Yer. 2:19 - Ebaibul

¹⁹ Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yer. 2:19 Iomraidhean Croise

1 Ŋirw. 18:18

Toboŋoki Eliya tema, “Mam ŋican ayau ayoŋ Isirael, nai iyoŋ ke ekal a papa kon iyaut ŋican Isirael, anerae imyekis iyes ŋakiciketa ŋuna ke Ekapolon, ido iwuap ŋuna a ŋakujo a ŋuna enyaritae ata Baal.

2 Ŋakiro a ŋirwa 12:5

Abu nai ekadwaran ŋolo anyaritae Semaia tolot neni a Reoboam ka neni a ŋikarikok a Yudaya a ŋulu acunakina Yerusalem apaki ŋin aŋuna akeritotor Sisak, tema neni kec, “Ŋakiro ŋuna irworo Ekapolon ikes nu ebe, ‘Idaut iyes akimyekin ayoŋ; aŋun, ekemyekini ayoŋ iyes tokona anapedor a Sisak.’ ”

2 Ŋakiro a ŋirwa 21:10

Aŋun, eriŋa ŋituŋa ke Edom eŋerito atemar kipuka Yudaya akwap kec. Ŋituŋa a Libina daŋ toŋero ŋirwa ŋulupei atemar kipuka ikes erwosit a Yudaya, anerae kebu Yeoram toŋer Ekapolon Akuj atapapaa keŋ.

2 Ŋakiro a ŋirwa 25:16

Nai ani eriŋa ekadwaran ŋol irworo, kiŋit Amasia iŋes tema, “Ori mono ikituruworere isua iyoŋ ŋolo iŋarakinit erwosit akipuka ejok? Tojoŋo erwor! Kaanukiro icamitor iyoŋ ikiari?” Aŋun, abu ekadwaran ŋol tojoŋo erwor, nai abu tema, “Ayeni ayoŋ atemar atubu Akuj akiar iyoŋ, anerae idau iyoŋ akilip neni a ŋakujo ka iŋer akiirar ŋakiro kaŋ.”

Ŋikiru. 36:1

Ani eseci ituŋanan, eyenuni alotau keŋ ŋuna itiyakini asecit neni keŋ; emam akitopoloorit Akuj anakiyar a ituŋanan a ŋin.

Awos. 33:6

Aŋun, apotu Ŋisirael tolacasi ŋinapito ŋulu asiritotor, ameun anapaki a ŋina ayakatar ikes lomoru ŋolo enyaritae Oreb, kori Sinai.

Ŋakit. 1:31

ikisicanio iyes anakiro a ŋuna itiyaete iyes, ikitedyakakinete iyes ŋakiro ŋuna itiyaete iyes,

Ŋakit. 1:32

anerae etwakete ŋibaŋaanotin aŋuna ka abaŋao kec. Emunyanarete ŋimasimas ŋituŋa ŋulu nyeyenete epite ŋolo iuryarotor make.

Ŋakit. 5:22

Ikamununeete ŋasecisya a ŋulu aronok ŋituŋa ŋul, iduponor ikes aloticisyo a ŋulu ka asecit kec.

Isa. 3:9

Elimorit epite ŋolo etakaniata ŋireetin kec aremokino kec Ekapolon, iseraete ikes asecit kec lopite ŋolo etiyaata ŋituŋa a Sodoma nyimunonito ikes asecit kec. Aca kec! Ayaut ikes ŋilam neni kec.

Isa. 5:5

Tokona, akalimokini ayoŋ iyes ŋuna alosi ayoŋ akitiya neni a emanikor kaŋ a ŋolo a ŋikito a epiini. Alemari ayoŋ ŋikito ŋulu ewuatere iŋes, ido tomunaarae iŋes, aritaari ayoŋ arwatata ŋina ewuatere iŋes, ido kipudaarae iŋes.

Isa. 50:1

Alimu Ekapolon ŋakiro nu, “Ai eyai abaruwa ŋina alakitor ayoŋ toto kus? Kori alu alotuŋa ŋulu etiŋito ŋisiliŋa kaŋ abu ayoŋ okogyelak iyes? Mam, erae aŋuna a ŋasecisya kus iŋes aponere ikigyelar iyes ka eritaryo toto kus aŋuna a ŋaronisya kus.

Yer. 1:16

Tosodi, alimuni nai ayoŋ ŋakiro kaŋ ŋuna atubokinitor ikes aŋuna a ŋaronisya kec a daadaŋ a ŋuna akaŋerioto ikes ayoŋ; ainanakis ikes ŋainakineta kec neni a ŋakujo a ŋace ka elipa neni a ŋiboro a ŋulu etiyaunete ikes a ŋakan kec.

Yer. 13:22

Tosodi ani kitama iyes alotai kus ebe, “Kaanukiro etiyakinotor ŋakiro nu neni kosi?” Etiyakin ŋun neni kus anerae alalaketa ŋiticisyo kus ŋulu aronok, ŋakiro ŋun iŋes ikirasere iyes.

Yer. 2:17

Ŋisirael, meere mono iyes iyaunete ŋakiro ŋun nawat kus aŋuna iesikiniata Ekapolon Akuj kus, apaki ŋina ikirikitor iŋes iyes kiwuapa iŋes a?

Yer. 3:22

Toboŋutu iyes ŋituŋa ŋulu emam akikinyoma, eketojokuni ayoŋ iyes anakiro aŋuna iponiata ikiŋeryoto ayoŋ. “Irworosi iyes ibasi, ‘Isua lu ikiboŋu neni kon, anerae irae iyoŋ Ekapolon Akuj kosi.

Yer. 4:18

Ayaut ŋakiro ŋuna iwuapito iyes ka ŋuna itiyaete iyes ŋakiro nu neni kus. Akinyasuno kus iŋes ŋin, okoe kepipiliar! Adolu akinyasuno ŋin lotai kus.”

Yer. 5:22

Nyikikerito mono iyes ayoŋ a? Nyimaranete mono iyes alokiŋaren kaŋ a? Abu ayoŋ ewuak asinyon toruwor ekukoru a anam ekukoru ŋolo agogoŋon ŋolo nyepedori anam akitor, tari kenaŋanaŋaete ŋikaguragurae a ŋakipi, nyepedorete akitor nen tolunyar, tari kerwosi nooi, nyepedorete akitor kidiama ŋikukorin ŋul.

Yer. 5:24

Nyirworosi ikes alotai kec make ebe, ‘Okerito Ekapolon Akuj yok, ŋina ikiinanakini akiru anapaki a ŋina itemokino, iŋes ikiinanakini akiru ŋina ka akiceeret ka ŋina ka atepunet, ŋina itemokinit aŋuna yok ŋisabito ŋulu elemere.’

Yer. 5:6

Aŋun, eari eŋatuny ŋolo ebunit anamoni ikes, emunyari epeot ŋolo ebunit analoŋisat ikes. ite eris ŋitaunio kec eremokino; ituŋanan daadaŋ ŋini elomuni kiŋa alotaunio kec, enyilinyiliyaryo, anerae elalak ŋasecisya kec ka epol nooi epite ŋolo aŋeryoto ikes akiwuap ŋuna ebookoi.

Yer. 7:19

Ayoŋ mono eketoŋoete ikes a? Meere mono ikes pei ikotere ewanatar make a?

Yer. 8:5

Kaanukiro nai aoliyoreta ŋituŋa lu tomam aboŋun? Emiidikin ikes nalyokonu, awout jik aboŋun.

Esek. 23:30

ikes ayaut neni kon ŋakiro ŋun, anerae ibu iyoŋ tomalaana ka ŋituŋa a ŋakwapin tomunaa akuwan kon a ŋakujo kec.

Esek. 39:24

Abu ayoŋ etiya neni kec ŋuna amaikina kitiyae neni kec aŋuna araakatar ikes ŋulu amunaara ka ŋulu etiyato aronis; abu ayoŋ nyesiŋolikin ikes.

Osea 11:7

Ecamito jik ŋituŋa kaŋ akimyekin ayoŋ. Tari kenyarata ikes kaapei Ekapolon ŋolo eyai kidiama nooi, nyiŋarakini iŋes ikes jik alocan kec.

Osea 13:9

Okoe ŋituŋa a Isirael, akamunyari ayoŋ iyes, ŋae nai ikiuni iyes?

Osea 14:1

Okoe Ŋisirael, toboŋutu neni ka Akuj kus, anerae imunaarosi iyes aŋuna a ŋasecisya kus.

Osea 4:16

Isyaana Isirael lopite ŋolo isyaania ataok. Epedori tokona Ekapolon akitan ikes lopite ŋolo iyokiyere ikale ŋinimesek a neni elolom, neni eya ŋinya.

Osea 5:5

Elimorit akituro a ŋituŋa a Isirael ŋuna etubokinere ikes. Emarani Epuraim alokaile a ŋolo ka asecit keŋ, emarani Yuda daŋ kaapei ka Epuraim.

Osea 7:2

Nai nyeyenete ikes atemar atamunit ayoŋ aronis kec daadaŋ. Irikaunito ŋasecisya kec ikes, ido ileerete ikes aneni kaŋ, anerae eyakasi ikes kiŋaren kaŋ.

Osea 9:1

Okoe Ŋisirael, nyilelyana! Nyicelut ilakara, lopite ŋolo itiyaata ŋituŋa a ŋakwapin, anerae imalaaka iyes, imyekis iyes Akuj kus, iminakis iyes eropit ŋolo iryamununeete analosin a daadaŋ.

Amos 8:10

Eturuwori ayoŋ ŋasuban kus ŋuna igworore ka ŋieosyo kus daadaŋ eruworosi ŋulu ka akiwolol. Eketanapi ayoŋ iyes daadaŋ ŋiguniyae anacirin, eketabanyari ayoŋ iyes ŋitim anakyes kus; ekesigwori ayoŋ iyes lopite ŋolo igworore ikoku ŋinikiyae; eruwor akoloŋit ŋin daadaŋ ŋina aronon nooi.’

Mika 1:5

itiyakinosi ŋakiro ŋun daadaŋ, anerae adaut ŋituŋa a Yakob akibil ŋikisila, adaut ŋituŋa a Isirael akisec. Ai mono abilyata ŋituŋa a Yakob ŋikisila? Meere mono Samaria a? Ai mono aseciata ŋituŋa a Yudaya? Meere mono Yerusalem a?

Sakar 7:11

Nai apotu ŋituŋa towout akiirar ŋun, apotu nyecamut akiwuap ŋakiro kaŋ.

Ŋirom. 3:18

Nyeyenete ikes ŋuna ka akerit Akuj.”

Ŋikat. 10:13

Nai ipotu iyes ikiŋero ayoŋ toloto akilipenen neni a ŋakujo a ŋace, aŋun, nyakalakuni nabo ayoŋ iyes jik.