Yer. 18:16 - Ebaibul

¹⁶ Aŋun, eturuwosi ikes akwap kec ŋina a ŋinyas, ibore ŋini epedori ituŋanan ajamuwar ŋikaru ka ŋikaru. Ŋituŋa daadaŋ ŋulu itorete nen, ebulit ka imuŋumuŋete ŋakyes kec aŋuna a ŋinyas keŋ.

Yer. 18:16 Iomraidhean Croise

1 Ŋirw. 9:8

Eruwor Akai na ŋina tokona iteete iyes eoya na ereŋorot ŋolo etukosi ŋakielet keŋ; ituŋanan daadaŋ ŋini itori nen, eumokini topodok tema, ‘Kaanukiro etiyaa Ekapolon ŋakiro nu nakwap na ka Kai na?’

2 Ŋakiro a ŋirwa 29:8

Aŋakiro a ŋun, abu Akuj toŋoik ŋituŋa a Yudaya ka Yerusalem, eturuwo ikes ŋulu ekuryaka nooi, ŋulu ikiinakinete asuro, aumokin ka ajamuwaro lopite ŋolo iteoto iyes ikes tokona.

Ŋikiru. 109:25

Aruwor ayoŋ ejamuwaritono a ŋulu ekisitakinito ayoŋ; ani ekeŋolikinete ikes ayoŋ; kimuŋumuŋakis ŋakyes akajamuwarito.

Ŋikiru. 22:7

Akajamuwanarete ayoŋ daadaŋ ŋulu ekeŋolikinete; akajamuwanarete kimuŋumuŋete ŋakyes kec,

Ŋikiru. 44:14

Ikituruwo iyoŋ isua ŋulu ikirworotor ŋituŋa a ŋakwapin ka ŋulu ikikyenare.

Isa. 37:22

ŋakiro nu alimu ayoŋ Ekapolon aŋuna a Senakerib: Senakerib, ikijamuwarito ka ikikyenatar iyoŋ ŋituŋa a Sion iniŋiniŋete ŋituŋa a Yerusalem ŋakyes ikiŋolikinete iyoŋ iemi.

Isa. 6:11

Abu nai ayoŋ eŋit iŋes otema, “Okoe Ekapolon, tari ori itiyasi ŋun?” Okoboŋok iŋes ayoŋ tema, “Tari ŋina eruworotor ŋitaunio kec ŋireŋoroto, todaun ŋituŋa iboiyete alotooma kec ka tooma ŋakais kec daŋ, tomamukaun ŋituŋa iboiyete, ido toruwor akwap kec ekasile nooi.

Yer. 19:8

Eturuwori ayoŋ etaun lo ŋolo a ŋinyas, etaun ŋolo ejamuwaryo. Ebuli ituŋanan daadaŋ itori diyete keŋ ka ejamuwari etaun ŋol aŋuna a ŋinyas a daadaŋ a ŋulu etiyakin lotaun ŋol.

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 29:18

Ewuapakini ayoŋ ikes a ejie, a eron ka edeke, eturuwori ayoŋ ikes ŋulu nyejokak aneni a ŋituŋa a ŋakwapin a daadaŋ anakwap, eruworosi ikes ŋulu ilamitae, ŋulu nyejokak aneni a ŋulu iŋolikinete ikes, ŋulu ejamuwaritae,

Yer. 42:18

“Erae nu ŋakiro ŋuna alimu Ekapolon ŋolo a ŋajoresyo, Akuj a Ŋisirael ebe, ‘Lopite ŋolo abunio aŋoit kaŋ ka anyunyura kaŋ toyakaun neni a ŋituŋa a ŋulu eboiyete alo Yerusalem, ikwaŋinapei, ebuni anyunyura kaŋ neni kus daŋ apaki ŋina ilosyoto iyes Ijipit, iruworosi iyes ŋituŋa ŋulu icenere ŋuluce ka ŋulu inyasere ŋuluce, ikijamuwarete ŋituŋa iyes ka iyanyio ŋituŋa isitiyao ekiro kus. Nyiŋolikinete iyes akibois na nabo.’

Yer. 44:12

Amunyari ayoŋ ŋipiya a Yudaya daadaŋ ŋulu imukekinito alosit nakwap a Ijipit, akiboi a ina, etwakete ikes daadaŋ anakwap a Ijipit a ekileŋ ka akoro, ameun a ŋulucaryo tari ŋulu itopolooritae etwakete ikes a ekileŋ ka a akoro, ejamuwarete ŋituŋa ikes ka iyanyio ŋituŋa isitiyao ekiro kec, ituruworyo ekiro kec ŋolo icenere ŋuluce ka ŋolo inyasere ŋuluce.

Yer. 48:27

Apotu ŋituŋa a Isirael toruwor ŋulu ikyenatar iyes, tari ŋina pa aryamunitere ikes erukito ka ŋikokolak, nai apaki daadaŋ ŋina irworotor iyes aŋuna kec imuŋimuŋite iyes ŋakyes.

Yer. 49:13

Adau ayoŋ elope akikoŋ atemar eruwor Bosira etaun ŋolo inyasuna ka ŋolo ejamuwaritae, eruwor ecaryoit ka ŋolo isitiyaete ŋituŋa akicenio ŋuluce, eruworosi ŋitaunio keŋ daadaŋ ŋicaryo ŋikaru ka ŋikaru.”

Yer. 49:17

“Aŋuna a ŋican a ŋulu epote Edom, eruwor Edom akwap ŋina einakini ŋituŋa ekabule, ituŋanan daadaŋ ŋini itori diyete keŋ ebuli ka ijutujutakini aŋuna a ŋican a ŋulu etiyakin nen.

Yer. 50:13

Aŋuna ka anyunyura a ŋina ke Ekapolon, emamukaun ŋituŋa iboiyete anakwap kus, nai eruwor iŋes ereŋorot ŋolo asilon nooi, ebuli ituŋanan daadaŋ ŋini itori diyete Babilon, ijutujutakini aŋuna ka akinyasuno keŋ a daadaŋ.

Yer. 51:37

ido eruwor Babilon ŋatukon a ŋamoru a ŋuna eritakinitae kwap ka neni iboiyoto ŋikweei, akibois ŋina ikitubuli iŋolikini ka ŋina ejutuwanaryo, ŋina emam ŋituŋa iboikin tooma keŋ.

Yer. 51:43

Aruwor ŋitaunio keŋ ŋulu itubulete ŋituŋa iŋolikinete, aruwor Babilon akwap ŋina eonit ka aloŋisat, akwap ŋina emam ituŋanan iboiyo ka neni emam ituŋanan itorenene.

Yer. 9:11

Eturuwori ayoŋ Yerusalem neni etukotor ŋamoru ŋuna eritakinitae kwap, eturuwori iŋes neni eperyoto ŋikweei; ka eturuwori ŋitaunio a Yudaya ŋireŋoroto, neni emam ŋituŋa iboiyete alotooma kec.”

Aum. 1:12

Ebasi ŋituŋa a Yerusalem, “Erae mono ŋican lu ŋikoŋinae aneni kus iyes ŋituŋa daadaŋ ŋulu itoreneneete Yerusalem a? Kiŋolikisi mono iyes ŋakwapin ŋunace, eyakasi ŋican ŋulu eryamunito ikes ŋulu ikote ŋulu eryamunitae isua a? Eyakasi mono nakwapin ŋican ŋulu ikote ŋulu eyaunit Ekapolon neni kosi anapaki a ŋina ka aŋoit keŋ nooi a?

Esek. 12:19

ido tolimok ŋituŋa ŋulu ka akwap kon atemar ŋakiro ŋuna irworo Ekapolon Akuj aŋuna a ŋituŋa a ŋulu iboiyete alo Yerusalem anakwap a Isirael ikes nu, ‘Enyamete ikes akimuj kec ekuryanito ka emasete ŋakipi kec ekadakinit, anerae elemaryo anakwap kec ibore daadaŋ aŋuna ka aryenyeo a ŋituŋa a daadaŋ a ŋulu iboiyete anakwap a ŋin.

Esek. 27:36

Ikijamuwasi iyoŋ ŋimucurus a ŋakwapin, isalu iyoŋ esalune ŋolo ikitubuli nooi; nyitakanuni nabo iyoŋ ŋikaru ka ŋikaru.’”

Esek. 36:3

Todwar tokona tolimok ŋituŋa ŋulu eyakasi lokamukumukui a Isirael atemar alimu Ekapolon Akuj ebe, ‘Aŋuna aponiata ŋimoe kon ikitisilut iyoŋ kire ka ikinyasut iyoŋ alowaetin a daadaŋ, toruwor iyoŋ akwap a ŋituŋa a ŋakwapin a ŋunace ka aŋuna ibunio iyoŋ toruwor ŋina ikirworotor ka ikiyanyete ŋituŋa a ŋakwapin,’

Esek. 6:14

Arami ayoŋ ikes a akan kaŋ, eturuwo akwap kec ereŋorot ka akoŋinait alotooma ŋakiboisyo kec daadaŋ, ameun analoŋisat tari lotaun ŋolo enyaritae Ribila. Eyenunete nai ikes atemar arae ayoŋ Ekapolon?’ ”

Ŋilep. 26:32

Enyasuni ayoŋ akwap kus, ikotere ŋimoe kus ŋulu epote akiboi a nen eumokinete a ŋakiro a ŋun.

Ŋilep. 26:43

anerae imyekinete mono ikes akwap iboi erae ŋina asilon, toryamu akwap akieŋun apaki ŋina iboiyo erae ŋina asilon. Emaikina ikes toryamut akisicanet aŋuna a ŋasecisya kec, anerae apotu ikes towout akiwuap ŋikisila kaŋ, toŋero ŋakiro kaŋ ŋuna atubunit ayoŋ.

Mika 6:16

anerae iwuapa iyes ŋakiro ke erwosit Omiri ka etiyata ŋituŋa kon ŋiticisyo daadaŋ ŋulu etiyaete ŋituŋa ke ekal ka Aab, iwuapa iyes ŋakiro ŋuna aronok ŋuna etiyaete ikes. Aŋun, ekepotokini ayoŋ iyoŋ namunaaro ka ŋituŋa kon najamuwaro; ikitekinete iyoŋ ŋituŋa a ŋakwapin irae koŋin.”

Mat. 27:39

Kimuŋumuŋa ŋulu etorunete nen ŋakyes kec iyanyete iŋes

Mar. 15:29

Ŋituŋa daadaŋ ŋulu kepotu kitorut nen, kiyanya yesu, kimuŋimuŋete ŋakyes ebasi, “Okoe! Iyoŋ ŋoon ibala ebe ituwori Akai ka Akuj, ido todukok nabo alotooma ŋirwa ŋiuni!

Ŋikis. 28:59

Ikisicani Ekapolon iyes ka ŋidwe kus a ŋican a ŋulu apipilak a ŋulu nyedaunosi aneni kus ka a ŋidekesyo a ŋulu nyiŋaleunioto iyes.

Ŋikis. 29:23

Iŋolikinete ikes ŋalup a akwap a ŋin ŋuna kenom keruwor esulpa ka acumbi, iŋolikinete emam ibore itakinitae, emam ibore erupunit, pa epedorito akitolomun ŋikito, ikwaan ka akinyasuno a Sodoma ka Gomora, Adama ka Seboim ŋitaunio ŋulu abu Ekapolon kinyasu anoŋoit keŋ a ŋina aryenyaan,