Yer. 2:8 - Ebaibul

⁸ Nyetemara ŋisacaradotin ebe, ‘Ai eyai Ekapolon?’ Pa akayenete ayoŋ ŋulu atubete ŋakiro; apotu ŋikepukak okoŋero ayoŋ, apotu ŋikadwarak todwara ŋuna a Baal, ido kiwuapa ŋakiro ŋuna emam ibore iryamunia.

Yer. 2:8 Iomraidhean Croise

1 Ŋirw. 18:22

Tolimok nai Eliya ŋituŋa tema, “Ayoŋ bon edoŋit alokadwarak ke Ekapolon, nai eyakar Baal ŋikadwarak amiat ka ŋatomonikan.

1 Ŋirw. 18:29

Ani elunyar kidiŋ apaaran, torubakis ŋikadwarak a Baal edwarete nooi esibit ŋibaŋaanotin, todol tari apaki ŋina einanakinere ŋainakineta, nai mam etoil aponi kiirarae, mam ŋini abu toboŋok ikes ka mam ŋini amitakinit ŋakiro kec.

1 Ŋirw. 18:40

Tema Eliya neni a ŋituŋa, “Kikamutu ŋikadwarak a Baal, nyimyekis epei daŋ ebucar.” Kikamut nai ŋituŋa ikes; yau Eliya ŋikadwarak ŋul totiyaaror nayonae Kison, ido toar ikes a nen.

Yob 35:10

Nai mam ŋini ebala, ‘Ai mono eyai Akuj akasuban kaŋ, Akuj ŋina ikiinanakini agogoŋu nakwaare,

Isa. 28:7

Etooliyo epiini lu daŋ, ido iteriterosi aŋuna ke epiini a ŋolo adwaran; aoliyosi ŋisacaradotin ka ŋikadwarak anakimat epiini ŋolo adwaran, esimatimataiya ikes epiini, iteriterosi aŋuna ke epiini a ŋolo adwaran; nyisiyoonokinete ŋuna isileerekini Akuj ikes anakiruja, nyetubete ŋakiro a ŋituŋa a akiyookino.

Isa. 29:10

Ikiinak Ekapolon iyes etau ŋolo ijotoorotor nooi; agol iŋes ŋakonyen kus, iyes ŋikadwarak, emuko iŋes ŋakyes kus, iyes ŋiketeyenunak.

Isa. 30:5

irumete ŋileec ŋituŋa a Yudaya daadaŋ aŋuna a ŋituŋa a ŋulu nyepedorete akiŋarakin ikes, ŋituŋa ŋulu nyeyaunete adiojokis, kori adiokiŋarakinet neni kec, nai ŋileec ka ajamuwaro.”

Yer. 10:21

anerae imasimasit ŋikepukak, nyiŋitasi aneni ke Ekapolon ŋakiro ŋuna emaikina kitiyae; aŋun, nyerubakina ikes ipukato ka ealar ŋituŋa daadaŋ ŋulu epukato ikes.

Yer. 12:10

Amunaasi ŋikeyokok ŋulu alalak emanikor kaŋ ŋolo a ŋikito a epiini, epudakis ikes emanikor kaŋ kwap, eturuwosi ikes akwap kaŋ ŋina amina ayoŋ aloŋisat ka ereŋorot.

Yer. 16:19

Okoe Ekapolon, agogoŋu kaŋ ka aduketait kaŋ ŋina ajio alotooma, neni aŋopya ayoŋ akoloŋit ŋina a ŋican. Epote neni kon ŋituŋa a ŋakwapin anakisaleta a akwap. Elimunete ebe, “Mam ibore aryamut atapapaa kosi, nai amodiyo bon, aryamut ikes ŋiboro ŋulucaryo ŋulu emam akiŋarakinet iryamunia.

Yer. 18:18

Apotu nai ikes temasi, “Potu, oyeutu ŋarurumae emana Yeremia, anerae nyedaunun ŋakitatameta aneni a esacaradoti, kori ŋakiro ŋuna ajokak aneni a ŋikaosok, kori akirot aneni a ekadwaran. Potu esitakisi iŋes a ŋakiro a ŋadi, nyikiwuap ŋakiro keŋ ŋadi daŋ.”

Yer. 2:11

Eyai mono akwap adio ŋina elocok ŋakujo keŋ, tari pa kerae ŋakujo kec ŋuna a kire a? Nai aŋero ŋituŋa kaŋ Akuj kec aŋuna a ibore a ŋini emam ibore iryamunia.

Yer. 2:6

Nyetemara ikes, ‘Ai eyai Ekapolon, ŋolo ikiyauni isua ikitipeunio anakwap a Ijipit, ŋolo abu ikirik isua analoŋisat ka anakwap a ŋina arae alaro ka ŋina aya ŋapanya, anakwap a ŋina aonon ka a ŋina a akiryonut a ŋina alalan, anakwap a ŋina emam ituŋanan epedori akitor, a ŋina emam ituŋanan iboiyo?’

Yer. 4:22

Irworo Ekapolon ebala, “Ebaŋaaka ŋituŋa kaŋ, nyakayenete ayoŋ, erae ikes ŋidwe ŋulu ebaŋaaka, emam ŋakiro eyenete. Eyenete ikes akitiya aronis, nai nyeyenete akitiya ajokis.”

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Yer. 7:8

“Nai iwuakinito iyes akikinyomit kus nakiro ŋuna ka amodiyo ŋuna erae ŋacaryo.

Yer. 9:14

nai anakisyaanu kec, ewuapa ikes ŋuna a ŋitai kec ka ilipete neni ata Baal, lopite ŋolo etatamitotor atapapaa kec ikes akitiya.

Esek. 22:26

Etiyata ŋisacaradotin anakwap kec ŋakiro ŋuna nyecamakinito ŋikisila kaŋ, esitiyata ŋiboro kaŋ ŋulu asegak alopite a ŋolo aronon, nyeyenete atemar nyaalu ŋiboro ŋulu asegak ka ŋulu nyesegak, mam daŋ nyitatama ikes ŋituŋa toyenut ibore ŋini itoroniyaritae ka ŋini nyitoroniyaritae, aŋero ikes atamunit ŋarwa kaŋ ŋuna a Sabato, aŋun, adaut ikes ajamuwar ayoŋ alokidiŋ kec.

Esek. 34:2

“Lokoku a ituŋanan, todwar itoroniyarit ŋikeyokok a Isirael; todwar, tolimok ikes atemar alimu Ekapolon Akuj ŋakiro nu ebe, ‘Ekaŋ iyes ŋikeyokok a Isirael! Iyes ŋulu itanete ŋawat kus bon!’ Nyemaikina mono kitana ŋikeyokok ŋamesekin a?

Osea 4:6

Amunyarosi ŋituŋa kaŋ aŋuna amamukatar ayenut, anerae iŋero iyes ayenut, akaŋer ayoŋ daŋ iyes anarakau ŋisacaradotin kaŋ. Aŋuna ikimuryakiniata iyes ŋikisila a Akuj kus, ayoŋ daŋ ekemuryakinete ŋidwe kus.

Abak. 2:18

Nyo epoida a akuj a ŋina itiyaunitae? Erae iŋes ibore koŋin ŋini erae ituŋanan itiyaunit, emam ŋakiro ŋuna ikilimokini, nai irworosi ŋiketiyaunak kec alyokonu aŋuna kec. Anijokis itiyae iŋes neni a ŋini abu kiceu iŋes, ikotere kikinyomae iŋes? Erae iŋes akuj ŋina itiyaunitae ka erae iŋes koŋin, nyirworo.

Mat. 16:26

Alipoida eryamuni ituŋanan erae keŋata iŋes akwap daadaŋ, nai totwania akiyar keŋ? Mam jik! Kori nyo epedorya ituŋanan akisyecia akiyar keŋ?

Luk. 11:52

“Ekaŋ iyes ŋiketatamak a Ŋikisila! Iwua iyes ekipuŋguwo ŋolo eŋae akai ŋina eyai aosou; tari iyes ŋilopeyek nyelomara, nabo iretakis iyes tari ŋulu acamito alomar!”

Yoa. 16:3

Itiyaete ikes ŋun, anerae nyeyenuna ikes Papa kori ayoŋ.

Yoa. 8:55

Nyiyenete iyes iŋes; ayoŋ bon ayeni iŋes. Kerae otema ayoŋ nyayeni iŋes, karuwor ayoŋ ŋolo alyokonon ikwa iyes. Nai ayeni ayoŋ iŋes, ka ericakinit ŋakiro keŋ.

2 Ŋikor. 4:2

Aŋeri isua ŋiticisyo ŋulu ka amodiyo ŋulu iwuaitae; aŋeri isua amodiyanut ka akibatanar ŋakiro ŋuna ka Akuj. Nai ikiserae isua ŋuna a kire emam akuryanu, ikotere oryamuniata akikinyoma alotuŋa a daadaŋ alokiŋaren Akuj.

Ŋikis. 33:10

Itatamete ŋilepi ŋituŋa a Yakob ŋakiciketa kon ka itatamete Ŋisirael ŋikisila kon. Eyaununeete ikes ekinyate kiŋaren kon ka eyaununeete ŋainakineta ŋuna epeyo Namuroet kon.

1 Sam. 12:21

Nyiminakis ŋiboro ŋulu erae ŋikoŋinae ŋulu emam epoida, kori ŋulu nyikiunete, anerae erae ŋikoŋinae.

1 Sam. 2:12

Arae ŋidwe ke Eli ŋulusapa ŋidwe ŋulu aronok nooi, pa amisito ikes ŋakiro ŋuna ke Ekapolon;