Yer. 18:15 - Ebaibul

¹⁵ Nai, emuryakin ayoŋ aneni a ŋituŋa kaŋ, icunyanakinete ikes ekinyate nakujo ŋunacaryo, ŋuna ainakis ikes akiwuapit ŋuna pa amaikina kiwuapa, nyeriŋa iwuapito ŋuna a akoloŋ sek; iwuapito ikes ŋirotin ŋulu nyemaikinae amet, nyiwuapito ŋolo etakani.

Yer. 18:15 Iomraidhean Croise

Neem. 9:17

apotu ikes toŋero akiwuap ŋakiro kon, nyemitakis ŋaumonokineta ŋuna itiyat iyoŋ alokidiŋ kec, nai apotu ikes kitogogoŋo ŋakyes kec, kiitana aboŋor napitoonut kec alo Ijipit. Nai irae iyoŋ Akuj ŋina itenit akisyon, Akuj ŋina ejok ka isyoniono, ŋina nyeŋoi atipei ka ŋina elal amina, ŋina nyiryaŋiryaŋa, ido ibu iyoŋ nyiŋer ikes.

Isa. 3:12

Ŋidwe ikes isicanito ŋituŋa kaŋ ka ŋaberu ikes ipukato. Okoe ŋituŋa kaŋ ikitooliyosi iyes ŋikarikok kus, ikitoŋopikis ikes iyes ŋuna emaikina iyes kiwuapa.

Isa. 41:29

Mam ipei daŋ, erae ikes daadaŋ ŋikalyokonok; erae ŋiticisyo kec ŋikoŋinae; erae ŋitorubei kec ekuwuam koŋin.”

Isa. 57:14

Iiraryo ŋituŋa ebasi, “Todukokisi, todukokisi, kitemonokisi erot, tolemasi ibore daadaŋ ŋini epedori akiretakin ŋituŋa kaŋ alorot kec.”

Isa. 62:10

“Tolomasi alopukei, tosubakisi erot aŋuna a ŋituŋa kus, kitemokisi, kitemokisi erukude, tolemasi ŋamoru a nen, kikyaasi abendera kiŋolikis ŋituŋa a ŋakwapin.

Isa. 65:7

esicani ayoŋ ikes kaapei aŋuna a ŋasecisya kec ka aŋuna a ŋasecisya atapapaa kec, anerae apotu ikes inakis ekinyate alokidiama ŋimoru ka ekeyanya ayoŋ alokidiama ŋikamukumukui. Esicani ayoŋ ikes lotyae ŋolo itemokino aŋuna a ŋiticisyo kec.”

Isa. 9:16

anerae apotu ŋulu sek epukato ŋituŋa lu kitooliyosi ikes ka apotu ŋituŋa ŋulu epukatae ikes nyeyenut ŋuna emaikina kitiyata.

Yer. 1:16

Tosodi, alimuni nai ayoŋ ŋakiro kaŋ ŋuna atubokinitor ikes aŋuna a ŋaronisya kec a daadaŋ a ŋuna akaŋerioto ikes ayoŋ; ainanakis ikes ŋainakineta kec neni a ŋakujo a ŋace ka elipa neni a ŋiboro a ŋulu etiyaunete ikes a ŋakan kec.

Yer. 10:15

Erae ŋitorubei ŋul ŋicaryo, erae ŋulu itiyaunitae aŋuna ka ajamuwaro; apaki ŋina isicanere ikes, eŋopiyarete ikes.

Yer. 11:12

Elosete nai ŋituŋa ŋulu iboiyete alotaunio a Yudaya ka ŋulu iboiyete alo Yerusalem neni a ŋakujo a ŋuna einanarete ikes ŋainanakineta, nai nyeiunete ŋakujo ŋun ikes apaki ŋina eyakatar ikes locan,

Yer. 11:13

okoe ŋituŋa a Yudaya ariyanikin ekimar a ŋakujo kus ka ekimar a ŋitaunio kus ka ariyanikin ekimar a ŋamuroeta a ŋuna iduko iyes ka ŋirotin a Yerusalem. Erae ŋamuroeta ŋun ŋuna iinanakiniata iyes ŋainakineta neni a Baal.

Yer. 11:17

Atubu Ekapolon ŋolo a ŋajoresyo akisicanio kus aŋuna a ŋakiro a ŋuna aronok aŋuna etiyata ŋituŋa a Isirael ka ŋituŋa a Yudaya, apotu ikes eketoŋoa ayoŋ aŋuna ainanakiniata ŋainanakineta neni a Baal.”

Yer. 13:25

Erae ŋun ŋakiro ŋuna itiyakin neni kus anerae ekemuryak ayoŋ iyes, ido igyenokinosi amodiyo.

Yer. 16:19

Okoe Ekapolon, agogoŋu kaŋ ka aduketait kaŋ ŋina ajio alotooma, neni aŋopya ayoŋ akoloŋit ŋina a ŋican. Epote neni kon ŋituŋa a ŋakwapin anakisaleta a akwap. Elimunete ebe, “Mam ibore aryamut atapapaa kosi, nai amodiyo bon, aryamut ikes ŋiboro ŋulucaryo ŋulu emam akiŋarakinet iryamunia.

Yer. 17:13

Okoe Ekapolon! okoe akigeno a Isirael! Irumete ŋileec daadaŋ ŋulu ikiŋerito iyoŋ; imarakinio daadaŋ ŋulu ikiŋerete iyoŋ nakibois ŋina a ŋikatwak, anerae aŋero ikes eitanit a ŋakipi a ŋuna ka akiyar, iŋes Ekapolon.”

Yer. 18:14

Edaunun mono ŋakako a Lebanon anatabab a ŋuna etiyaunere a? Ejoŋoeneneete mono ŋakipi ŋuna alilimok ŋuna eponito aneni alwanan alel a?

Yer. 19:5

arubakis daŋ edukete ŋakiboisyo ŋuna aoyak aŋuna a Baal, apeyo anakim ŋidwe kec ikwapei ŋainakineta ŋuna epeyo aŋuna a Baal, ŋakiro ŋuna nyicika, kori nyetubuno ayoŋ atemar kitiyae ka nyetamuna ayoŋ ŋakiro kaŋ tari ŋina erae atamun.

Yer. 2:13

“Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yer. 2:32

Epedori mono apese akisimuryakin ŋinapen keŋ ŋulu esiritor iŋes akuwan keŋ a? Kori epedori mono ateran akisimuryakin ŋilowi keŋ a? Nai emuryakin ayoŋ aneni a ŋituŋa kaŋ ŋirwa ŋulu nyimarun.

Yer. 3:21

“Epupio etoil ŋolo ebunit alokidiama ŋikamukumukui ŋulu aororut, epupio akigworo ka adyekitoi a ŋituŋa a Isirael, anerae enyasut ikes epite ŋolo eboiyoto, emuryak ikes Ekapolon Akuj kec.

Yer. 44:25

Alimu Ekapolon ŋolo a ŋajoresyo, Akuj a Ŋisirael atemar, Itiyata iyes kaapei ka ŋaberu kus ŋakiro ŋuna ipotu iyes kiikis ibasi, ‘Ikimukekini isua akitiya ŋakiro ŋuna aponi kikoŋoi, ŋakikoŋieta ŋuna ka ainanakin ŋainakineta neni ka arwosit a ŋina anakuj ka ainanakin iŋes ŋainakineta a ŋimaten.’ Toŋirikisi akitiya ŋun, kiwuapa ŋuna idaut iyes akikoŋ ka inanakisi ŋainakineta ŋuna a ŋimaten.

Yer. 51:18

ecaryooko ikes, erae etic ŋolo ejamuwaritae, emunyaryo ikes apaki ŋina ka atubokino kec.

Yer. 6:16

Alimu Ekapolon ŋakiro nu, “Towua anakiryamiryamet a ŋirotin, ido kiŋolikis, kiŋita neni eya ŋirotin ŋuluŋorok, neni eyai erot ŋolo ajokan, ido tomekisi iŋes, iryamunete akieŋun ŋina a ŋitai kus ŋina a ajokan. Nai apotu ŋituŋa temasi, ‘Nyikimekini isua erot ŋol.’

Yer. 7:9

Irubakinete mono iyes ikokoyete, ilomete, ikoŋete alyokonu, iyaanarete ŋainakineta neni a Baal ka iwuapito ŋakiro a ŋakujo a ŋuna sek pa iyenete iyes,

Esek. 21:15

Aŋun, elilimiyorete ŋitai a ŋituŋa kaŋ, ido emini ajamao neni a ŋulu alalak, ewuak ayoŋ ŋikaarak ikes lopukei kec daadaŋ. Ipareosi ŋileŋia kec a nen ikote akimilyaunet, etenito aŋuna ka akiar.

Esek. 36:15

Nyiirarete nabo iyes ŋiyany ŋulu ikiyanyata iyes ŋituŋa a ŋakwapin ka nyiryamunete nabo iyes ŋican ŋulu ikijamuwaritotor iyes ŋituŋa a ŋakwapin, kori nyimyekinete iyes akwap kus emunaaryo.’ ”

Osea 11:2

Ŋinapaki daadaŋ ŋina anyaraa ayoŋ Isirael apotu ikes kiyatakis akiŋer ayoŋ. Apotu ikes inanakis ŋamuronisya neni ata Baal ka ecunyete ekinyate neni a ŋakujo.

Osea 2:13

Esicani ayoŋ iŋes aŋuna a ŋarwa a ŋuna etiyaa ŋasuban neni ata Baal, ŋirwa ŋulu ainanakinia iŋes ekinyate neni ata Baal, tosirite akuwan keŋ a ŋikadoŋidoŋ ka ŋinapen ŋulu epol egyelit, ido tolosenenee neni a ŋikilyok a ŋulu amina iŋes, tosodi ekemuryak ayoŋ.

Osea 2:6

Aŋun, awakini ayoŋ awas ŋina a ŋikukwa neni itorenene iŋes; adukokini ayoŋ arwatata ŋina ewauni iŋes, ikotere todaun iŋes neni itori.

Mal. 2:8

Nai imyekis iyes ŋuna emaikina kitatama, ido anakitatam kus, irikokis ŋikalalak akitiya aronis. Iŋero iyes Acamunet ŋina abu ayoŋ ocamunotor ka Lepi.

Mat. 15:6

nyitemokino iŋes ainakin papa keŋ ibore ŋin. Iŋes nai atemar ijamakis iyes akirot ka Akuj aŋuna a ŋitalyo kus.

Ŋirom. 14:21

Ŋuna itemokino akitiya ikes ŋuna ka akimyekin akinyam akiriŋ kori akimat ŋagwe kori akitiya ŋinibore daadaŋ ŋini isigukini lokaato kon ananupit keŋ.

Ŋikis. 32:21

Apotu ikes eketililikis ayoŋ ibore ŋini nyerae akuj, eketoŋoa ayoŋ a ŋitorubei kec a ŋulu a ŋakujo. Aŋun, ainakini ayoŋ ikes tolilikis ibore ŋini nyerae ituŋanan, kitoŋoa ŋituŋa ŋulu abaŋaaka ikes.