Yer. 2:17 - Ebaibul

¹⁷ Ŋisirael, meere mono iyes iyaunete ŋakiro ŋun nawat kus aŋuna iesikiniata Ekapolon Akuj kus, apaki ŋina ikirikitor iŋes iyes kiwuapa iŋes a?

Yer. 2:17 Iomraidhean Croise

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

2 Ŋakiro a ŋirwa 15:2

Tolot Asaria neni ka Asa tema, “Kiirasi ŋakiro kaŋ, iyoŋ Asa ka ŋituŋa a Yudaya daadaŋ ta ŋulu a Benjamin. Irukito iyes ke Ekapolon erae ca kirukito iyes ka iŋes. Ani kiwara iyes iŋes, ikimyekini iŋes iyes toryamut iŋes, nai ani kimyekis iyes iŋes, ikimyekini iŋes daŋ iyes.

Yob 34:27

anerae apotu ikes toŋero akiwuapit ŋuna ka Akuj ka aŋuna aponiata nyemitakis akiwuapit ŋadi ŋuna ka Akuj.

Yob 4:8

Lopite ŋolo eŋolikinia ayoŋ, eyakasi ŋituŋa ŋulu etiŋiyara anakitiya aronis lopite ŋolo etiŋiyaror ituŋanan anakitare ka eyakasi ŋulu a ŋican, eryamunete ŋituŋa ŋul aronis ka ŋican pei.

Ŋikiru. 107:7

Abu kiten ikes kitoryo lorot ŋolo acorosi, akitodol ŋina adolyoto ikes lotaun ŋolo apotu ikes kiboiyoto.

Ŋikiru. 136:16

Iŋes abu torik ŋituŋa keŋ kitoryo naloŋisat, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Ŋikiru. 77:20

Ibu iyoŋ torik ŋituŋa kon ikwa ŋamesekin, ibu iyoŋ torik ikes, inak Moses ka Aron kitena ikes.

Ŋakit. 15:10

Eyai akisicanio ŋina apolon nooi neni a ŋini nyiwuapi ŋuna ebookoi kiwuapa, nai ituŋanan ŋini nyecamit alimokino atemar toesik akitiya ŋuna aronok, etwani.

Isa. 1:4

Ekaŋ iyes ŋituŋa a akwap a ŋina a ŋikasecak ŋituŋa ŋulu ileleba asecit, ŋiletok ŋulu itiyaete aronis 2ŋituŋa ŋulu itunaete ŋuluce. Aŋero ikes Ekapolon, aŋero ikes ŋolo Asegan ŋolo a Isirael ka amuleno Ekapolon.

Isa. 59:13

ikiŋer isua Ekapolon ka emunoni isua ŋuna a Ekapolon; aŋeri isua akiwuap ŋuna ka Akuj kosi. Aruwor akirworo ŋuna ka akisican ka ŋuna ka akiŋer irworoe isua. Eyeo isua akirworo alyokonu, elimununio ŋakiro ŋuna ka alyokonu ŋuna eya lotai kosi.

Yer. 13:22

Tosodi ani kitama iyes alotai kus ebe, “Kaanukiro etiyakinotor ŋakiro nu neni kosi?” Etiyakin ŋun neni kus anerae alalaketa ŋiticisyo kus ŋulu aronok, ŋakiro ŋun iŋes ikirasere iyes.

Yer. 19:4

anerae akaŋero ŋituŋa kaŋ ayoŋ ka enyasut akibois na aŋuna ainakiniata a nen ŋainakineta neni a ŋakujo a ŋace, ŋakujo ŋuna pa ayenete ikes, kori atapapaa kec, kori ŋirwosi a Yudaya ka aŋuna elelebikiniata ikes akibois na ŋaokot a ŋituŋa a ŋulu emam ŋakiro esecito,

Yer. 2:13

“Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yer. 4:18

Ayaut ŋakiro ŋuna iwuapito iyes ka ŋuna itiyaete iyes ŋakiro nu neni kus. Akinyasuno kus iŋes ŋin, okoe kepipiliar! Adolu akinyasuno ŋin lotai kus.”

Yer. 44:3

anerae apotu ŋituŋa kec kitiyata aronis, eketoŋoa ayoŋ aŋuna aponiata toloto ainanakin ŋainakineta neni a ŋakujo a ŋace ka akitiyanakin ŋakujo ŋuna pa ayenete ikes, pa iyenete tari iyes; kori pa ayenete tari atapapaa kus.’

Yer. 5:25

Eriwo ŋasecisya kus ajokis ŋin aneni kus, alemasi ŋasecisya kus ajokis ŋin aneni kus,

Esek. 39:24

Abu ayoŋ etiya neni kec ŋuna amaikina kitiyae neni kec aŋuna araakatar ikes ŋulu amunaara ka ŋulu etiyato aronis; abu ayoŋ nyesiŋolikin ikes.

Osea 13:9

Okoe ŋituŋa a Isirael, akamunyari ayoŋ iyes, ŋae nai ikiuni iyes?

Mika 1:5

itiyakinosi ŋakiro ŋun daadaŋ, anerae adaut ŋituŋa a Yakob akibil ŋikisila, adaut ŋituŋa a Isirael akisec. Ai mono abilyata ŋituŋa a Yakob ŋikisila? Meere mono Samaria a? Ai mono aseciata ŋituŋa a Yudaya? Meere mono Yerusalem a?

Ekim. 32:23

Nai ani pa kitiyata iyes ŋun, isecete iyes aneni ke Ekapolon, ido emaikina toyenete atemar ikisicanio iyes aŋuna ka asecit kus.

Ŋikis. 32:10

Abu kitan ikes analoŋisat a ŋina asilon ka a ŋinacaryoit, abu toiu ikes ka kidar ikes, lopite ŋolo iyokitor iŋes ecopot a akoŋu keŋ.

Ŋikis. 32:19

Abu Ekapolon kiŋolik ŋakiro ŋun, ido tolili, toŋer ŋidwe keŋ ŋulusapa ka ŋulupesur.