Yer. 2:28 - Ebaibul

²⁸ Nai ai eyakasi ŋakujo kus ŋuna ipotu iyes kitiyaut aŋuna kus? Kimyekisi ikes potu kepedorete ikes aiun iyes apaki ŋina iyakatar iyes locan, anerae iyakatar iyes ŋakujo ŋuna alalak ŋuna etya ŋitaunio ŋulu iyakatar iyes, okoe ŋituŋa a Yudaya.

Yer. 2:28 Iomraidhean Croise

2 Ŋirw. 3:13

Abu Elisa kiŋit erwosit Yeoram ŋolo a Isirael tema, “Inyoni iitanit iyoŋ aneni kaŋ? Tolot lokadwarak a papa kon ka toto kon.” Nai tolimok erwosit a Isirael iŋes tema, “Mam, erae Ekapolon ikinyarau isua ŋirwosi ŋiuni akitaar ŋituŋa a Moab.”

Isa. 45:20

Tocunakinos, ido potu kaapei, tocunakinos, ido potu iyes ŋituŋa kaŋ ŋulu irae ŋipiya anakwapin. Emamukatar ŋituŋa ŋulu iwokito ŋakujo aosou, ŋituŋa ŋulu iwokito ŋakujo ŋuna erae ŋakito, ido erubakinito ikes ilipete neni a akuj a ŋina nyepedori aiun.

Isa. 46:2

Ani eupi ŋityaŋ ŋul euryanikin, ŋakujo daŋ kidoŋo nenipei, nyepedorito aiun ŋulu iwokito ikes, ikes daŋ aŋatar nakwapin ŋace.

Isa. 46:7

Eryoŋeneneete ikes akuj ŋin aloseketa kec, kiwoko, tosodo tosipokis nakibois ŋina eseunito ikes aŋuna keŋ, kimyekinae ewoi a nen; nyepedori akuj ŋin akiyotokin a nen. Ani kilip ituŋanan neni keŋ, emam aboŋokinet eryamuni ituŋanan ŋin, kori nyepedori akuj ŋin alakun idiotuŋanan alocan.

Isa. 57:13

Ani ikalounete iyes icamito akiŋarakino, emaikina ŋakujo ŋuna irirato iyes ikilakut iyes. Iwokori ekuwuam ikes neni alwanan, ekutari ekieŋanu ikes nariet. Nai ŋini ekekinyomi ayoŋ, ebuni neni kaŋ aiuno, eryamuni akibois anakwap, eruwor emoru kaŋ ŋolo asegan akibois keŋ.

Yer. 1:16

Tosodi, alimuni nai ayoŋ ŋakiro kaŋ ŋuna atubokinitor ikes aŋuna a ŋaronisya kec a daadaŋ a ŋuna akaŋerioto ikes ayoŋ; ainanakis ikes ŋainakineta kec neni a ŋakujo a ŋace ka elipa neni a ŋiboro a ŋulu etiyaunete ikes a ŋakan kec.

Yer. 11:12

Elosete nai ŋituŋa ŋulu iboiyete alotaunio a Yudaya ka ŋulu iboiyete alo Yerusalem neni a ŋakujo a ŋuna einanarete ikes ŋainanakineta, nai nyeiunete ŋakujo ŋun ikes apaki ŋina eyakatar ikes locan,

Yer. 11:13

okoe ŋituŋa a Yudaya ariyanikin ekimar a ŋakujo kus ka ekimar a ŋitaunio kus ka ariyanikin ekimar a ŋamuroeta a ŋuna iduko iyes ka ŋirotin a Yerusalem. Erae ŋamuroeta ŋun ŋuna iinanakiniata iyes ŋainakineta neni a Baal.

Yer. 30:7

Ekaŋ iyes! Ebunit akoloŋit ŋina apolon nooi, mam akoloŋit ace ikwaanatar, erae apaki ŋina ka akiyaloloŋ a ŋiletok a Yakob; nai eiunio ikes alocan a ŋul.”

Yer. 37:19

Ai eya ŋikadwarak kon ŋulu adwarete aŋuna kon ebasi, ‘Nyebuni erwosit a Babilon akitijiore iyoŋ ka ŋituŋa a akwap a na?’

Osea 10:1

Ikwaan ŋituŋa a Isirael ka ekitoe a epiini ŋolo elyaarito ŋaten neni alwanan, ŋolo eraunene ŋaraito ŋuna alalak nooi, ani elalakunete ŋiletok kec, tolalata ŋamuroeta ŋuna edukete ikes. Ani elalauni abaru anakwap kec, kitalalata ikes ŋipirin ŋulu erae ŋakujo kec.

Abak. 2:18

Nyo epoida a akuj a ŋina itiyaunitae? Erae iŋes ibore koŋin ŋini erae ituŋanan itiyaunit, emam ŋakiro ŋuna ikilimokini, nai irworosi ŋiketiyaunak kec alyokonu aŋuna kec. Anijokis itiyae iŋes neni a ŋini abu kiceu iŋes, ikotere kikinyomae iŋes? Erae iŋes akuj ŋina itiyaunitae ka erae iŋes koŋin, nyirworo.

Abak. 2:19

Ekaŋ iyes, ŋulu ibasi neni ka akitoe ebe, “Tonyou!” Kori neni ka amoru ebe, “Tonyou!” Epedori mono akuj ŋina itiyaunitae alimokin iyoŋ ŋakiro ŋadi a? Epedoryo akuj ŋin bon akitiyaun ke esilipa, kori ke egolid, nai mam akiyar eyai tooma keŋ.

Ŋikis. 32:37

Etemari nai iŋes neni kec, ‘Ai eya ŋakujo kus, ai eya ŋakujo ŋuna sek arae ŋakaiunak kus,

Ŋikat. 10:14

Apesi kigworonokisi ŋakujo ŋuna idaut iyes aseun akiwuap. Kimyekisi ikilakut ikes iyes apaki ŋina iyakatar iyes locan.”