiboiyoto ŋituŋa, ido omora ŋileec ŋulu abu iŋes toryamu.