Yer. 19:7 - Ebaibul

⁷ Tosodi anakibois a na, eturuwori ayoŋ ŋakiro ŋuna eyeete ŋituŋa a Yudaya ka Yerusalem ŋakoŋinae. Ainakini ayoŋ tomunyarae ikes a ekileŋ alokiŋaren ŋimoe kec, earete ŋulu imanito ikes ŋituŋa a Yudaya ka ŋituŋa a Yerusalem. Emyekini ayoŋ ŋawat kec toruwor akimuj a ŋikyeny ka a ŋityaŋ a ŋulu ka ariet.

Yer. 19:7 Iomraidhean Croise

2 Ŋirw. 21:14

Ajali ayoŋ ŋituŋa ŋulu a Yerusalem ŋulu idoŋete, epoto oinak lomoe kec, ilounete ŋimoe ŋul ikes, kikamasi akwap kec.

Ŋakit. 21:30

Emam ibore itiyakini ituŋanan aŋuna ka aosou keŋ, ayenut keŋ ka ayere keŋ ŋuna kitiya, erae pa kecamakinit Ekapolon.

Isa. 29:14

Aŋun, etiyae ayoŋ nabo ŋakiro ŋuna ka aumokin lotuŋa lu, ŋakiro ŋuna eteryaŋakinak ka ŋuna ka aumokin. Eŋopiyari aosou a ŋikaosok kec, epuripuryaar aneni a ŋipiiryanotin apiiryanut ŋina ka ayenut ŋakiro.”

Isa. 8:10

Toyeutu akitiya ŋakiro kus, nai nyiyookinosi kirworo ŋakiro ŋuna icamito iyes daadaŋ, nai nyiyookinosi, anerae ikirukit isua ka Akuj.

Yer. 15:2

Ani kikiŋita ikes iyoŋ ebe, ‘Ai ikilosi isua?’ Tolimok ikes ebe, Irworo Ekapolon ebala, ‘Ŋulu atubokin atwanare a edeke, toloto ikiar edeke, ŋulu atubokin atwanare a ekileŋ, toloto ikiari a ekileŋ, ŋulu atubokin atwanare a akoro, toloto ikiar akoro, ido ŋulu atubokin arikoro, toloto ikirikor.’”

Yer. 15:9

Eyaloloŋ aberu ŋina sek ayakar ŋidwe ŋikanikaarei ka eridak, aruwor akica daŋ aneni keŋ akiryonut, eruma iŋes ŋileec ka aruwor ajamuwara. Ainakini ayoŋ ŋimoe kus tomunyasi ŋulu eriŋa idoŋito eyarete alotuŋa kus. Ayoŋ Ekapolon erworo ŋun!”

Yer. 16:4

Etwakete ikes a ŋidekesyo a ŋulu aarak, nyigworo ikes, kori nyenukyo ikes, ikokinete ikes aoret eperete alokidiama akwap. Earyo ikes a ekileŋ, etwakete ikes aŋuna a akoro ka eruworosi ŋawat kec akimuj a ŋikyeny ka ŋina a ŋityaŋ a ŋulu a ariet.

Yer. 18:21

Aŋun, kimyek akoro tomunya ŋidwe kec, kimyek ŋituŋa ŋul tomunyarae a ekileŋ, kimyek ŋaberu kec tomamukaun ŋidwe ka toruworos ŋapuseru. Elipi tomunya edeke ŋikilyok kec, toarae ŋisorok kec a ekileŋ alojie.

Yer. 21:7

Ekaku, ainakini ayoŋ erwosit Sedekia kaapei ka ŋiketiyak keŋ ka ŋituŋa ŋulu a etaun a lo ŋulu epuun alodeke, alokileŋ ka anakoro napedor a erwosit Nebukadinesar a ŋolo a Babilon, ainakini ayoŋ ikes napedor a ŋimoe kec ka napedor a ŋulu iwarito akiar ikes. Eari Nebukadinesar ikes a ekileŋ, nyisyoni iŋes ikes, kori nyimyekini ikes, kori nyiŋarakini ikes.’

Yer. 22:19

Enukio iŋes lopite ŋolo enukere esigirya, iriyaryo iŋes kiŋa kimasarae kiŋa ŋipukei a Yerusalem.

Yer. 22:25

okoinak iyoŋ napedor a ŋulu iwarito akiyar kon, akainakini ayoŋ iyoŋ napedor a ŋulu ikuryana iyoŋ aŋuna kec ka napedor a erwosit Nebukadinesar a ŋolo a Babilon ta napedor a Ŋibabiloniyae.

Yer. 32:28

Aŋun, alimu ayoŋ Ekapolon atemar ainakini ayoŋ etaun lo napedor a Ŋibabiloniyae ka napedor a erwosit Nebukadinesar a ŋolo a Babilon, ido ikamari iŋes etaun lo.

Yer. 34:20

einakinio ikes napedor a ŋimoe kec ka neni a ŋulu imanito akiyar kec. Eruworosi ŋawat kec akimuj a ŋikyeny ka ŋina a ŋityaŋ a ŋulu ka ariet.

Yer. 46:26

Epotokini ayoŋ ikes neni a ŋulu imanito akiyar kec, neni a erwosit Nebukadinesar a ŋolo a Babilon ka neni a ŋikapolok a ŋulu ipukatotor iŋes. Ekaku, epote ŋituŋa akiboi alo Ijipit lopite ŋolo ayakatar alorwa a ŋulu a koloŋ.”

Yer. 7:33

eruworosi ŋawat a ŋituŋa a ŋul akimuj a ŋikyeny a ŋulu eporete ka akimuj a ŋityaŋ ka akwap, mam ituŋanan iritari ŋikyeny ka ŋityaŋ ŋul a nen.

Yer. 8:2

ido elokinio ikes nakoloŋ, lolap ka losubuna ŋulu alokidiama daadaŋ ŋulu sek apotu ikes tominakis ka kitiyanakis, ŋulu apotu ikes kiwuapa ka kiŋita ŋakiro, ido kilipa neni kec, nyecunakinio ikes iwapei tonukae, ikwaanikinosi ikes ka aoret ipetipetakina kwap.

Yer. 8:8

“Nyo ikitilimuni iyes ebe, ‘Ikiosok isua ka eyakare isua ŋikisila ke Ekapolon,’ torae bo eturuwosi ŋikegirigirak ŋikisila ŋakiro ŋun alyokonu?.

Yer. 8:9

Isurumyo ŋikaosok ŋileec, itakadakinio ikes ka eyaaryo ikes, anerae aŋero ikes akirot ŋina ke Ekapolon, aniosou nai eyai neni kec?

Aum. 3:37

Ŋae elimuni ŋakiro kitiyakinae erae pa ketubunit Ekapolon ŋun?

Ŋilep. 26:17

Akaŋoikini ayoŋ iyes, ido ikireunete iyes ŋimoe kus; ikipukaete iyes ŋituŋa ŋulu imanito iyes, ido ibwaŋasi iyes tari kemam ŋini ikirisit.

Ŋilep. 26:25

Emyekini ayoŋ ŋimoe kus itoar iyes aŋuna imyekiniata iyes acamunet kaŋ ka iyes. Ani kiema iyes tolomasi lotaunio kus, ayauni ayoŋ edeke neni kus, kitiditeu ekimar kus ikilout ŋimoe kus.

Ŋirom. 3:31

Itoodiunito nai ŋun atemar ikijamuwarit iwon Ŋikisila aŋuna ka anupit a ŋin a? Mam jik! Akilo, ikitopoloorit iwon Ŋikisila.

Ŋirom. 4:14

Ani kerae torae akiikinet ŋina ka Akuj neni a ŋulu iwuapito Ŋikisila, kerae anupit akoŋinait ka kecaryono akiikinet.

1 Sam. 17:46

Ikipotokini iyoŋ Ekapolon nakoloŋit na napedor kaŋ, ido akaari ayoŋ iyoŋ ekemasak kwap, otubo akou kon. Aarakini ayoŋ ŋataruk ka ŋityaŋ a akwap ŋajorei a Ŋipilistin nakoloŋit na, ikotere nai akwap daadaŋ eyenuni atemar eyai Akuj Isirael.