Yer. 2:3 - Ebaibul

³ Etaleoritae Isirael aŋuna ke Ekapolon apaki ŋin, iyaanarete iyes apaki ŋin ŋaraito ŋuna esyaunak neni a Ekapolon. Aponi ŋituŋa daadaŋ ŋulu apotu tonyama ŋaraito ŋun kimarakinae erae ŋikasecak, apotu ikes toryamut ŋican.”

Yer. 2:3 Iomraidhean Croise

Awos. 22:29

“Nyiŋero ainakin Akuj ŋainakineta ŋuna a ŋikinyom kus, kori ŋamyeta ŋuna icuyete iyes. Emaikina iyes ikiinakis ayoŋ ŋidwe kus ŋulusapa ŋulu kiyae.

Awos. 23:16

“Totamunito akitiya ŋasuban ŋuna ka akilem ŋikinyom ŋulu ipotu iyes kitata ekiŋaren lomanikorin kus. Totamunito akitiya aŋolokaru ŋasuban ŋuna idauniata iyes acunun ŋikinyom ŋulu itato lomanikorin kus.

Isa. 41:11

“Kire, ikes daadaŋ ŋulu ikiremokino iyoŋ, isirumyo kire jik ŋileec ka elemaryo aneni kec ajokis; ikes ŋulu ikitepegete iyoŋ, eruwor ŋikoŋinae ka etwakete.

Isa. 47:6

Abu ayoŋ oŋoik ŋituŋa kaŋ, abu ayoŋ etiya neni kec esibit nyerae ikes ŋituŋa kaŋ; abu ayoŋ oinak ikes napedor kon, ido ibu iyoŋ nyitoodik ikes akisyon; ibu iyoŋ totiŋ erono nooi tari ŋulu amojoŋito.

Yer. 12:14

Irworo Ekapolon aŋuna a ŋikidunyet a Ŋisirael aŋuna amunaaryata ikes akwap ŋina abu iŋes inak Ŋisirael toruwor ŋina kec ebe, “Eapi ayoŋ alemar ikes anakwap kec ka alemari ayoŋ ŋituŋa a Yudaya alokidiŋ kec.

Yer. 2:4

Kiirasi ŋakiro a Ekapolon, iyes ŋituŋa a ekal a Yakob ka iyes ŋituŋa a ŋikalya a daadaŋ a Ŋisirael.

Yer. 30:16

Aŋun, emunyaryo daadaŋ ŋulu apotu itomunyasi iyes, tosodi erikoryo ŋimoe kus daadaŋ erae ŋirikon, eŋataryo ŋiboro a ŋulu apotu toŋatasi ŋiboro kus, esicani ayoŋ ŋulu apotu ikisicana iyes.

Yer. 50:7

Amunyasi ŋituŋa ŋulu aryamununeete ikes ŋituŋa kaŋ ka irworosi ŋimoe kec ebasi, ‘Mam ŋuna aronok etiyatae isua, anerae aseca ikes aneni a Ekapolon a ŋolo erae neni keŋ eyarikinito ikes, Ekapolon ŋolo arae akigeno atapapaa kec.’

Yoel 1:3

Tolimokisi ŋakiro nu neni a ŋidwe kus, ido emaikina ŋidwe kus tolimokis ŋidwe kec ka ŋidwe a ŋul tolimokis anyamet ŋina etupakini ikes.

Amos 6:1

“Ekaŋ iyes ŋulu iboiyete emam ŋace alo Sion ka iyes ŋulu iboiyete isilito ŋitai alomoru Samaria, iyes ŋarwonita ka akwap, iyes ŋulu eloseneneete Ŋisirael aryamun akiŋarakino!

Abak. 1:11

Ani nai elomarete nen, topyasi ibore daadaŋ lopite ŋolo epyaa ekuwuam, ido nai torotokis. Erae ikes ŋituŋa ŋulu iilit ŋulu aŋero ŋikisila. Ituruworito ikes apedor akuj kec.”

Sakar 1:15

nai aŋoikinit ayoŋ ŋakwapin ŋuna ebasi kori mam ikes ŋace. Pa sek aŋoikinit ayoŋ ikes nooi, nai eyatakis ikes akitiya aronis.’

Sakar 2:8

Aŋun, abu Ekapolon ŋolo Etiron kirwor ŋakiro nu kedau iŋes anapolou keŋ akiyok ayoŋ aŋuna a ŋituŋa a ŋulu apotu ikielasi iyes. Abu iŋes tema, “Kire jik, ituŋanan ŋini ikiari iyes, ikwaanikin ka ŋini elemari ibore kaŋ ŋini amina ayoŋ.”

Ekim. 18:12

Akimyet ŋina ajokan daadaŋ, epiini ŋolo ajokan daadaŋ ka ŋikinyom ŋulu ajokak daadaŋ ta ŋainakineta ŋuna ajokak ŋuna einakinete Ŋisirael neni ke Ekapolon, adau ayoŋ ainakin ikes neni kon.

Ŋirom. 11:16

Ani keinakin Akuj anyilet ŋina ke ekiŋaren anamugati, erae nai amugati daadaŋ ŋina keŋ ka ani keinakin Akuj ŋataagor ŋuna ke ekitoe, erae ŋaten daŋ ŋuna keŋ.

Ŋirom. 16:5

Kimalata tari Ŋikristo ŋulu iryamiryameneneete kai kec. Kimalakinae Epaeneto lokone kaŋ ŋolo erae iŋes ageuni akinup ŋakiro a Kristo anakwap a Asia.

Ŋiep. 1:4

Tari eriŋa akwap nyesubuna, aris Akuj kikiseu iwon alotooma Kristo aruwor ŋulu keŋ, ikotere nai ikipedori iwon ayakau kiŋaren keŋ ikirae ŋulu ikisegak alotai ka ŋulu ikiyookino alokiŋaren keŋ.

Ŋikis. 14:2

anerae irae iyes ŋituŋa ŋulu asegak aneni ke Ekapolon Akuj kus, iyes ikiseu Ekapolon alotuŋa a ŋakwapin a daadaŋ aruwor ŋulu keŋ, ŋituŋa keŋ ŋulu emina iŋes nooi.

Ŋikis. 26:19

ikotere ikituruwori iŋes iyes ŋituŋa ŋulu iloito ŋituŋa a ŋakwapin a daadaŋ ŋulu asubuni iŋes, iruworosi iyes ŋulu ikipuritoe, ŋulu arwok ka ŋulu ikitopolooritae ka iruworosi iyes ŋituŋa ŋulu asegak aneni ke Ekapolon Akuj kus, lopite ŋolo eikinitor iŋes.

Ŋikis. 7:6

anerae irae iyes ŋituŋa ŋulu asegak aneni ke Ekapolon Akuj kus, irae iyes ŋituŋa ŋulu ikiseu Ekapolon Akuj kus alotuŋa a ŋakwapin a daadaŋ anakwap aruwor ŋituŋa keŋ a alope, ŋituŋa keŋ ŋulu emina iŋes nooi.

Yak. 1:18

Aŋuna ka acamit keŋ, abu ikiinak iwon akiyar alotooma akirot keŋ ŋina a kire, ikotere nai ikiruwor iwon ŋulu eŋarenok alosubuna keŋ a daadaŋ.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

Akis. 14:4

Erae ikes ŋikilyok ŋulu nyiryamakina ka ŋaberu, anerae etaleoro ikes. Iwuapito ikes Imesek neni elosi daadaŋ. Aponi toiunae ikes alokidiŋ ŋituŋa ŋuluce ka erae ikes ainakinet ŋina ke ekiŋaren ŋina ainakinio neni ka Akuj ka neni a Imesek.