Yer. 2:18 - Ebaibul

¹⁸ Nyo itamete iyes atemar iryamunete analosit Ijipit akimat ŋakipi ŋuna ka aŋolol Nile? Kori nyo iryamunete iyes analosit Asiriya akimat ŋakipi ŋuna ka aŋolol Eupurate?

Yer. 2:18 Iomraidhean Croise

2 Ŋakiro a ŋirwa 28:16

Apaki ŋin, abu erwosit Aas kiyakiya ŋituŋa neni a erwosit ka Asiriya potu ŋituŋa keŋ akiŋarakin ŋituŋa a Yudaya,

Isa. 23:3

ido eyakasi kidiŋ anam, amaikina iyes toryamut ikwapei ibore ŋini elemyo aŋuna kus ŋikinyom ŋulu alo Sior, ŋikinyom ŋulu elemyo alomanikorin a ŋulu a aŋolol Nile; irae sek iyes ŋimucurus a ŋakwapin.

Isa. 31:1

Ekaŋ iyes ŋulu itiyaanorosi Ijipit aŋuna ka aryamun akiŋarakino ka iyes ŋulu iyarikinito naŋolei ka ikinyomito ŋagaari ŋuna iritae a ŋaŋolei, anerae elalak; iyes ŋulu ikinyomito neni a ŋikametok ŋaŋolei, anerae egogoŋ ikes, iyes ŋulu nyikinyomito Akuj ŋina asegan ŋina a Isirael, kori nyiŋisenenete Ekapolon ŋakiro ŋuna emaikina kitiyata.

Isa. 7:20

“Akoloŋit ŋin, ipaŋgauni Ekapolon erwosit ŋolo ka Asiriya alokekwaye aŋolol Eupurate tobany ŋakyes kus, ŋitim ŋulu a ŋakejen kus ka ŋipeneka kus.

Yer. 2:36

Kaanukiro isaaryata iyes ilocokinioto ŋipitesyo kus? Ikisirumete iyes ŋituŋa a Ijipit ŋileec lopite ŋolo aponiata ŋituŋa ŋulu ka Asiriya ikisurumyata iyes ŋileec.

Yer. 31:22

Okoe iyes ŋituŋa ŋulu emam akikinyoma, tari ori irimito iyes? Adau Ekapolon asubun ibore ŋini kitete anakwap, iyoki aberu ekile.”

Aum. 4:17

Aponi isua kidarae ikiŋarak akwap adio, nai mam akiŋarakinet aponi toryamunae anakwap ka adio.

Aum. 5:6

Aponi isua tocamunae ikipukaete ŋituŋa a Ijipit ka Asiriya, ikotere isua ikiryamuni akimuj ŋina ikitemokino.

Esek. 16:28

Ibu iyoŋ tomalaana tari ka ŋituŋa ŋulu ka Asiriya, anerae ibu iyoŋ nyitema etemokin, ibu tomalaana ka ikes, ido pa ibu tolimok ikes atemar etemokin.

Esek. 17:15

Nai abu eyenet a erwosit a Yerusalem ŋol toŋer ŋakiro a erwosit a Babilon, kiyakiya ŋikawoikinitok keŋ nakwap a Ijipit erae kepedorete ikes ainakin iŋes ŋaŋolei ka ŋasigarya ŋuna alalak.’ Abu Akuj tema, ‘Epedori mono kire iŋes akiloun a? Epedori mono kire ituŋanan ŋini itiyae ŋakiro ŋuna ikote ŋun abucar a? Nyemaikina iŋes toŋer ŋakiro ŋuna aris kecamunoi, ido kimyekinae nyisicani.’

Esek. 23:30

ikes ayaut neni kon ŋakiro ŋun, anerae ibu iyoŋ tomalaana ka ŋituŋa a ŋakwapin tomunaa akuwan kon a ŋakujo kec.

Osea 5:13

Ani iŋolikini Epuraim atemar edyaka iŋes ka ani iŋolikini Yudaya ŋajemei keŋ, abu Epuraim tolot Asiriya akiŋita akiŋarakino aneni a Yereb a erwosit a ŋolo apolon. Nai abu erwosit ŋol nyepedo akitaŋaleun Epuraim, kori akitiiyor ŋajemei a Yudaya.

Osea 7:11

Eporoporot Epuraim ikwa temeleudi ŋina imatimataarit. Eloseneneete ikes anyarare ŋituŋa a Ijipit akiŋarakin ikes, ido toloto nabo anyarare ŋituŋa ka Asiriya.

Yos. 13:3

Ameun aneni enyaritae Sikor alo Kide Ijipit akitodol lokukoru a Ekiron alo Kuju, imaritae nen daadaŋ erae akwap a Kanaan. Eraakasi ŋirwosi a Ŋipilistin ŋikan; epei ŋolo a Gasa, epei ŋolo ka Acidod, epei ŋolo ka Acikelon, epei ŋolo a Gas ka epei ŋolo a Ekiron ta ŋulu ka Apim.