Yer. 18:11 - Ebaibul

¹¹ Aŋun tokona, tolimok ŋituŋa a Yudaya ka ŋulu iboiyete alo Yerusalem ebe, ‘Alimu Ekapolon atemar, kiirasi, ikikwaan ayoŋ ka ekayan ŋamoti, aye ayoŋ akisicanet aŋuna kus ka etemonokini ŋuna ekemania iyes. Tokona kilocokisi iyes daadaŋ ŋipitesyo kus ŋulu aronok ka kitojokutu ŋipitesyo kus ka ŋiticisyo kus.’ ”

Yer. 18:11 Iomraidhean Croise

Akisy. 11:7

Potu oloto kwap, enyala aŋajep kec, ikotere tojoŋoto apupo make.”

1 Ŋirw. 22:23

Toŋetak Mikaia ŋakiro keŋ ebala, “Erae ŋakiro nu ŋuna atakanut, adau Ekapolon akituruwor ŋikadwarak kon ŋulu irworosi alyokonu neni kon. Nai alimu Ekapolon elope atemar iryamuni iyoŋ ŋican.”

2 Ŋirw. 17:13

Nai ecikit Ekapolon Isirael ka Yudaya alotooma erwor a ŋikadwarak keŋ a daadaŋ ka ŋikisileerekinok ebala, “Toesikisi ŋiticisyo kus ŋulu aronok. Kiwuapa ŋakiciketa kaŋ ka ŋikisila kaŋ, lopite ŋolo ecamakinitor ekisil daadaŋ ŋolo ecikitor ayoŋ atapapaa kus kiwuapa, ido abu ekekobak iyes esitoru neni a ŋikadwarak a ŋulu erae ŋiketiyak kaŋ.”

2 Ŋirw. 22:13

“Toloto toanyutu aneni ke Ekapolon ŋakiro ŋuna ekekamunito ayoŋ kaapei ka ŋituŋa ta akwap a Yudaya daadaŋ anakiro a ŋuna igirir lokitaabo lo ŋolo arukaun. Ikiŋoikinit nooi Ekapolon iwon, anerae apotu atapapaa yok towout akiwuap ŋakiro ŋuna a ekitaabo a lo; nyitiya ikes lopite ŋolo ecamuna ka ŋuna daadaŋ igiritae tooma ne ŋuna ikitapito iwon.”

2 Ŋirw. 5:5

Tolimok erwosit Naaman tema, “Ape, akainakini ayoŋ iyoŋ abaruwa ŋina egirakini ayoŋ erwosit a Isirael.” Tolot Naaman, ya ŋitalantae ŋitomon ŋulu arae ŋisilipae ka ŋicekelya ŋalipyo ŋakanikapei, ŋulu arae egolid ta ŋilowi ŋarekia ŋatomon.

Isa. 5:5

Tokona, akalimokini ayoŋ iyes ŋuna alosi ayoŋ akitiya neni a emanikor kaŋ a ŋolo a ŋikito a epiini. Alemari ayoŋ ŋikito ŋulu ewuatere iŋes, ido tomunaarae iŋes, aritaari ayoŋ arwatata ŋina ewuatere iŋes, ido kipudaarae iŋes.

Isa. 57:1

Ani etwakete ŋituŋa ŋulu iyookino, emam ituŋanan emisit atamatam alotau keŋ. Ani earyo ŋituŋa ŋulu enupito nooi, emam ituŋanan eyeni ŋakiro ŋuna aarere ikes. Elemanaryo ŋituŋa ŋulu iyookino, anerae nyecamitae ikes toryamut ŋican,

Yer. 11:11

Aŋun, kire jik abuni ayoŋ ayaun ŋican neni kec ka nyesiyete ikes alocan a ŋul, tari kekekaloikis ikes ayoŋ, nyapupokini ayoŋ ikes.

Yer. 11:19

Nai ikikwaan ayoŋ ka ikale ŋinimesek ŋini epatana erikoryo akiŋol. Pa ayeni ayoŋ atemar ekemanitae ayoŋ, pa ayeni ayoŋ atemar ayeete ikes ŋakiro kec ebasi, ‘Omunaasi ekitoe ka ŋaraito keŋ, olemasi iŋes anakwap a ŋituŋa a ŋulu eyarete, ikotere tojoŋoi atamunit ekiro keŋ.’

Yer. 18:18

Apotu nai ikes temasi, “Potu, oyeutu ŋarurumae emana Yeremia, anerae nyedaunun ŋakitatameta aneni a esacaradoti, kori ŋakiro ŋuna ajokak aneni a ŋikaosok, kori akirot aneni a ekadwaran. Potu esitakisi iŋes a ŋakiro a ŋadi, nyikiwuap ŋakiro keŋ ŋadi daŋ.”

Yer. 19:15

“Alimu Ekapolon ŋolo a ŋajoresyo Akuj ŋina a Ŋisirael ebe, ‘Ayauni tokona ayoŋ lotaun lo ka lotaunio a Yudaya daadaŋ ŋican daadaŋ ŋulu adau ayoŋ alimun aremokino ikes, anerae etogogoŋo ŋituŋa kec ŋakyes, awout akiirar ŋakiro kaŋ.’”

Yer. 19:3

Tolimok ŋituŋa ebe, “Okoe ŋirwosi a Yudaya ka ŋituŋa ŋulu iboiyete alo Yerusalem, kiirasi ŋakiro a Ekapolon, irworo Ekapolon ŋolo a ŋajoresyo Akuj a Ŋisirael atemar ayauni ayoŋ nakibois na ŋican ŋulu ani iirari ituŋanan toryaŋakin kijik ŋaki,

Yer. 25:2

abu Yeremia ekadwaran tolimok ŋakiro ŋun ŋituŋa a Yudaya daadaŋ ka ŋituŋa daadaŋ ŋulu eboiyete alo Yerusalem.

Yer. 25:5

apaki ŋina ikilimokiniata ŋikadwarak iyes ebe, “Kilocokisi ŋipitesyo kus ŋulu aronok tokona, iyes ŋituŋa daadaŋ, kimyekisi akitiya ŋuna aronok, ido ipote iyes akiboi jik anakwap a ŋina abu Ekapolon ikiinak iyes ka neni atapapaa kus ŋinapei koloŋ sek tari ŋikaru ka ŋikaru,

Yer. 26:13

Aŋun tokona, kilocokisi ŋipitesyo kus ka ŋiticisyo kus, ido kiwuapa ŋakiro ŋuna irworo Ekapolon Akuj kus, tosodi ebuni Ekapolon akilocokin ŋatameta keŋ, nyeyau neni kus akisicanet ŋina adau iŋes alimun aŋuna kus.

Yer. 26:3

Acepaki iirarete ikes daadaŋ ŋakiro ŋuna ilimuni iyoŋ, ido toesikis akiwuapit ŋuna aronok, ikotere elocok ayoŋ ŋatameta kaŋ, nyayau neni kec akisicanet ŋina acamit ayoŋ akisicania ikes aŋuna a ŋiticisyo kec a ŋulu aronok.

Yer. 3:1

Ŋakiro ŋuna irworo Ekapolon ikes nu, “Ani kelak ekile aberu keŋ, ido tolot aberu ŋin aneni keŋ toruwor aberu a ekile a ece eboŋori mono iŋes neni a aberu a ŋin a? Nyeruwor mono ŋun ŋuna emunaarete akwap ŋin a? Itiyata iyes amalao ka ŋulu iminatar ŋulu alalak; ipedorete nai iyes aboŋun neni kaŋ a?

Yer. 3:22

Toboŋutu iyes ŋituŋa ŋulu emam akikinyoma, eketojokuni ayoŋ iyes anakiro aŋuna iponiata ikiŋeryoto ayoŋ. “Irworosi iyes ibasi, ‘Isua lu ikiboŋu neni kon, anerae irae iyoŋ Ekapolon Akuj kosi.

Yer. 35:15

Adau ayoŋ akiyakuun neni kus ŋiketiyak kaŋ ŋikadwarak daadaŋ, arubakinit eyakuununui ikes neni kus abala, ‘Iyes daadaŋ kimyekisi ŋiticisyo kus ŋulu aronok, kilocokisi ŋiticisyo kus ŋulu aronok ka nyiwuapa ŋakujo ŋace, nyitiyanakis ikes, ikotere iboiyete anakwap a ŋina abu ayoŋ okoinak iyes ka atapapaa kus.’ Nai nyiirara iyes ŋakiro kaŋ ka nyiwuapa acamit kaŋ.

Yer. 36:3

Acepaki ani kiirasi ŋituŋa a Yudaya ŋakiro ŋuna a ŋican a ŋulu a acamit ayoŋ ainakin ikes, epedorete ikes akimyekin ŋipitesyo kec ŋulu aronok, ikotere ayoŋ esyoni ikes aŋuna ka aronis kec ka aŋuna ka asecit kec.”

Yer. 36:7

Acepaki edoli adyekitoi kec neni ke Ekapolon ka imyekinete ikes akiwuapit ŋuna aronok, anerae epol nooi aŋoit ke Ekapolon ka anyunyura keŋ ŋina alimu iŋes eremokino ŋul.”

Yer. 4:1

Irworo Ekapolon ebala, “Okoe ŋituŋa a Isirael, ani kiboŋut iyes neni kaŋ, ani kilemasi iyes asiilyo kus alokiŋaren kaŋ ka pa kikimyekis iyes nabo ayoŋ,

Yer. 4:14

Okoe ŋituŋa a Yerusalem, kitesegutu ŋitai kus, kitesegutu ikes anajoŋore akitiya aronis, ikotere iyes ikiunio. Tari ori imyekinito iyes ayere akitiya ŋuna aronok alotai kus?

Yer. 4:23

Abu ayoŋ eŋolik akwap, okoe, acaryoono, amam ibore ayai; abu eŋoliya kidiama, amam akica ayai.

Yer. 4:6

Tododasi abendera Sion toema, ikotere iunosi, nyididyoto, anerae ayaunit ayoŋ aronis alo Kuju ka akinyasuno ŋina alalan nooi.

Yer. 51:11

“Kipenasi ŋikaleŋeleŋe, tosubakisi ŋaupala kus! Etonyou Ekapolon ŋitai a ŋirwosi a Medes, anerae elosikinit iŋes akinyasun Babilon. Erae ŋin akinyaŋa ŋina ebunit aneni ke Ekapolon, akinyaŋ Akai ka Akuj.

Yer. 7:3

Alimu Ekapolon ŋolo a ŋajoresyo, Akuj ŋina a Isirael atemar kitojokutu ŋipitesyo kus ka ŋuna itiyaete iyes, ido kimyekinae ayoŋ oruko kaapei ka iyes anakibois a na.

Esek. 13:22

Aŋuna abunio alyokonu kus kiwuak ajamao lotuŋa ŋulu sek ajokak, tari daŋ pa esicanit ayoŋ ikes ka aŋuna iponiata iyes kisimukekis ŋulu aronok arubakin itiyaete aronis akilo aiun akiyar kec;

Esek. 18:23

Alimu Ekapolon Akuj ŋakiro nu atemar, alakara mono ayoŋ aŋuna ka atwanare a ituŋanan a ŋini itiyae aronis a? Mam, emaikina ayoŋ eŋolik iŋes ekii asecit keŋ, toyar.

Yona 3:8

Itemokino ŋituŋa tonapa ŋiguniyae ka toenikis ŋityaŋ daŋ, ido kimukekis akilip Akuj. Itemokino ŋinituŋanan toki aronis keŋ ka aryenyeo keŋ.

Mika 2:3

Aŋun, ebala Ekapolon ebe, “Aye ayoŋ ayaun ŋican lotuŋa ŋul; ido nyibucarosi iyes alocan a ŋul. Nyirubakinete iyes ilosete iturosi, anerae eruwor apaki ŋin ŋina aronon.

Sakar 1:3

Aŋun, tolimok ŋituŋa atemar ebala Ekapolon ŋolo Etiron ebe, ‘Toboŋutu neni kaŋ, ido aboŋuni ayoŋ daŋ neni kus.’

Ŋitic. 26:20

Nai abu esileereu nu, neni a ŋituŋa a daadaŋ akisyakin mono alo Damasko, tosodi nai alo Yerusalem ka akwap daadaŋ ŋina a Yudeya tari lobukui ŋulu nyerae Ŋiyudayan. Abu olimonok atemar itemokino ikes tokiwa ŋakecesecisya kibelekinos neni ka Akuj, kitiyata ŋuna itoodiunete atemar kekiwa ikes.

Yak. 4:13

Topupokisi tokona ŋakiro kaŋ, iyes ŋulu ibasi, “Nakoloŋit na kori moi taparacu, ikilosi lotaun ati, eboiyoto aina ekaru epei, ogeutu akigyel ka agyelanar, ikotere oryamutu ŋisiliŋa ŋulu alalak.”

Yak. 5:1

Topupokisi tokona ŋakiro kaŋ, iyes ŋikabarak! Kigworo ka kiwololoto aŋuna a ŋican a ŋulu eponito neni kus!