Yer. 2:6 - Ebaibul

⁶ Nyetemara ikes, ‘Ai eyai Ekapolon, ŋolo ikiyauni isua ikitipeunio anakwap a Ijipit, ŋolo abu ikirik isua analoŋisat ka anakwap a ŋina arae alaro ka ŋina aya ŋapanya, anakwap a ŋina aonon ka a ŋina a akiryonut a ŋina alalan, anakwap a ŋina emam ituŋanan epedori akitor, a ŋina emam ituŋanan iboiyo?’

Yer. 2:6 Iomraidhean Croise

2 Ŋirw. 2:14

Ya iŋes ekaaso ke Eliya ŋolo acakun toramya ŋakipi irworo ebala, “Nyali Ekapolon ŋolo erae Akuj ŋina ke Eliya?” Kedau iŋes akiram ŋakipi, totyakas ŋakipi alokidiŋ totyeikis Elisa totubori ekekwaye.

Yob 3:5

Elipi toruwor akoloŋit ŋin ŋina ka akiyaloloŋ ka ŋina iryonia akwap cuc, elipi torapuwasi ŋidouwon akwap akoloŋit ŋin; elipi toyakaun akiryonut ŋina etubulon akoloŋit ŋin.

Yob 35:10

Nai mam ŋini ebala, ‘Ai mono eyai Akuj akasuban kaŋ, Akuj ŋina ikiinanakini agogoŋu nakwaare,

Ŋikiru. 23:4

Tari kalosi ayoŋ anakadipaalat a ŋinakiryonon cuc, nyakuryani ayoŋ atemar akawanio; anerae ikirukit ayoŋ ka iyoŋ ka akaiunito ayoŋ abiro ka ebela kon.

Ŋikiru. 77:5

Atamatamae ayoŋ ŋuna a ŋirwa a ŋulu koloŋ sek, atamunit ŋuna a ŋikaru a ŋulu koloŋ sek.

Awos. 20:2

“Ayoŋ Ekapolon Akuj kus, ŋina abu okoyau iyes anakwap a Ijipit, anakibois a ŋina iraakatar iyes ŋipi.

Isa. 63:9

alocan kec a daadaŋ. Pa arae ekiyakia kori emalaika, nai ayakau a Ekapolon kaapei ka ikes abu toiu ikes; abu iŋes anamina ka anakisyon keŋ tolaku ikes, abu todak ikes, kidar ikes ŋirwa daadaŋ ŋinapei koloŋ sek.

Isa. 64:7

Mam ituŋanan enyarit ekiro kon, kori ikatakini arubakin eyai neni kon, anerae iwua iyoŋ ereet kon aneni kosi ka ikimyek iyoŋ isua ikilounete ŋasecisya kosi.

Yer. 13:16

Kitopoloosi Ekapolon Akuj kus eriŋa iŋes nyeyauna akiryonut nyikigukinia iyes alomoru apaki ŋina edoiyorya akoloŋ, kiirasi ŋakiro keŋ eriŋa iŋes nyelemara akica ŋina iitanito iyes eriŋa iŋes nyeyauna akiryonut ŋina alalan.

Yer. 2:2

“Ape kisera ŋakiro nu epupete ŋituŋa a Yerusalem, ŋakiro ŋuna irworo Ekapolon ikes nu: Atamunit ayoŋ ainakina kon neni kaŋ alorwa a ŋulu ka asoroko kon; atamunit ayoŋ amina ŋina ikiminar iyoŋ ayoŋ ikwa ateran. Epite ŋolo ikiwuapitor iyoŋ ayoŋ analoŋisat, anakwap a ŋina nyitao.

Yer. 2:8

Nyetemara ŋisacaradotin ebe, ‘Ai eyai Ekapolon?’ Pa akayenete ayoŋ ŋulu atubete ŋakiro; apotu ŋikepukak okoŋero ayoŋ, apotu ŋikadwarak todwara ŋuna a Baal, ido kiwuapa ŋakiro ŋuna emam ibore iryamunia.

Yer. 5:12

Erworo ikes alyokonu aŋuna ke Ekapolon, atemasi ikes, “Emam ŋuna itiyakini Ekapolon. Emam aronis ebuni neni kosi, nyeyakaun ejie kori eron neni kosi.”

Yer. 5:2

Tari kirworosi ikes ebe, “Ikwapei eyarya Ekapolon,” nai ikoŋete ikes alyokonu.

Yer. 51:43

Aruwor ŋitaunio keŋ ŋulu itubulete ŋituŋa iŋolikinete, aruwor Babilon akwap ŋina eonit ka aloŋisat, akwap ŋina emam ituŋanan iboiyo ka neni emam ituŋanan itorenene.

Osea 12:13

Abu Ekapolon kisitiya ekadwaran ayaun Ŋisirael alo Ijipit ka abu Akuj kisitiya ekadwaran akiyokuunio ikes.

Osea 13:4

Nai arubakinit ayoŋ arae Ekapolon Akuj kec, ageun ŋinapei anakwap a Ijipit, mam ŋakujo ŋace eyenete ikes mati ayoŋ bon, emam ekaiunan ece mati ayoŋ bon.

Amos 2:10

Nabo abu ayoŋ okoyau iyes anakwap a Ijipit, okorik iyes ŋikaru ŋatomoniomwon analoŋisat, ikotere okoinak iyes akwap a Ŋiamori.

Mat. 4:16

Aanyuwasi ŋituŋa ŋulu eboiyete anakiryonut akica ŋina apolon, tari ŋulu eboiyete alotorube a ŋolo ka atwanare, enuaku akica ikes.”

Ŋikis. 1:19

Ikwapei abunio Ekapolon Akuj yok ikilimokinia iwon, aponi iwon towotokinae alo Oreb, totuboe aloŋisat daadaŋ ŋina apolon nooi ŋina a ŋican ŋina ipotu iyes kiŋolikis ewosyo iwon nakwap ŋina a ŋikamukumukui, nakwap ŋina a Ŋiamori akitodol ŋina adolere iwon Kades-Barinea.

Ŋikis. 32:10

Abu kitan ikes analoŋisat a ŋina asilon ka a ŋinacaryoit, abu toiu ikes ka kidar ikes, lopite ŋolo iyokitor iŋes ecopot a akoŋu keŋ.

Ŋikis. 8:2

Totamunito erot ŋolo aoyan ŋolo abu Ekapolon Akuj kus ikirikyo iyes analoŋisat ŋikaru ŋatomoniomwon lu, ikotere itiditeunosi iyes make ka ikikatanak iyes aŋuna ka ayenunia ŋakiro ŋuna aya lotai kus ka ayenunia erae kipedorete akiwuap ŋakiciketa keŋ, kori mam.

Ŋikat. 6:13

Tolimok Gideon emalaika tema, “Nai okoe ekapolon, ani kire kikiya isua ka Ekapolon, kaanukiro etiyakinotor ŋakiro nu daadaŋ neni kosi? Nyaalu ŋiticisyo keŋ ŋulu ka aumokin, ŋulu ikilimokinito isua atapapaa kosi ebasi, ‘Meere Ekapolon ikiyauni iwon anakwap a Ijipit a?’ Nai tokona ikicaka Ekapolon isua, ikipotok isua napedor a Ŋimidian.”