Yer. 2:36 - Ebaibul

³⁶ Kaanukiro isaaryata iyes ilocokinioto ŋipitesyo kus? Ikisirumete iyes ŋituŋa a Ijipit ŋileec lopite ŋolo aponiata ŋituŋa ŋulu ka Asiriya ikisurumyata iyes ŋileec.

Yer. 2:36 Iomraidhean Croise

2 Ŋakiro a ŋirwa 28:16

Apaki ŋin, abu erwosit Aas kiyakiya ŋituŋa neni a erwosit ka Asiriya potu ŋituŋa keŋ akiŋarakin ŋituŋa a Yudaya,

Isa. 20:5

Ebuli ŋituŋa daadaŋ ŋulu sek ayakatar akigeno aŋuna ka Esiopia ka ŋulu eturosi aŋuna a Ijipit.

Yer. 2:18

Nyo itamete iyes atemar iryamunete analosit Ijipit akimat ŋakipi ŋuna ka aŋolol Nile? Kori nyo iryamunete iyes analosit Asiriya akimat ŋakipi ŋuna ka aŋolol Eupurate?

Yer. 2:23

Kaanukiro irworotor iyes ibasi, ‘Nyikimunaara isua, nyeloto isua akilip neni a Baal?’ Kiŋolikisi epite ŋolo ayakatar ŋipitesyo kus anakadipaalat; toyenutu ŋuna ipotu iyes kitiyata. Ipotu iyes kikubakinos nooi ikwa akaal ŋina adwarunan, toema ama ka ama;

Yer. 2:33

“Ipiiryaka iyes anakiwarit ŋulu iminasi. Alopite a ŋol, itatama iyes tari ŋaberu ŋuna esyaak ŋipitesyo kus.

Yer. 22:20

“Okoe ŋituŋa a Yerusalem, kitipeiyosi Lebanon kigworo a nen, toloto Basan kigworo a nen icelasi, kioroutu alo Abarim, anerae amunyar ŋituŋa ŋulu iminin ka iyes daadaŋ.

Yer. 22:22

Ekutari ekuwuam ŋikepukak kus daadaŋ, erikoryo ŋituŋa ŋulu iminin ka iyes nakwap ace, tosodi ikirumete iyes ŋileec ka ikikadakini iyes aŋuna ka aronis kus.

Yer. 31:22

Okoe iyes ŋituŋa ŋulu emam akikinyoma, tari ori irimito iyes? Adau Ekapolon asubun ibore ŋini kitete anakwap, iyoki aberu ekile.”

Yer. 37:7

“Alimu Ekapolon Akuj ŋina a Ŋisirael ebe, ‘Tolimokisi iyes ŋiarei erwosit a Yudaya ŋolo ikiyakuunit iyes akiŋit ayoŋ ŋuna emaikina kitiya, atemar eboŋorete nakwap kec Ijipit ŋasigarya a Parao ŋuna eponito akiŋarakin iyoŋ.

Yer. 46:12

Eirasi ŋituŋa a ŋakwapin ŋuna a ŋileec kus ka ealakin akigworo kus akwap daadaŋ; anerae aarasi ŋikajiok make atwaka daadaŋ kaapei.”

Aum. 4:17

Aponi isua kidarae ikiŋarak akwap adio, nai mam akiŋarakinet aponi toryamunae anakwap ka adio.

Aum. 5:6

Aponi isua tocamunae ikipukaete ŋituŋa a Ijipit ka Asiriya, ikotere isua ikiryamuni akimuj ŋina ikitemokino.

Esek. 16:28

Ibu iyoŋ tomalaana tari ka ŋituŋa ŋulu ka Asiriya, anerae ibu iyoŋ nyitema etemokin, ibu tomalaana ka ikes, ido pa ibu tolimok ikes atemar etemokin.

Esek. 29:7

Ani ikitiŋete Ŋisirael iyes a ŋakan, ipotu iyes tobilibila ŋakan kec, kicumucuma ŋiseketa kec daadaŋ; ani egwaŋunosi ikes neni kus, ipotu iyes tobilibila ikes, kiŋwala ŋakejen keŋ nyepedosi alosit.

Osea 10:6

Eaaryo etorube ŋol Asiriya, ikwapei ocur neni ke erwosit a ŋolo apolon. Isirumio ŋituŋa a Epuraim ŋileec ka irumete ŋituŋa a Isirael ŋileec aŋuna a etorube a ŋolo ka akuj kec.

Osea 12:1

Erae ŋakiro daadaŋ ŋuna itiyaete ikes ŋakoŋinae, iwuapito ikes ŋipitesyo ŋulu ka abaŋao apaaran jwii. ido iasete alyokonu ka aryenyeo neni kec, acamunosi ikes ka ŋituŋa ŋulu ka Asiriya, ido iwokonorete akimyet Ijipit.

Osea 14:3

Nyepedori Asiriya aiun isua, nyikime nabo isua ŋaŋolei, nyeriŋa nabo isua ikitemari neni a ŋiboro a ŋulu ikitiyauni isua a ŋakan kosi ebe, ‘Ŋakujo kosi.’ ”

Osea 5:13

Ani iŋolikini Epuraim atemar edyaka iŋes ka ani iŋolikini Yudaya ŋajemei keŋ, abu Epuraim tolot Asiriya akiŋita akiŋarakino aneni a Yereb a erwosit a ŋolo apolon. Nai abu erwosit ŋol nyepedo akitaŋaleun Epuraim, kori akitiiyor ŋajemei a Yudaya.

Osea 7:11

Eporoporot Epuraim ikwa temeleudi ŋina imatimataarit. Eloseneneete ikes anyarare ŋituŋa a Ijipit akiŋarakin ikes, ido toloto nabo anyarare ŋituŋa ka Asiriya.