Yer. 2:33 - Ebaibul

³³ “Ipiiryaka iyes anakiwarit ŋulu iminasi. Alopite a ŋol, itatama iyes tari ŋaberu ŋuna esyaak ŋipitesyo kus.

Yer. 2:33 Iomraidhean Croise

2 Ŋakiro a ŋirwa 33:9

Abu Manase kibata ŋituŋa a Yudaya ka ŋulu eboiyete alo Yerusalem akitiya aronis ŋina eloit nooi ŋina a ŋituŋa a ŋulu eritari Ekapolon anakwapin kec alokiŋaren Ŋisirael.

Yer. 2:23

Kaanukiro irworotor iyes ibasi, ‘Nyikimunaara isua, nyeloto isua akilip neni a Baal?’ Kiŋolikisi epite ŋolo ayakatar ŋipitesyo kus anakadipaalat; toyenutu ŋuna ipotu iyes kitiyata. Ipotu iyes kikubakinos nooi ikwa akaal ŋina adwarunan, toema ama ka ama;

Yer. 2:32

Epedori mono apese akisimuryakin ŋinapen keŋ ŋulu esiritor iŋes akuwan keŋ a? Kori epedori mono ateran akisimuryakin ŋilowi keŋ a? Nai emuryakin ayoŋ aneni a ŋituŋa kaŋ ŋirwa ŋulu nyimarun.

Yer. 2:34

Kire, eya lolowi kus ŋaokot ŋuna iaryata iyes ŋikulyak ŋulu emam ŋakiro esecito tari pa kikamunito iyes ikes ebwaŋete ŋakais kus, nai tari kikote ŋakiro nen,

Yer. 2:36

Kaanukiro isaaryata iyes ilocokinioto ŋipitesyo kus? Ikisirumete iyes ŋituŋa a Ijipit ŋileec lopite ŋolo aponiata ŋituŋa ŋulu ka Asiriya ikisurumyata iyes ŋileec.

Esek. 16:27

Aŋun, abu ayoŋ ekesican iyoŋ, etiditeu akwap kon; ekepotok iyoŋ nacamit ŋina a ŋimoe kon, a ŋulu arae ŋiletok a Ŋipilistin. Aumokinito ŋimoe ŋul nooi aŋuna ka asiilyo a ŋina itiyae iyoŋ.

Esek. 16:47

Nyitiya iyoŋ ŋuna bon apotu ikes ikitiyata, ibu iyoŋ kiwuap ka kisisau akitiya ŋakiro ŋuna aronok ŋuna etiyaete ikes, nai alotooma ŋipitesyo kon daadaŋ, ibu iyoŋ kiburuburak amunaar atipei akilo ikes.

Osea 2:13

Esicani ayoŋ iŋes aŋuna a ŋarwa a ŋuna etiyaa ŋasuban neni ata Baal, ŋirwa ŋulu ainanakinia iŋes ekinyate neni ata Baal, tosirite akuwan keŋ a ŋikadoŋidoŋ ka ŋinapen ŋulu epol egyelit, ido tolosenenee neni a ŋikilyok a ŋulu amina iŋes, tosodi ekemuryak ayoŋ.