Yer. 20:12 - Ebaibul

¹² Okoe Ekapolon ŋolo a ŋajoresyo, ikatanakini iyoŋ ŋulu iyookino, ite iyoŋ ŋatameta ka ŋitai, kimyekinae ayoŋ eŋolik isicani iyoŋ ikes, anerae ainakina ayoŋ akitiya acamit kon.

Yer. 20:12 Iomraidhean Croise

2 Ŋakiro a ŋirwa 24:22

Abu erwosit Yoas nyemitak arimao ŋina abu Yeoiyada papa a Sakariya kitiya neni keŋ, nai abu toar Sakariya lokoku a Yeoiyada. Ani eriŋa Sakariya iridi, abu tema, “Elipi Ekapolon kiŋolik ŋakiro nu, ido kinyaŋa.”

Ŋikiru. 11:5

Eripiripi Ekapolon ŋuna itiyaete ŋulu iyookino ka ŋuna itiyaete ŋulu aronok, nai eremokino iŋes ŋulu eminasi aryenyeo.

Ŋikiru. 139:23

Toripiripae ayoŋ, okoe Akuj, ido toyenu ŋuna eya lotau kaŋ; kikatakinae ayoŋ, ido toyenu ŋatameta kaŋ.

Ŋikiru. 17:3

Idau iyoŋ akisyem etau kaŋ, ibu iyoŋ bu neni kaŋ nakwaare, idau iyoŋ akikatakin ayoŋ, ido nyeryamuna iyoŋ ŋuna aronok aneni kaŋ; nyelimuno ayoŋ ŋakiro ŋuna aronok.

Ŋikiru. 54:7

Ikiu iyoŋ ayoŋ alocan kaŋ a daadaŋ, eŋolik ayoŋ atemar eloun ŋimoe kaŋ.

Ŋikiru. 58:10

Elakarosi ŋulu iyookino apaki ŋina iŋolikiniata ŋulu aronok emunyaryo; icakulaete ikes a ŋakejen ŋaokot a ŋulu aronok.

Ŋikiru. 59:10

Ebuni neni kaŋ Akuj kaŋ anamina keŋ a ŋina nyiryaŋiryaŋa aiun ayoŋ, ekesiŋolikini iŋes ayoŋ ŋimoe kaŋ ebwaŋio.

Ŋikiru. 62:8

Okoe ŋituŋa kikinyoma Akuj; anerae Akuj iŋes erae akaiunan yok.

Ŋikiru. 7:9

Okoe Akuj ŋina iyookino, iyoŋ isyemeonori ŋakiro ŋuna eya natameta ka lotai, kitasalu aryenyeo a ŋulu aronok, ido kiterereŋ ŋulu iyookino.

Ŋikiru. 86:4

Yau alelyan neni ke eketiyan kon, anerae neni kon, okoe Ekapolon elipi ayoŋ.

Isa. 37:14

Abu Esekia kijau abaruwa aneni a ŋituŋa a ŋulu eyakuunit Senakerib, tosodi tosyom. Ekaku, abu Esekia kitipeiyo Kai a Ekapolon, ido topeta abaruwa alokiŋaren Ekapolon.

Isa. 38:14

“Eoroonor ayoŋ aditiyar etoil kaŋ ka apalagag egworo ayoŋ lopite ŋolo erwor akuri. Aup ŋakonyen kaŋ akireorit kidiama. Okoe Ekapolon, ekesicanitae ayoŋ, toruwor ekeuryaran kaŋ.

Yer. 11:20

Okoe iyoŋ Ekapolon ŋolo a ŋajoresyo iyoŋ ŋolo itubi ŋakiro ka akiyookino, ŋolo ikatanakini ŋitai ka ŋatameta a ŋituŋa, kisiŋolikinae ayoŋ akinyaŋaret kon neni a ŋituŋa a lu, anerae ewuak ayoŋ ŋakiro kaŋ daadaŋ napedor kon.

Yer. 12:8

Ekwaanikin ŋituŋa ŋulu apotu toruwor ŋulu kaŋ ka eŋatuny ŋolo ka amoni, irworosi ikes ŋakiro ŋuna ekemaniata ayoŋ; aŋun, aremokin ayoŋ ikes.

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Yer. 17:18

Kimyek ŋikesicanak kaŋ kiruma ŋileec, nai nyikimyek ayoŋ ekeruma ŋileec. Kimyek ikes tokadak, nai nyikimyek ayoŋ okokadak, yau aŋuna kec akoloŋit ŋina ka akisicanio, tomunya ikes iryenyaana nooi.

1 Pet. 2:23

Apaki ŋina eyanyere iŋes, nyemoro iŋes idiotuŋanan, apaki ŋina esicanere iŋes, pa abu kitukuryan idiotuŋanan, nai abu inakin neni ka Akuj a ŋina etubi ŋakiro iyookino.

1 Pet. 4:19

Aŋun, ikes ŋulu eryamunito ŋican aŋuna ka acamit a ŋina ka Akuj, itemokino torubakis itiyaete ŋuna ajokak, inakinos neni ke Ekasuban kec, a ŋolo itiyae ŋuna adau akiikin.

Akis. 18:20

Nakuj, tolakari! Ŋituŋa ŋulu ka Akuj ka ŋikiyakia ta ŋikadwarak, tolakaros! Anerae adau Akuj atubokin iŋes aŋuna abu iŋes kitiya neni kus!

Akis. 2:23

Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.

Akis. 6:10

Apotu ŋitai ŋul kiworout a etoil a ŋolo apolon temasi, “Ekapolon ŋolo etiron, ŋolo Asegan ka ŋolo a kire! Apaki mono ŋina etya ai iyai iyoŋ eriŋa nyebuno atubokin ŋituŋa ŋulu ka akwap, ido kisican ikes aŋuna ikiaryata isua?”

1 Sam. 1:15

Nai abu Ana toboŋok iŋes tema, “Nyamera ayoŋ, ekapolon kaŋ; arae ayoŋ aberu ŋina aryamunit ŋican ŋulu apipilak nooi; nyemata ayoŋ epiini, kori ŋagwe ŋadi ŋuna adwarak, nai igworonokini etau kaŋ Ekapolon.