Yer. 20:11 - Ebaibul

¹¹ Nai ikirukit ayoŋ ka Ekapolon ikwapei ekajion ŋolo adedeŋan, aŋun, nyepedorete ŋulu ecamito akiar ayoŋ akitiya idiobore, nyeruwor ikes ŋikelounak. Isirumyo ikes ŋileec nooi, anerae nyilounete ikes, nyimuryakin ajamuwaro kec ŋina a ŋikaru ka ŋikaru.

Yer. 20:11 Iomraidhean Croise

Ŋikiru. 129:2

eketijioto ikes ayoŋ ŋinapei anasoroko kaŋ, nai nyilouna ikes ayoŋ.

Ŋikiru. 35:26

Kimyek daadaŋ ŋulu akakyenatar ayoŋ alocan kaŋ kisurumae ŋileec ka ŋibiler; kimyek daadaŋ ŋulu iturosi alokiŋaren kaŋ kiruma, ŋileec ka tojoŋoi akitopoloorit.

Ŋikiru. 40:14

Kimyek daadaŋ ŋulu iwarito alemar akiyar kaŋ kisurumae ŋileec ka ŋibiler; kimyek daadaŋ ŋulu elakara aŋuna a ŋican kaŋ kiritarae ekadakinit.

Ŋikiru. 47:2

anerae Ekapolon ŋolo alokidiama nooi iŋes emaikina kitopolooroe, Erae iŋes Erwosit ŋolo apolon nooi, ŋolo ipukat ŋakwapin daadaŋ.

Ŋikiru. 6:10

Irumete ŋileec ŋimoe kaŋ daadaŋ ka eari ekabule; eboŋorete ikes ka alotooma apaki ŋina euruwuana, isurumyo ikes ŋileec.

Ŋikiru. 65:5

Anakiyookino kon, ikiboŋokini iyoŋ isua a ŋiticisyo a ŋulu ka aumokin, okoe Akuj ŋina irae akaiunan kosi; iyoŋ irae akigeno a ŋituŋa a akwap a daadaŋ ka ŋulu eya tari loculeta ka anam ŋulu alwanak.

Ŋikiru. 66:5

Potu toyenutu ŋakiro ŋuna etiya Akuj; eumokina nooi ŋakiro ŋuna etiyae iŋes aŋuna a ŋituŋa.

Isa. 41:10

nyikuryaketa, anerae ikirukit ayoŋ ka iyes, nyikuryaketa, anerae arae ayoŋ Akuj kus, eketogogoŋi ayoŋ iyes ka ekeŋarakini ayoŋ iyes. Akaiuni ayoŋ iyes a apedor kaŋ a ŋina elounan.

Isa. 41:14

“Iyes ŋituŋa a Yakob ŋulu ipalag, nyikuryaketa, iyes ŋituŋa a Isirael ŋulu ikudyoko, nyikuryaketa. Ekeŋarakini ayoŋ iyes, Akuj ŋina asegan ŋina a Isirael iŋes erae akalakunan kus.

Isa. 45:16

Isirumyo ŋituŋa daadaŋ ŋileec ka isiguryakinio, isiguryakinio ŋulu itiyaununeete ŋakujo kaapei.

Yer. 1:18

Ani eruwor ayoŋ, adau ayoŋ akitogogoŋ iyoŋ nakoloŋit na, lopite ŋolo egogoŋio etaun ŋolo ewuatae a ŋarwatatain, lopite ŋolo egogoŋio epir ŋolo erae asuwat ka egogoŋio arwatata ŋina edukitoe a eburonis. Nyikuryaniar, ikiremokinosi iyoŋ ŋituŋa a akwap a daadaŋ, ikiremokinosi iyoŋ ŋirwosi a Yudaya, ŋikapolok keŋ, ŋisacaradotin keŋ ka ŋituŋa keŋ ŋuluce daadaŋ.

Yer. 1:19

Ikitijiete ikes iyoŋ, nai nyikilounete ikes iyoŋ, anerae ikirukit ayoŋ ka iyoŋ aŋuna ka alakun iyoŋ.”

Yer. 1:8

Nyikuryaniar aŋuna kec, anerae ikirukit ayoŋ ka iyoŋ aŋuna ka aiun iyoŋ.”

Yer. 15:15

Abu nai ayoŋ otema, “Okoe Ekapolon, iyeni iyoŋ, totamunae ayoŋ, ido kiyokoi ayoŋ, inakinae akinyaŋar aronis a ŋulu ekesicanito ayoŋ, anapatanu kon nyimyek ikes elemarete akiyar kaŋ; toyeni atemar edaŋidaŋi ayoŋ ŋiyany aŋuna kon.

Yer. 15:20

Eketogogoŋi ayoŋ iyoŋ alokiŋaren ŋituŋa lu, lopite ŋolo egogoŋio arwatata ŋinajiet ŋina edukitoe a eburonis; ikitijiete ikes iyoŋ, nai nyikilounete ikes iyoŋ, anerae ikirukit ayoŋ ka iyoŋ aŋuna ka aiun ka alakun iyoŋ.

Yer. 17:18

Kimyek ŋikesicanak kaŋ kiruma ŋileec, nai nyikimyek ayoŋ ekeruma ŋileec. Kimyek ikes tokadak, nai nyikimyek ayoŋ okokadak, yau aŋuna kec akoloŋit ŋina ka akisicanio, tomunya ikes iryenyaana nooi.

Yer. 22:22

Ekutari ekuwuam ŋikepukak kus daadaŋ, erikoryo ŋituŋa ŋulu iminin ka iyes nakwap ace, tosodi ikirumete iyes ŋileec ka ikikadakini iyes aŋuna ka aronis kus.

Yer. 23:40

Tosodi alemari ayoŋ ajokis a nen ŋikaru ka ŋikaru okoinak iyes ŋileec ŋulu a ŋikaru ka ŋikaru, ŋulu nyimuryakinosi.”

Yer. 32:18

Itoodikinit iyoŋ amina ŋina nyiryaŋiryaŋa nanyameta ŋalipyo, nai isicani ŋidwe aŋuna a ŋasecisya a ŋikauruunak kec. Okoe Akuj ŋina apolon ka ŋina etiron ŋina erae ekiro kon Ekapolon ŋolo a ŋajoresyo,

Dan. 12:2

Eyarunete ŋituŋa ŋulu alalak ŋulu alomasi kwap, ŋice eryamunete alakara ŋina ka akiyar a ŋina nyedaun, ŋice eryamunete ŋileec ka ajamuwaro ŋina nyedaun.

Ŋirom. 8:31

Aŋuna a ŋakiro a ŋun a daadaŋ, ikitemari iwon ai? Ani keriit Akuj neni yok, ŋae epedori akitepeg iwon?

2 Tim. 4:17

Nai abu Ekapolon okowoik ayoŋ, okoinak agogoŋu, ido abu opedo alimonokin Ŋakiro ŋuna Ajokak daadaŋ, ikotere ŋituŋa daadaŋ ŋulu nyerae Ŋiyudayan iirarete ka aponi okoiun anatubokino atwanare.