Yer. 19:12 - Ebaibul

¹² Etiyae ayoŋ ŋun nakibois na ka neni a ŋituŋa a ŋulu iboiyete a nen, kikwaanikin etaun lo ka Topes.

Yer. 19:12 Iomraidhean Croise

Yer. 10:13

Ani irworikini iŋes, kiguryakin ŋakipi alokidiama, itonyouni iŋes ekuno anakisalet a akwap. Iwuanakini iŋes akimilya toyakaun apaki ŋina eyakar akiru, eyaununui iŋes ekuwuam tokut anakibois a ŋina sek eyai.

Yer. 11:5

ikotere esiyookini ayoŋ akikoŋiet kaŋ ŋina abu ayoŋ ekoŋ neni atapapaa kus, abu ayoŋ ekoŋ ainakin ikes akwap ŋina elelyaata ŋakile ka ao, lopite ŋolo eyakar nakoloŋit na.” Abu nai ayoŋ oboŋok iŋes otema, “Okoe Ekapolon, kitiyakinosi ŋakiro lopite ŋolo ilumunio iyoŋ”

Yer. 19:11

ido tolimok ikes ebe, ‘Alimu Ekapolon ŋolo a ŋajoresyo atemar, enyasuni ayoŋ ŋituŋa lu ka etaun lo, abwaŋi ikes lopite ŋolo ebwaŋia ituŋanan eborosit ŋolo eyeunit ekayan ŋamoti, eborosit ŋolo nyedonyunun jik. Enukete ikes ŋituŋa kec Topes tari ŋina emamukaunor neni enukakinio ŋituŋa.

Yer. 19:13

Itoroniyaryo ŋakais a Yerusalem ka ŋakais a ŋirwosi a Yudaya, lopite ŋolo etoroniyarere Topes, itoroniyaryo ŋakais daadaŋ ŋuna aponi inakinae ŋainakineta alokidiama kec neni a ŋiboorei a ŋulu alokidiama ka neni ainanakinere ŋainakineta ŋuna a ŋimaten neni a ŋakujo a ŋace.’ ”