Yer. 18:18 - Ebaibul

¹⁸ Apotu nai ikes temasi, “Potu, oyeutu ŋarurumae emana Yeremia, anerae nyedaunun ŋakitatameta aneni a esacaradoti, kori ŋakiro ŋuna ajokak aneni a ŋikaosok, kori akirot aneni a ekadwaran. Potu esitakisi iŋes a ŋakiro a ŋadi, nyikiwuap ŋakiro keŋ ŋadi daŋ.”

Yer. 18:18 Iomraidhean Croise

2 Sam. 15:31

Apaki ŋin, keris kelimokin Daudi ebe, “Erae Aisopel epei a ŋulu ariwo ka Abusalom.” Aŋun, abu Daudi kilip tema, “Okoe Ekapolon, kituruwo Aisopel ebaŋ anakiro a ŋuna elimuni.”

2 Sam. 17:14

Temasi Abusalom ka Ŋisirael daadaŋ, “Iyookino ŋakiro ŋuna alimu Usai Earikait akilo ŋuna ka Aisopel.” Alimunete ikes ŋun, anerae pa acamit Ekapolon kiyookinos ŋakiro ŋuna ajokak ŋuna alimunit Aisopel, ikotere Ekapolon isicani Abusalom.

1 Ŋirw. 22:24

Tolot nia Sedekia lokoku a Kenaana neni a Mikaia, kibap iŋes lokeli, kiŋit tema, “Ai etori Etau ke Ekapolon aneni kaŋ ebuni akisirwor iyoŋ?”

2 Ŋakiro a ŋirwa 24:21

Abu Yoas toyeut ka ŋituŋa akiar Sakariya, ido apotu ŋituŋa tocaka Sakariya a ŋamoru lopite ŋolo alimokinia erwosit ikes. Toarakinae Sakariya nalapatu ŋina a Akai ka Akuj.

Yob 5:13

ikamununui Akuj ŋikaosok anaosou kec, itasalununui Akuj atipei ŋuna eyeete ŋulu irworosi itojokasi.

Ŋikiru. 21:11

Ani keyeta ikes ŋuna aronok aŋuna kon, ani ketuko ikes akiwan iyoŋ, nyitiyakin ŋuna etukete ikes akitiya;

Ŋikiru. 52:2

Ituki iyoŋ ŋakiro ŋuna ka amunyar ŋuluce; ikwaan ŋakiro kon ka ebanyet ŋolo ipenitae ejok, itamatamae akitiya ŋuna aronok bon.

Ŋikiru. 57:4

Ayai ayoŋ kidiŋ ŋiŋatunyo; ŋiŋatunyo ŋulu anyamak ŋituŋa; ekwaka ŋikyal kec ikote ŋakwaaras ka ŋikaleŋeleŋe ekwaka ŋaŋajepa kec ikote ŋileŋia.

Ŋikiru. 64:3

a ŋulu itokwanito ŋaŋajepa kec ikwa ŋileŋia, tocebete ŋakiro ŋuna apipilak ikwa aremot ŋina a ŋikaleŋeleŋe

Ŋakit. 18:21

Epedorete ŋakiro ŋuna irworo ituŋanan aiun akiyar keŋ kori amunaar akiyar keŋ, aŋun, emaikina ituŋanan tocamu ŋatyokisyo ŋuna epote neni keŋ aŋuna a erwor keŋ.

Isa. 32:7

Ŋakiro ŋuna itiyaete ŋasyanisya, erae ŋuna aronok; eyeete akitiya ŋakiro ŋuna aronok ka irworosi alyokonu amunyarya ŋikulyak, tari kiyookino ŋakiro ŋuna edyakanarotor ŋituŋa ŋulu eyakatar akiitanit.

Yer. 1:19

Ikitijiete ikes iyoŋ, nai nyikilounete ikes iyoŋ, anerae ikirukit ayoŋ ka iyoŋ aŋuna ka alakun iyoŋ.”

Yer. 11:19

Nai ikikwaan ayoŋ ka ikale ŋinimesek ŋini epatana erikoryo akiŋol. Pa ayeni ayoŋ atemar ekemanitae ayoŋ, pa ayeni ayoŋ atemar ayeete ikes ŋakiro kec ebasi, ‘Omunaasi ekitoe ka ŋaraito keŋ, olemasi iŋes anakwap a ŋituŋa a ŋulu eyarete, ikotere tojoŋoi atamunit ekiro keŋ.’

Yer. 18:11

Aŋun tokona, tolimok ŋituŋa a Yudaya ka ŋulu iboiyete alo Yerusalem ebe, ‘Alimu Ekapolon atemar, kiirasi, ikikwaan ayoŋ ka ekayan ŋamoti, aye ayoŋ akisicanet aŋuna kus ka etemonokini ŋuna ekemania iyes. Tokona kilocokisi iyes daadaŋ ŋipitesyo kus ŋulu aronok ka kitojokutu ŋipitesyo kus ka ŋiticisyo kus.’ ”

Yer. 18:19

Abu nai ayoŋ elip otema, “Okoe Ekapolon, topupokinae ayoŋ, kiira ŋakiro ŋuna irworosi ŋimoe kaŋ.

Yer. 2:8

Nyetemara ŋisacaradotin ebe, ‘Ai eyai Ekapolon?’ Pa akayenete ayoŋ ŋulu atubete ŋakiro; apotu ŋikepukak okoŋero ayoŋ, apotu ŋikadwarak todwara ŋuna a Baal, ido kiwuapa ŋakiro ŋuna emam ibore iryamunia.

Yer. 20:10

anerae apupi ayoŋ ŋituŋa ŋulu alalak iŋaiŋaasi ebasi, “Eyai ekabule ŋiwaetin daadaŋ, kisitakisi iŋes! Emaikina iwon esitakisi iŋes!” Idarito ŋikonei kaŋ daadaŋ atemar okokuruwo ayoŋ akitiya, ebasi ikes make, “Acepaki emodiyaryo iŋes, eloutu nai iwon iŋes, enyaŋasi ŋuna etiyat iŋes neni yok.”

Yer. 26:11

Temasi nai ŋisacaradotin ka ŋikadwarak neni a ŋikapolok ka ŋituŋa daadaŋ, “Emaikina ekile lo totubokinae atwanare, anerae adau iŋes akidwar ŋuna aronok aŋuna a etaun a lo, lopite ŋolo iiraryata iyes a ŋaki kus.”

Yer. 37:13

Ani edoli iŋes lopuke ŋolo enyaritae Epuke a Benjamin, abu ekile ŋolo ete epuke, ekile ŋolo anyaritae Irija lokoku a Selemia a ŋolo arae lokoku ka Anania kikamu ekadwaran Yeremia ebala, “Icamit iyoŋ akisii neni a Ŋibabiloniyae.”

Yer. 43:2

toloto Asaria lokoku a Osaia ka Yoanan lokoku a Karea ta ŋituŋa ŋulu aosok daadaŋ tolimokis Yeremia temasi, “Irworo iyoŋ alyokonu. Nyiyakuuna Ekapolon iyoŋ alimokin isua ebe, ‘Nyiloto Ijipit kiboiyoto a ina;’

Yer. 44:16

“Nyikicamuni isua akiirar ŋakiro ŋuna idau iyoŋ alimokin isua alokiro ke Ekapolon.

Yer. 44:17

Nai ikitiyae isua ŋuna adaun akikoŋ atemar ikitiyae, ikiinakini isua ŋainakineta kosi neni a arwosit a ŋina anakuj ka einakinio iŋes ŋainakineta ŋuna a ŋimaten lopite ŋolo sek etiyaere isua ka ŋolo sek etiyaata atapapaa kosi, ŋirwosi kosi ka ŋikapolok kosi alotaunio a Yudaya ka alorotin a Yerusalem. Ayakare isua akimuj ŋina alalan, ayakare abaru ka amam ŋican.

Yer. 8:8

“Nyo ikitilimuni iyes ebe, ‘Ikiosok isua ka eyakare isua ŋikisila ke Ekapolon,’ torae bo eturuwosi ŋikegirigirak ŋikisila ŋakiro ŋun alyokonu?.

Aum. 3:62

Ekeŋaiŋaatar ka ekerworotor ikes ayoŋ apaaran jwii.

Esek. 7:26

Ikiropikinete iyes ŋican, ikiropikinete iyes ŋirworisya ŋulu ka alyokonu; iitanete iyes ayenun alokadwaran ŋakiro ŋuna eponito; edaun esacaradoti ŋakiro ŋuna ikitatami iyes, edaun ŋikasikou ŋakiro ŋuna ikisirworiuniata iyes.

Ŋilep. 10:11

ido emaikina iyoŋ kitatam Ŋisirael ŋakiro daadaŋ ŋuna atubu Ekapolon ŋuna adau alimun aneni a Moses.”

Mika 3:6

Aŋun, ŋikadwarak, eapi apaki kus adaun; edoiyori akoloŋ aneni kus, anerae ipotu kitooliyosi ŋituŋa kaŋ, mam nabo iyes akidwar ace, mam nabo nyipedorete iyes ayenun ŋuna eponito.”

Mika 3:7

Irumete ŋikadwarak ŋileec. Nyelakarosi ŋimurok, ituruworyo ikes daadaŋ ŋicaryo, anerae nyeboŋokini Akuj ŋakiro kec.

Mal. 2:7

Erae etic ke esacaradoti akitatam ŋuna ka aosou, ido emaikina ŋituŋa kiwara ŋakiro ŋuna itatami iŋes, anerae erae iŋes ekiyakia ŋolo ke Ekapolon a ŋolo Etiron.

Luk. 11:45

Abu epei a ŋiketatamak a Ŋikisila, tolimok iŋes tema, “Eketataman, ikimor iyoŋ isua daŋ alorwor kon!”

Yoa. 9:40

Kiirasi Ŋiparisayon ŋice ŋulu aya diyete keŋ ŋakiro ŋun, kiŋita ikes Yesu temasi, “Ibala tokona iyoŋ ikimudukaka isua daŋ a?”