Yer. 19:4 - Ebaibul

⁴ anerae akaŋero ŋituŋa kaŋ ayoŋ ka enyasut akibois na aŋuna ainakiniata a nen ŋainakineta neni a ŋakujo a ŋace, ŋakujo ŋuna pa ayenete ikes, kori atapapaa kec, kori ŋirwosi a Yudaya ka aŋuna elelebikiniata ikes akibois na ŋaokot a ŋituŋa a ŋulu emam ŋakiro esecito,

Yer. 19:4 Iomraidhean Croise

2 Ŋirw. 21:16

Tari nabo daŋ, aarit Manase ŋituŋa ŋulu alalak nooi alo Yerusalem pa esecito, toleleiyaasi ŋaokot ameun alowae a epei akitodol lowae ŋoloce. Kiyatakin ŋun nasecit ŋina arikokinia iŋes ŋituŋa a Yudaya nasecit kitiyata ŋuna aronok aneni ke Ekapolon.

2 Ŋirw. 23:10

Abu Yosia tomunaiya Topes, namuroet ŋina adukokinitae nayonae ŋina anyaritae Ben-Inom, todaun nabo epite ŋolo apedoria idiotuŋanan akiar lokoku keŋ. kori nakoku keŋ kicunyak erae ainakinet neni ka akuj a ŋina anyaritae Molek.

2 Ŋirw. 24:4

ka aŋuna abunio toarya ŋituŋa ŋulu amam ibore asecito. Aarit manase alo Yerusalem ŋituŋa ŋulu pa asecito, ido pa acamit Ekapolon akisyoni iŋes.

Ŋikiru. 106:38

Apotu ikes toara ŋidwe kec ŋulu amam ibore asecito, tobukosi ŋaokot a ŋidwe kec a ŋulusapa ka ŋulupesur a ŋulu apotu ikes yaasi erae ŋamuronisya neni a ŋakujo a ŋuna alo Kanaan; apotu ŋaokot a ŋidwe a ŋul kituruwosi ŋituŋa ŋul ka akwap kec ŋina emam ajokis eyai.

Isa. 59:7

Nyeayeneneete ikes apaki ŋina aoyan akitiya aronis, iburiburete ikes atipei akiar ituŋanan ŋini nyesecit; erae ŋatameta kec ŋatameta ŋuna ka asecit, imyenakinete ikes ŋinyas ka amunyaro aneni daadaŋ itorete ikes.

Isa. 65:11

Nai ani eruwor iyes ŋulu iŋerito Ekapolon, ŋulu ikimuryak emoru kaŋ ŋolo asegan iyes ŋulu ilipete neni a ŋakujo ŋuna a ŋabaatyo ka ŋuna a ŋakiro a ŋuna etakanunete,

Yer. 1:16

Tosodi, alimuni nai ayoŋ ŋakiro kaŋ ŋuna atubokinitor ikes aŋuna a ŋaronisya kec a daadaŋ a ŋuna akaŋerioto ikes ayoŋ; ainanakis ikes ŋainakineta kec neni a ŋakujo a ŋace ka elipa neni a ŋiboro a ŋulu etiyaunete ikes a ŋakan kec.

Yer. 11:13

okoe ŋituŋa a Yudaya ariyanikin ekimar a ŋakujo kus ka ekimar a ŋitaunio kus ka ariyanikin ekimar a ŋamuroeta a ŋuna iduko iyes ka ŋirotin a Yerusalem. Erae ŋamuroeta ŋun ŋuna iinanakiniata iyes ŋainakineta neni a Baal.

Yer. 15:6

Ikiŋero iyes ayoŋ, iboŋete iyes kaku. Aŋun, adau ayoŋ akisican ka amunyar iyes, anerae akaup ayoŋ akidaŋidaŋ ŋakiro kus.

Yer. 16:11

Iboŋokini iyoŋ ikes tema, ‘Erae ŋun, anerae apotu atapapaa kus okoŋero ayoŋ, aloto akiwuap ŋakujo ŋace ka etiyanakis ŋakujo ŋun, elipa neni kec, ido akaŋero ayoŋ ka nyiwuapa ŋikisila kaŋ

Yer. 17:13

Okoe Ekapolon! okoe akigeno a Isirael! Irumete ŋileec daadaŋ ŋulu ikiŋerito iyoŋ; imarakinio daadaŋ ŋulu ikiŋerete iyoŋ nakibois ŋina a ŋikatwak, anerae aŋero ikes eitanit a ŋakipi a ŋuna ka akiyar, iŋes Ekapolon.”

Yer. 17:20

ido tolimok ŋituŋa tema, ‘Iyes ŋirwosi a Yudaya ka ŋituŋa a Yudaya daadaŋ ka ŋituŋa daadaŋ ŋulu iboiyete alo Yerusalem, iyes ŋulu ilomanarete alopukei a lu.’

Yer. 18:15

Nai, emuryakin ayoŋ aneni a ŋituŋa kaŋ, icunyanakinete ikes ekinyate nakujo ŋunacaryo, ŋuna ainakis ikes akiwuapit ŋuna pa amaikina kiwuapa, nyeriŋa iwuapito ŋuna a akoloŋ sek; iwuapito ikes ŋirotin ŋulu nyemaikinae amet, nyiwuapito ŋolo etakani.

Yer. 2:13

“Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Yer. 2:17

Ŋisirael, meere mono iyes iyaunete ŋakiro ŋun nawat kus aŋuna iesikiniata Ekapolon Akuj kus, apaki ŋina ikirikitor iŋes iyes kiwuapa iŋes a?

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yer. 2:30

Abu ayoŋ esican ŋituŋa kus, nai mam ŋuna ajokak aneni kaŋ apotu kitiyakin; apotu ikes nyecamut ŋuna abala ayoŋ kiwuapa. Ipotu iyes pei toara ŋikadwarak kus a ekileŋ, lopite ŋolo earya eŋatuny ŋolo adedeŋan ŋityaŋ.

Yer. 2:34

Kire, eya lolowi kus ŋaokot ŋuna iaryata iyes ŋikulyak ŋulu emam ŋakiro esecito tari pa kikamunito iyes ikes ebwaŋete ŋakais kus, nai tari kikote ŋakiro nen,

Yer. 22:17

Nai eyenete ŋakonyen kon ka etau kon epite ŋolo ebarere anamodiyo bon; ido iari iyoŋ ŋulu emam asecit itiyato ka itiyae ŋuna ka aryenyeo ka akisicanit ŋulucetuŋa.

Yer. 22:3

Alimu Ekapolon atemar kitiyata ŋuna ka akiyookino. Toiutu ŋituŋa daadaŋ ŋulu edemanaritae ŋiboro kec, toiutu ikes anapedor a ŋulu isicanito ikes ka nyitiyata aronis, kori nyiryenyanikis ŋigelaanotin, ŋikokyok ka ŋapuseru, kori nyiar alotaun a lo idiotuŋanan ŋini emam aronis itiyat,

Yer. 26:15

Nai toyenete kire jik atemar, kikiar iyes ayoŋ, eyakaun ekaile ŋolo ka akiar ituŋanan ŋini nyesecit neni kus ka neni a etaun a lo ta neni a ŋituŋa a daadaŋ a ŋulu iboiyete alotaun a lo, anerae ŋuna a kire ikes nu, erae Ekapolon iŋes ekeyakuunit ayoŋ neni kus alimokin iyes ŋakiro ŋun kiirasi iyes.”

Yer. 26:23

Apotu ŋituŋa ŋul torikut Uria neni a erwosit Yeoiakim, abu nai Yeoiakim toar Uria a ekileŋ, kimasak akuwan keŋ nakibois ŋina enukio ŋituŋa.

Yer. 44:3

anerae apotu ŋituŋa kec kitiyata aronis, eketoŋoa ayoŋ aŋuna aponiata toloto ainanakin ŋainakineta neni a ŋakujo a ŋace ka akitiyanakin ŋakujo ŋuna pa ayenete ikes, pa iyenete tari iyes; kori pa ayenete tari atapapaa kus.’

Yer. 5:6

Aŋun, eari eŋatuny ŋolo ebunit anamoni ikes, emunyari epeot ŋolo ebunit analoŋisat ikes. ite eris ŋitaunio kec eremokino; ituŋanan daadaŋ ŋini elomuni kiŋa alotaunio kec, enyilinyiliyaryo, anerae elalak ŋasecisya kec ka epol nooi epite ŋolo aŋeryoto ikes akiwuap ŋuna ebookoi.

Yer. 7:6

ani pa kisicanito iyes ŋituŋa ŋulugelae, ŋikokyok ka ŋapuseru, kori pa kiar anakibois a na ituŋanan ŋini emam ŋuna aronok itiyat ka ani pa kiwuapa iyes ŋakujo ŋace kiduporos make,

Yer. 7:9

Irubakinete mono iyes ikokoyete, ilomete, ikoŋete alyokonu, iyaanarete ŋainakineta neni a Baal ka iwuapito ŋakiro a ŋakujo a ŋuna sek pa iyenete iyes,

Aum. 4:13

Nai apotu ŋimoe topedosi, anerae apotu ŋikadwarak keŋ ka ŋisacaradotin keŋ toseca aŋuna aaryata alotooma etaun ŋituŋa ŋulu pa asecito.

Esek. 20:26

Abu ayoŋ emyek ikes tomunaaros anainanakineta kec pei, abu ayoŋ emyek ikes toara ŋikiyae kec ŋulusapa erae ŋamuronisya. Arae ŋun aŋuna ka akisicania ikes ka akitoodikin ikes atemar arae ayoŋ Ekapolon.

Esek. 7:22

Nyacamuni ayoŋ akiŋolikin ikes, ikotere ikes itoroniyarete akibois kaŋ ŋina amina ayoŋ; elomarete ŋiryenyaanotin tooma keŋ, emunaarete ikes iŋes.

Esek. 8:11

Awuasi alokiŋaren ŋitorubei ŋul ŋikasikou a Ŋisirael ŋatomonikanikaarei kaapei ka Yasania lokoku a Sapan. Ayakar nakan keŋ ŋinituŋanan isipirya ŋini icunyere ekinyate, topuruye apuru a ekinyate a ŋolo adakito ikes.

Dan. 11:31

Epote ŋasigarya ŋuna iyakuunit iŋes, ido toloma nen, tomunaasi ŋaduketa ŋunajiet, itojoŋoete ikes ŋituŋa ayaunun ŋamuronisya ŋuna a ŋinakoloŋit ka eyaunete ikes nen asiilyo ŋina eyauni ekasile.

Luk. 11:50

Nai isicanio ŋituŋa ŋulu ka anyamet a na aŋuna a ŋaokot a ŋikadwarak ŋinapei anakisyakinet akwap,

Ŋikis. 13:13

ŋituŋa kus ŋulu itiyaete aronis, ŋulu arikokis ŋituŋa ŋulu iboiyete alotaun a ŋol akitiya ŋuna aronok ka elimonokinete ŋituŋa ebe, “Oloto elipa neni a ŋakujo a ŋace,” (ŋuna nyeyenuna iyes.)

Ŋikis. 13:6

Ani kikicocoya iyoŋ ituŋanan anakimunono, tari kerae lokaato kon kori lokoku a toto kon, kori lokaapa kon, kori lokoku kon, kori nakoku kon, kori aberu kon ŋina imina iyoŋ nooi, kori ekone kon ŋolo imina iyoŋ nooi, ikilimok iyoŋ tema, “Oloto elipa neni a ŋakujo,” (ŋakujo ŋuna nyeyenuna iyoŋ, kori atapapaa kon,

Ŋikis. 28:20

“Ikiyakikini Ekapolon iyes ŋican, akuryanu ka akadanakin aloticisyo a daadaŋ a ŋulu ikatakinete iyes akitiya, tari ŋina imunyarotor iyes todaunos atipei, aŋuna a ŋiticisyo kus a ŋulu aronok, anerae ikiesikis iyes ayoŋ.

Ŋikis. 28:36

Ikiyai Ekapolon iyes kaapei ka erwosit ŋolo iseunete iyes akipuka iyes nakwap ŋina nyiyenete iyes, kori ŋina pa ayenete atapapaa kus, neni itiyanakineta iyes ŋakujo ŋuna itiyaunitae a ŋakito ka ŋamoru.

Ŋikis. 28:64

Ikielari Ekapolon iyes nakwapin, idolete iyes nakisaleta ŋuna ka akwap, itiyanakinete iyes a nen ŋakujo ŋuna itiyaunitae a ŋakito ka ŋamoru, ŋakujo ŋuna nyeyenuna iyes ŋinapei, kori atapapaa kus.

Akis. 16:6

Apotu ikes tobukonosi ŋaokot ŋuna a ŋituŋa ka Akuj ka ŋuna a ŋikadwarak, aŋun, itamat iyoŋ ikes ŋaokot. Aryamut ikes ŋuna itemokino ikes toryamut.”

Ŋikat. 5:8

Ani eseunete ŋituŋa akiwuap ŋakujo ŋace, todolu ejie lopukei a ŋitaunio kec. Amam alokilyok a ŋulu arae ŋalipyo ŋatomoniomwon ŋolo ayakar aupal kori akwara.