Yer. 2:20 - Ebaibul

²⁰ “Alorwa a ŋulu akoloŋ ipotu iyes ikiŋero ayoŋ ka ipotu kimyekis acamuna kus ka ayoŋ, ido temasi ‘Nyikitiyanakini isua iyoŋ!’ Ipotu iyes kilipa neni a ŋakujo alokidiama ŋimukura daadaŋ ka alokwap ŋikito ŋulu alibak daadaŋ.

Yer. 2:20 Iomraidhean Croise

1 Ŋirw. 12:32

Totub Yeroboam atemar kitiyaeneneetei ŋasuban ŋuna ka akwap keŋ ŋirwa ke elap ŋitomon ka ŋikan elap ŋolo a ŋikanikauni, lopite ŋolo etiyata ŋulu a Yudaya. Ya Yeroboam ŋamuronisya Namuroet ŋina ayai Besel, inak ŋamuronisya ŋun neni a ŋitak a ŋulu abu iŋes kitiyau.

1 Ŋirw. 14:23

Apotu ŋituŋa a Yudaya daŋ toduko aŋuna kec ŋakiboisyo ŋunamukur, kiwuanakis erae ŋakujo kec ŋamoru ka ŋitorubei ka akuj a ŋina enyaritae Asera lomukur ŋulu aoyak daadaŋ ka lokito ŋulu alibak daadaŋ.

Ŋikiru. 107:14

Abu yau ikes anakiryonut ka anakiyaloloŋ a ŋina apolon nooi a ŋin toŋedeŋedaa ŋiriko ŋulu aenitere ikes.

Ŋikiru. 2:3

“Oŋero ikes anapolokinit iwon, oŋero ikes tojoŋoto akipukat iwon.”

Ŋikiru. 78:58

Apotu ikes kitoŋoa Akuj aŋuna a ŋakiboisyo kec aŋuna elipyata neni a ŋakujo, apotu ikes kitoŋoa Akuj aŋuna a ŋitorubei a ŋakujo kec.

Awos. 19:8

Toboŋokis ŋituŋa daadaŋ ŋakiro kaapei temasi, “Ikitiyae isua ŋakiro daadaŋ ŋuna adau Ekapolon alimun.” Aŋun, abu Moses tolot alimokin Ekapolon ŋakiro ŋuna apotu ŋituŋa toboŋokis.

Awos. 24:3

Totiyaun nai Moses alomoru, tolot tolimok ŋituŋa ŋakiro ke Ekapolon daadaŋ ka ŋikisila ke Ekapolon daadaŋ; toboŋokis ŋituŋa daadaŋ kaapei temasi, “Ikitiyae isua ŋakiro daadaŋ ŋuna adau Ekapolon alimun.”

Awos. 3:8

ka adau ayoŋ abunore kwap ne aiun ikes anakan a Ŋijipitian ka ayaun ikes anakwap a ŋin, toloto nakwap ŋina ajokan ŋina aloloman, nakwap ŋina elelyaata ŋakile ka ao, nakwap ŋina a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi.

Isa. 1:21

“Okoe aruwor ŋituŋa a etaun a ŋolo sek ekinyoma ŋulu emalaaka! Ayakasi paaran neni keŋ ŋituŋa ŋulu atubete ŋakiro anakiyookino, ayai paaran akiyookino lotuŋa keŋ. Nai tokona aruwor ŋituŋa keŋ ŋikaarak.

Isa. 10:27

Akoloŋit ŋin, alemari ayoŋ ŋican ŋulu iryamunito iyes aneni a erwosit ka Asiriya, elemaryo ŋican aneni kus lopite ŋolo elemarere ayokot alomosiriŋ.” Itiyakin ŋun, anerae arotoki erwosit ka Asiriya alo Rimon,

Isa. 14:25

Amunyari ayoŋ ŋituŋa ka Asiriya anakwap kaŋ ka epudaari ayoŋ ikes alomoru kaŋ; alacakini ayoŋ ŋituŋa kaŋ anapedor a ŋituŋa ka Asiriya ka alacakini ikes aloticisyo a ŋulu agogoŋok a ŋulu ainakinitae ikes akitiya.

Isa. 9:4

anerae ikwapei akoloŋit ŋina aponere kilounere Ŋimidian, ilema iyoŋ ŋican ŋulu aryamunito ŋituŋa kon, ilema iyoŋ ŋituŋa ŋulu esicanito ŋituŋa kon ta aryenyeo ŋina a ŋulu esicanito ŋituŋa kon.

Yer. 13:27

Adau ayoŋ akiŋolikin ŋiticisyo kus ŋulu aronok, epite ŋolo iloseneneoto iyes akilip neni a ŋitorubei aŋakujo alomoru ka anakadipaalae ikerete isibito ekile ŋolo imunit aberu a ekidunyet keŋ kori ikwa

Yer. 17:2

Etamunito tari ŋidwe kec ŋamuroeta kec ka ŋipirin ŋulu italetoe ŋulu eyakasi diyete ŋikito ŋulu alibak daadaŋ ka lokamukumukui ŋulu aoyak,

Yer. 2:31

Okoe anyamet na, kiirasi ŋakiro a Ekapolon! Abu mono ayoŋ ekwaanikin ka aloŋisat aneni a Ŋisirael, kori ka akwap ŋina ileleba akiryonut cuc a? Kaanukiro nai irworotor ŋituŋa kaŋ ebasi, ‘Ikitiyae isua ŋuna ecamitae, nyikiboŋuni nabo isua neni kon?’

Yer. 3:13

Nai emaikina iyes tocamut ŋuna ikiilitor iyes, emaikina iyes tocamut atemar ipotu iyes toŋero Ekapolon Akuj kus, ido toloto akilipenen neni a ŋakujo alokwap ŋikito ŋulu alibak daadaŋ ka nyiwuapa iyes ŋakiro kaŋ.

Yer. 30:8

Alimu Ekapolon ŋolo a ŋajoresyo ebe, “Akoloŋit ŋin alemari ayoŋ ayokot alomosiriŋin a ŋituŋa kaŋ, olema ŋiriko ŋulu eenitere ikes, nyerubakinete nabo ŋigelaanotin ituruworito ikes ŋiketiyak kec.

Yer. 5:5

Emaikina ayoŋ olot neni a ŋikabarak erwor neni kec, kire eyenete ikes acamit ŋina ke Ekapolon, eyenete ikes ŋikisila a Akuj kec.” Nai aŋero ikes daadaŋ apolou a Ekapolon, awout akiwuap ŋakiro keŋ.

Esek. 16:28

Ibu iyoŋ tomalaana tari ka ŋituŋa ŋulu ka Asiriya, anerae ibu iyoŋ nyitema etemokin, ibu tomalaana ka ikes, ido pa ibu tolimok ikes atemar etemokin.

Esek. 16:31

Ibu iyoŋ nyijal ŋisiliŋa ŋulu amalao kon apaki ŋina ibunio iyoŋ todukio ŋakiboisyo ŋunakilipet neni isalakini ŋolorot a etaun daadaŋ ka nenimukur analapatui a daadaŋ a ŋuna a etaun.

Esek. 16:41

Icunyete ikes ŋakais kus, ikisicana iyes alokiŋaren ŋaberu ŋuna alalak. Eketojoŋoe ayoŋ iyes araakau ŋamalaae ka ainanakin ŋisiliŋa neni a ŋuluminan kus.

Esek. 20:28

Ani kadau ayoŋ ayaun ikes nakwap ŋina sek eiikinit ayoŋ ainakin ikes, apotu ikes inakis ŋamuronisya neni a ŋakujo anakiboisyo ca a daadaŋ a ŋunamukur aŋuna apotu ikes kiŋolikis, kori alokito ca a daadaŋ a ŋulu alibak a ŋulu apotu ikes kiŋolikis. Apotu ikes eketoŋoa ayoŋ a ŋamuronisya a ŋuna apeyete ikes ka a ŋainakineta a ŋuna ke epiini aŋuna ayeneneete ikes nen.

Esek. 23:5

“Abu Oola kisyak amalao eriŋa erae ŋina kaŋ. Apotu ŋuluminan keŋ kiburakis iŋes arae ŋul ŋituŋa ka Asiriya ŋulu arae ŋikajiok,

Osea 1:2

Ani egeuni Ekapolon akirwor neni a Ŋisirael aneni ka Osea, abu tolimok Osea tema, “Ape toryamu aberu ŋina erae amalaat toruwor aberu kon, toryamu ŋidwe aneni a amalaat, anerae etiyata Ŋisirael amalao ŋina apolon aŋuna aŋerioto Ekapolon.”

Osea 2:5

Abu toto kec tomalaan topotiu ikes anamalao ka ŋileec. Abu iŋes tema, “Ewarari ayoŋ ŋikilyok ŋulu amina ayoŋ, ŋulu akainakinete ayoŋ akimuj ka ŋakipi kaŋ, ŋulu akainakinete ayoŋ ŋilowi ŋulu edonyunitoe a ŋajul a ŋamesekin ka ŋilowi ŋulu amilimilak, ŋikilyok ŋulu akainakinete ayoŋ akimyet ka epiini.”

Osea 3:3

Abu ayoŋ olimok aberu ŋin otema, “Emaikina iyoŋ torubak irae aberu kaŋ ŋirwa ŋulu alalak, nyilosi nabo iyoŋ lokilyok ŋice, nyiryamakinosi iyoŋ ka ekile ece, kori ka ayoŋ daŋ.”

Osea 4:13

Einanakinete ikes ŋamuronisya alokidiama ŋimoru ka einanakinete ŋainakineta alokidiama ŋikamukumukui, einanakinete ŋainakineta alokwap ŋikuyono, alokwap ŋikito ŋulu enyaritae popilari ka alokwap ŋimuturunyo, anerae ejokak ŋitolimon a ŋikito a ŋul. “Aŋun, itiyaete ŋidwe kus ŋulupesur amalao ka elomeneneete ŋaterak kus.

Osea 9:1

Okoe Ŋisirael, nyilelyana! Nyicelut ilakara, lopite ŋolo itiyaata ŋituŋa a ŋakwapin, anerae imalaaka iyes, imyekis iyes Akuj kus, iminakis iyes eropit ŋolo iryamununeete analosin a daadaŋ.

Ŋilep. 26:13

Arae ayoŋ Ekapolon Akuj kus, ŋina abu okoyau iyes alo Ijipit, ikotere tojoŋoto araakau ŋipi a Ŋijipitian, abu ayoŋ olema ŋatyokisyo ŋuna iyakatar iyes, eketuruwo iyes ŋulu iboiyete emam ŋace.’ ”

Naum 1:13

Alemari ayoŋ apedor ŋina ka Asiriya aneni kus ka alemari ayoŋ ŋican aneni kus.”

Ŋikis. 12:2

Emaikina iyes tomunaasi jik ŋakiboisyo daadaŋ ŋuna ilipyata ŋituŋa ŋulu ilosete iyes akiritar anakwapin kec, ŋakujo kec, ŋakiboisyo ŋuna eya kidiama ŋimoru, kidiama ŋikamukumukui ka kwap ŋikito ŋulu alibak daadaŋ.

Ŋikis. 15:15

Totamunito atemar iirakasi iyes daŋ ŋipi anakwap a Ijipit, ido abu Ekapolon Akuj kus ikilaku iyes, a ŋakiro a ŋun, ekeciki ayoŋ iyes nakoloŋit na akiwuap akiciket na.

Ŋikis. 26:17

Nakoloŋit na, icamunosi iyes ke Ekapolon; aruwor iŋes Akuj kus ka itiyaete iyes ŋuna ecamit iŋes, iwuapitae ŋakiro ŋuna etubunit iŋes, ŋakiciketa, ŋikisila ka iwuapitae ŋakiro keŋ.

Ŋikis. 4:20

Nai abu Ekapolon ikiyau iyes alo Ijipit aneni ikisicanitere iyes nooi, ikotere iruworosi ŋituŋa keŋ a elope, lopite ŋolo iraakatar ŋulu keŋ tokona.

Ŋikis. 4:34

Kori eya mono ŋituŋa a akwap adio ŋulu abu Akuj tolemu anakwap a ace aŋuna keŋ a ŋakikatanakineta, a ŋakitoodyanakineta, a ŋaumonokineta, a ejie, a apedor a ŋina etiron, agogoŋu ka a ŋiticisyo a ŋulu apolok nooi a ŋulu etubulok, lopite ŋolo etiyaa Ekapolon Akuj kus ŋun daadaŋ aŋuna kus alo Ijipit, iteete iyes a?

Ŋikis. 5:27

Tolot diyete Ekapolon, iyoŋ elope kiira daadaŋ ŋuna elimuni Ekapolon Akuj kosi; tosodi ikilimok iyoŋ isua ŋuna daadaŋ, ikilimokini Ekapolon Akuj yok iyoŋ, ido iiraryo isua ka itiyao ŋuna elimuni iŋes.”

Yos. 1:16

Toboŋokis ikes Yosua temasi, “Ikitiyae isua ŋuna ilimu iyoŋ daadaŋ, nabo ikilosi neni daadaŋ ikiyaki iyoŋ isua.

Yos. 24:24

Apotu ŋituŋa tolimokis Yosua temasi, “Ekapolon bon ŋolo erae Akuj kosi, iŋes ecamitae isua akitiyanakin ka akiwuap ŋakiro keŋ.”

Yos. 24:26

Kigir Yosua ŋakiro ŋun lokitaabo ŋolo a Ŋikisila a ŋulu ka Akuj, tosodi tolemu amoru ŋina apolon, tosipok diyete ekuyon ŋolo apolon ŋolo ayai nakibois ŋina Asegan ŋina ke Ekapolon.

Akis. 17:1

Abu epei a ŋimalaikan a ŋulukanikaarei a ŋulu ayakatar ŋabakulei ŋakanikaarei, bu neni kaŋ tema, “Bua, eketoodikini ayoŋ iyoŋ epite ŋolo isicanere amalaat ŋina yenen, etaun ŋolo apolon ŋol, ŋolo edukitoe diyete ŋaŋololin ŋuna alalak.

Ŋikat. 10:6

Apotu nabo Ŋisirael kitiyata ŋuna aronok alokiŋaren Ekapolon, toloto akilipenen neni ata Baal ka Asitares, neni a ŋakujo ka Aram, a ŋakujo a Sidon, a ŋakujo a Moab, a ŋakujo a Ŋiamoni ka a ŋakujo a Ŋipilistin. Aŋun, apotu ikes toŋero Ekapolon ka tojoŋoto akilipenen neni keŋ.

Ŋikat. 2:11

Apotu Ŋisirael kitiyata ŋakiro ŋuna aronok alokiŋaren Ekapolon, inanakis ŋamuronisya neni ata Baal,

Ŋikat. 2:13

Apotu ikes kimyekis Ekapolon, inanakis ŋamuronisya neni a Baal ka neni ka Asitores.

1 Sam. 12:10

Apotu nai ikes kikalout neni ke Ekapolon temasi, ‘Ikisec isua, anerae aŋeri Ekapolon, ido alomakin akitiyanakin ata Baal ka ata Asitarite; nai toiunae isua tokona anapedor a ŋimoe kosi, ido ikitiyanakini isua iyoŋ.’