Yer. 2:5 - Ebaibul

⁵ Ŋakiro ŋuna iruworo Ekapolon ikes nu, “Anironis apotu atapapaa kus toryamut aneni kaŋ, ŋina abu inak ikes aekar aneni kaŋ, ido toloto akiwuapit ŋiboro ŋulucaryo, toruworos ikes daŋ ŋicaryo?

Yer. 2:5 Iomraidhean Croise

2 Ŋirw. 17:15

Apotu tojamuwasi ŋikisila a Ekapolon ka acamunet ŋina acamunotor iŋes ka atapapaa kec ta ŋakiyayanakineta ŋuna aris kisiirar ikes. Kiwuapa ikes ŋakujo ŋuna koŋinae toruworos ikes ŋikoŋinae. Kiwuapa ikes ŋipitesyo a ŋituŋa a ŋulu ebakito ka ikes, a ŋulu aris Ekapolon Akuj kicik ikes nyiwuap ŋipitesyo kec.

Ŋikiru. 115:8

Ikwaanikin ŋulu itiyaete ŋakujo ŋun ka ŋakujo ŋun, ŋulu ikinyomito ŋakujo ŋun daŋ, ikwaanikin ka ikes.

Isa. 29:13

Alimu Ekapolon ebe, “Eapiyete ŋituŋa lu aneni kaŋ anakiro aŋuna irworosi ka eketopoloorito ayoŋ anakiro aŋuna irworosi, nai elwaka ŋitai kec aneni kaŋ, erae akilip kec neni kaŋ ŋina iwuapitere ŋikisila ŋulu etatamyo ikes eboonokin alimunun.

Isa. 44:9

Ŋituŋa daadaŋ ŋulu itiyaununeete ŋakujo erae ŋikoŋinae ka erae ŋiboro ŋulu ikinyomito ikes ŋulu emam ibore iryamunia; emudukaka ŋituŋa ŋulu ilipete neni a ŋakujo a ŋun, kori emam ŋuna eyenete. Aŋun, isirumyo ikes ŋileec.

Isa. 46:12

“Iyes ŋituŋa ŋulu egogoŋ ŋakyes, iyes ŋulu ilwaka analakuno!

Yer. 10:8

Imasimasit ka ebaŋaaka ikes daadaŋ; emam akitatam ŋina ejok ŋina eryamunete ikes aneni a ŋakujo a ŋunacaryo.

Yer. 12:2

Idupakini iyoŋ ikes, toruba ŋataagor kec, epolounete ikes toraut ŋaraito. Irworosi ikes ŋuna ajokak aŋuna kon, nai nyikimisito ikes iyoŋ alotai kec.

Yer. 14:22

Epedorete mono ŋakujo a ŋakwapin ayaun akiru a? Kori epedori mono kidiama akimyekin akiru bu a? Okoe Ekapolon Akuj kosi, meere mono iyoŋ iyauni a? Ikiwuakinit isua akigeno kosi neni kon, anerae iyoŋ itiyae ŋun daadaŋ.

Yer. 2:31

Okoe anyamet na, kiirasi ŋakiro a Ekapolon! Abu mono ayoŋ ekwaanikin ka aloŋisat aneni a Ŋisirael, kori ka akwap ŋina ileleba akiryonut cuc a? Kaanukiro nai irworotor ŋituŋa kaŋ ebasi, ‘Ikitiyae isua ŋuna ecamitae, nyikiboŋuni nabo isua neni kon?’

Yer. 2:4

Kiirasi ŋakiro a Ekapolon, iyes ŋituŋa a ekal a Yakob ka iyes ŋituŋa a ŋikalya a daadaŋ a Ŋisirael.

Yer. 8:19

Kiirasi akigworo a ŋituŋa kaŋ, igworosi ikes aneni eapi ka aneni alwanan ebasi, “Emam mono Ekapolon alo Sion a? Emam mono erwosit a Sion alotaun keŋ a? Kaanukiro eketoŋoeta ikes ayoŋ a ŋitorubei kec, kaanukiro eketoŋoeta ikes ayoŋ a ŋitorubei a ŋakujo kec a ŋuna egelaaka?”

Esek. 11:15

“Lokoku a ituŋanan, ŋituŋa ŋulu erae ŋikaitotoi kon, ŋiyeneta kon ŋulu a kire ka ŋituŋa ŋulu a ekal a Isirael, ikes ŋituŋa ŋulu apotu ŋituŋa a Yerusalem temasi ebe, ‘Aekasi aneni ke Ekapolon, ido adaun ainakin isua akwap kec na aruwor ŋina kosi.’

Esek. 14:5

Etiyae ayoŋ ŋun, ikotere enyakuni ŋitai a ŋituŋa kaŋ a Ŋisirael neni kaŋ, ŋituŋa kaŋ ŋulu akaesikis ayoŋ daadaŋ, ŋulu alot neni a ŋakujo.’

Yona 2:8

Ŋulu ilipete neni a ŋakujo a ŋunacaryo, adaut akiŋer Akuj ŋina isyonene ikes.

Mat. 15:8

‘Eketopoloorito ayoŋ ŋituŋa lu alorwor kec, nai elwaka ŋikecetai aneni kaŋ.

Ŋitic. 14:15

“A ŋikilyok, kaanukiro itiyaata iyes nu? Isua daŋ ikirae ŋituŋa ikwa iyes! Ikiyaunit isua Ŋakiro ŋuna Ajokak neni kus, ikotere kibelekinos anakujo a ŋuna koŋinae neni ka Akuj a ŋina eyari. Iŋes erae Akuj ŋina asubi kidiama ka akwap, anam ka ŋiboorei daadaŋ ŋulu eyakasi tooma kec.

Ŋirom. 1:21

Eyenete ikes Akuj, nai nyitopoloorito ikes iŋes ikwa Akuj, kori nyitalakarito. Nai aruworosi ŋatameta kec ŋakoŋinae ka elelebikin akiryonut nakyes kec ŋuna ebaŋaaka.

Ŋikis. 32:21

Apotu ikes eketililikis ayoŋ ibore ŋini nyerae akuj, eketoŋoa ayoŋ a ŋitorubei kec a ŋulu a ŋakujo. Aŋun, ainakini ayoŋ ikes tolilikis ibore ŋini nyerae ituŋanan, kitoŋoa ŋituŋa ŋulu abaŋaaka ikes.

1 Sam. 12:21

Nyiminakis ŋiboro ŋulu erae ŋikoŋinae ŋulu emam epoida, kori ŋulu nyikiunete, anerae erae ŋikoŋinae.