Yer. 2:13 - Ebaibul

¹³ “Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Yer. 2:13 Iomraidhean Croise

2 Ŋirw. 22:17

Aŋuna akaŋerioto ikes ayoŋ ka aŋuna ainanakiniata ŋainakineta neni a ŋakujo a ŋunace. adaut ikes akitoŋo ayoŋ nooi aloticisyo a daadaŋ a ŋulu itiyaete ikes. Aŋun, eyatakin aŋoit kaŋ nooi aŋuna a ŋituŋa a akibois a na, ido nyedaun aŋoit kaŋ jik.’

Ŋikiru. 36:9

Neni kon eyai eitanit ŋolo ka akiyar; nakica kon iŋes ikiteo isua akica.

Ekal. 1:14

Abu ayoŋ eŋolik ŋiticisyo daadaŋ ŋulu itiyao anakwap a na, oyenu atemar, erae ibore daadaŋ ikoŋinait, erae ibore ŋin daadaŋ akirisit ekuwuam.

Ekal. 1:2

Abu ekalimonokinan ŋol tema, “Akoŋinait! Akoŋinait! Akoŋinait akiyar! Erae ibore daadaŋ ikoŋinait!

Ekal. 12:8

Ebala Ekalimonokinan ebe, “Ikoŋinait! Ikoŋinait! Ikoŋinait ibore daadaŋ!”

Ekal. 2:11

Abu nai ayoŋ otamatama ŋiticisyo daadaŋ ŋulu etiya ayoŋ a ŋakan kaŋ ka ŋuna daadaŋ abu ayoŋ oŋirik aryamun aloticisyo a ŋul. Abu ayoŋ oyenu atemar arae ŋun ŋakoŋinae, ekwaan ka akirisit ekuwuam, ido amamu ibore apedori ayoŋ aryamun anakwap a na.

Ekal. 2:21

Epedori ituŋanan aŋirikin akitiya etic isitiyae aosou keŋ, ayenut keŋ ka apiiryanut keŋ, nai emaikina iŋes kimyek ibore daadaŋ ŋini adau iŋes akitiyaun toruwor ŋini a ituŋanan a ice a ŋini pa etiyaunit ibore ŋin. Erae ŋun daŋ ŋakoŋinae ka erae aronis ŋina apolon nooi.

Ekal. 2:26

Iyookino ŋun, anerae einanakini Akuj aosou, ayenut ka alakara neni a ŋini elakara Akuj aŋuna keŋ. Nai einanakini Akuj ikasecan etic ŋolo ka akiriraunun ka akiŋadanakin ŋiboro aŋuna a ituŋanan a ŋini elakara Akuj aŋuna keŋ. Erae ŋun daŋ ŋakoŋinae ŋuna ikwaan ka akirisit ekuwuam.

Ekal. 4:4

Abu nai ayoŋ oyenu atemar itiyaete ŋituŋa eŋirikinito nooi ŋolotic daadaŋ ka ŋinapiiryanut daadaŋ, anerae erakaana ŋinituŋanan aŋuna a ŋinice. Erae ŋun daŋ ŋakoŋinae, erae akirisit ekuwuam.

Isa. 1:3

Eyeni emoŋ elope keŋ ka eyeni esigirya neni eyai akimuj ŋina itania elope keŋ iŋes. Nai nyeyenete Ŋisirael ŋakiro ŋun, emamukatar ŋituŋa kaŋ ayenut.’ ”

Isa. 1:4

Ekaŋ iyes ŋituŋa a akwap a ŋina a ŋikasecak ŋituŋa ŋulu ileleba asecit, ŋiletok ŋulu itiyaete aronis 2ŋituŋa ŋulu itunaete ŋuluce. Aŋero ikes Ekapolon, aŋero ikes ŋolo Asegan ŋolo a Isirael ka amuleno Ekapolon.

Isa. 12:3

“Elakarosi ŋituŋa ka Akuj apaki ŋina eiunia Akuj ikes; elakarosi ikes lopite ŋolo elakarotor ŋituŋa ŋulu enyamit akure emasete ŋakipi.”

Isa. 5:13

Aŋun, erikoryo ŋituŋa kaŋ nakwap ace aŋuna pa ayeneta ŋakiro kaŋ, eari akoro ŋikapolok kec ka enyami akure ŋituŋa kec ŋulu alalak nooi.

Isa. 55:2

Kaanukiro isitiyaere iyes ŋisiliŋa kus agyelya ibore ŋini nyerae akimuj? Kaanukiro icanicaniata iyes agogoŋu kus a etic a ŋolo nyiryamunia akimwonikina? Topupokinae ayoŋ ejok, ido kimuja akimuj ŋina ajokan ka tolakaros imujete akimuj ŋina etuman.

Isa. 63:8

Abu iŋes tolimu tema, “Kire jik, erae ikes ŋituŋa kaŋ, ŋidwe ŋulu nyitiyaete ŋuna aronok;” ido abu iŋes toruwor ekaiunan kec

Yer. 1:16

Tosodi, alimuni nai ayoŋ ŋakiro kaŋ ŋuna atubokinitor ikes aŋuna a ŋaronisya kec a daadaŋ a ŋuna akaŋerioto ikes ayoŋ; ainanakis ikes ŋainakineta kec neni a ŋakujo a ŋace ka elipa neni a ŋiboro a ŋulu etiyaunete ikes a ŋakan kec.

Yer. 14:3

Iyakiyanarete ŋikapolok keŋ ŋiketiyak kec aokun ŋakipi, elosete ŋiketiyak ŋul nakarei toryamut emam ŋakipi, ido toboŋosi eororete ŋiboro kec. Irumito ikes ŋileec ka ekadakinit, ido imukito ŋakyes kec.

Yer. 15:6

Ikiŋero iyes ayoŋ, iboŋete iyes kaku. Aŋun, adau ayoŋ akisican ka amunyar iyes, anerae akaup ayoŋ akidaŋidaŋ ŋakiro kus.

Yer. 17:13

Okoe Ekapolon! okoe akigeno a Isirael! Irumete ŋileec daadaŋ ŋulu ikiŋerito iyoŋ; imarakinio daadaŋ ŋulu ikiŋerete iyoŋ nakibois ŋina a ŋikatwak, anerae aŋero ikes eitanit a ŋakipi a ŋuna ka akiyar, iŋes Ekapolon.”

Yer. 18:14

Edaunun mono ŋakako a Lebanon anatabab a ŋuna etiyaunere a? Ejoŋoeneneete mono ŋakipi ŋuna alilimok ŋuna eponito aneni alwanan alel a?

Yer. 19:4

anerae akaŋero ŋituŋa kaŋ ayoŋ ka enyasut akibois na aŋuna ainakiniata a nen ŋainakineta neni a ŋakujo a ŋace, ŋakujo ŋuna pa ayenete ikes, kori atapapaa kec, kori ŋirwosi a Yudaya ka aŋuna elelebikiniata ikes akibois na ŋaokot a ŋituŋa a ŋulu emam ŋakiro esecito,

Yer. 2:11

Eyai mono akwap adio ŋina elocok ŋakujo keŋ, tari pa kerae ŋakujo kec ŋuna a kire a? Nai aŋero ŋituŋa kaŋ Akuj kec aŋuna a ibore a ŋini emam ibore iryamunia.

Yer. 2:17

Ŋisirael, meere mono iyes iyaunete ŋakiro ŋun nawat kus aŋuna iesikiniata Ekapolon Akuj kus, apaki ŋina ikirikitor iŋes iyes kiwuapa iŋes a?

Yer. 2:26

“Lopite ŋolo irumyata ekokolan ŋileec ikamunio, Irumete ŋituŋa a Isirael daŋ ŋileec, irumete ŋileec ŋituŋa a Isirael, ŋirwosi kec, ŋikapolok kec, ŋisacaradotin kec ka ŋikadwarak kec,

Yer. 4:22

Irworo Ekapolon ebala, “Ebaŋaaka ŋituŋa kaŋ, nyakayenete ayoŋ, erae ikes ŋidwe ŋulu ebaŋaaka, emam ŋakiro eyenete. Eyenete ikes akitiya aronis, nai nyeyenete akitiya ajokis.”

Yer. 5:26

anerae eyakasi ŋasyaanisya lotuŋa kaŋ; elemanarete ikes ŋiboro a ŋuluce. Ikamete ikes ŋituŋa lopite ŋolo ikamya ekalokan ŋatapemo a atawuatat.

Yer. 5:31

edwarete ŋikadwarak alyokonu ka ipukato ŋisacaradotin lopite ŋolo elimokiniata ŋikadwarak ikes, italakarito ŋakiro ŋun ŋituŋa kaŋ, nai anu itiyaete iyes apaki ŋina ebunio asalunet?”

Esek. 14:5

Etiyae ayoŋ ŋun, ikotere enyakuni ŋitai a ŋituŋa kaŋ a Ŋisirael neni kaŋ, ŋituŋa kaŋ ŋulu akaesikis ayoŋ daadaŋ, ŋulu alot neni a ŋakujo.’

Esek. 47:1

Abu ekile ŋol ekenyaku ayoŋ lopuke ŋolo ka Akai ka Akuj, abu ayoŋ eŋolik a nen ŋakipi ŋuna aleleete alokwap epuke ŋolo ka Akai ka Akuj; aleleete ŋakipi ŋun lowae ŋolo alo Kide (anerae eŋoliyarit Akai ka Akuj lowae ŋolo alo Kide); aleleete ŋakipi ŋun alokwap epuke ŋolo ka Akai ka Akuj alowae a ŋolo alo Kwap, etorito diyete namuroet alowae a ŋolo alo Kwap.

Mika 2:8

Abu Ekapolon toboŋok ŋikadwarak ŋulu alyokonok tema, “Itijiete iyes ŋituŋa kaŋ esibit ŋimoe, ilacete ŋikaasoi aneni a ŋituŋa a ŋulu emam ŋakiro eyakasi, aneni a ŋikalotok a ŋulu nyetamete ŋakiro ŋuna ke ejie.

Mika 6:3

Ŋikaatuŋa, anukiro etiya ayoŋ neni kus? Alipite eketeryamunia ayoŋ iyes ŋican? Toboŋokinoe ayoŋ.

Sakar 13:1

“Akoloŋit ŋin, eŋakinio elelya neni a ŋituŋa a ekal a Daudi ka neni a ŋulu iboiyete alo Yerusalem, ikotere kitaleun ikes anasecit ka anaronis.”

Yoa. 4:10

Toboŋok Yesu tema, “Kerae toyeni iyoŋ ainakinet ŋina ecamit Akuj ainakin iyoŋ ka ŋolo ebala iyoŋ ‘Kitamatae,’ kiŋisit iyoŋ iŋes ka kikiinakinit ŋakipi ŋuna eteyarak.”

Yoa. 4:11

Tolimok aberu iŋes tema, “Ekapolon, imamukar iyoŋ ibore ŋini okunet ŋakipi, nabo daŋ eoya akare. Ai nai ilemunia iyoŋ ŋakipi ŋuna eteyarak ŋun?

Yoa. 4:14

nai ŋini emasi ŋakipi ŋuna ainakini ayoŋ iŋes, nyenyami akure nabo jik. Ŋakipi ŋuna abuni ayoŋ ainakin iŋes, eruworosi aneni keŋ eitanit ŋolo a ŋakipi a ŋuna eyaunete akiyar ŋina nyedaun.”

Yoa. 7:37

Akoloŋit ŋina esidyon ŋina apolon nooi akilo, anasuban a ŋuna edukere ŋitogoi, tonyou Yesu tocelu tema, “Ŋini enyamit akure, bu neni kaŋ tomat.

Ŋikis. 31:16

Kirwor Ekapolon neni a Moses tema, “Alotooma apaki ŋina ewuruana, itwani iyoŋ ikwapei atapapaa kon. Egeikinete nai ŋituŋa lu akilip neni a ŋakujo a ŋunagelae a ŋuna eyakasi kidiŋ kec, ŋakujo a akwap a ŋina elosete ikes alomar, akeŋerete ikes ayoŋ, nyiwuapete acamunet kaŋ ŋina ikicamunor ayoŋ ka ikes.

2 Pet. 2:17

Ikwaan ŋikilyok ŋul ka ŋilelyan ŋulu ejuwasi, ikwaan ka ŋidouwon ŋulu ekutanari ekuwuam. Adau Akuj akitemokin akibois kec tooma nenikiryonon cuc.

Akis. 21:6

Tema nabo neni kaŋ, “Erikakin! Arae ayoŋ Alpa ka Omega--Akisyakinet ka Asalunet. Ŋini daadaŋ enyami akure, ainakini ŋakipi ŋuna emam egyelit, ŋuna aloitanit a ŋolo ka akiyar.

Akis. 22:1

Abu nai emalaika eketoodik ayoŋ aŋolol ŋina a ŋakipi a ŋuna ka akiyar, ŋuna apariparete ikwa ŋakamilimili, toleleunito alokicoloŋ a ŋolo ka Akuj ka a ŋolo a Imesek.

Akis. 22:17

Ebasi Etau ka Ateran, “Bua!” Itemokino ituŋanan daadaŋ ŋini iirari nu tema, “Bua!” Itemokino iŋes ŋini enyamit akure bu, itemokino iŋes ŋini ecamit ŋakipi ŋuna ka akiyar, ya pa egyelit.

Ŋikat. 10:13

Nai ipotu iyes ikiŋero ayoŋ toloto akilipenen neni a ŋakujo a ŋace, aŋun, nyakalakuni nabo ayoŋ iyes jik.

1 Sam. 12:10

Apotu nai ikes kikalout neni ke Ekapolon temasi, ‘Ikisec isua, anerae aŋeri Ekapolon, ido alomakin akitiyanakin ata Baal ka ata Asitarite; nai toiunae isua tokona anapedor a ŋimoe kosi, ido ikitiyanakini isua iyoŋ.’