Yer. 18:10 - Ebaibul

¹⁰ nai kitiyata ikes ŋuna aronok alokiŋaren kaŋ, nyiwuapa ŋakiro kaŋ, ŋun nai atamya nabo ayoŋ erae kacamit akitiya ŋuna ajokak ŋuna sek acamunit ayoŋ akitiyakin.

Yer. 18:10 Iomraidhean Croise

Ŋikiru. 125:5

Nai kisican iyoŋ ŋulu aronok, kisican daŋ ŋulu emyekis akiwuapit ŋuna ibala iyoŋ. Toyai ekisil Isirael.

Esek. 18:24

Nai ani kimyek ŋini iyookino akitiya ŋuna ka akiyookino, kitiya aronis ka asiilyo ŋinapei itiyaete ŋulu aronok, epedori nai kire iŋes akiyar a? Mam apei daŋ alotooma ŋakiro ŋuna ka akiyookino ŋuna etiyat iŋes ŋuna iteyarere iŋes. Eruwor ituŋanan ŋin ŋini iilit aŋuna adaunor anupit aneni keŋ, ido aŋuna ka asecit aŋina etiya iŋes, emaikina iŋes totwan.

Esek. 33:12

Aŋun nai lokoku a ituŋanan, tolimok ŋituŋa kon atemar nyeiuni akiyookino ŋulu iyookino erae kebila ikes ŋikisila ka nyemunaari aronis ŋulu itiyaete aronis erae keŋero ikes akitiya aronis. Nyeyarete ŋulu iyookino aŋuna ka akiyookino kec erae kitiyata asecit.

Esek. 33:18

Ani keŋero ŋulu iyookino akiyookino kec kitiyata asecit, etwakete ikes aŋuna ka asecit a ŋin.

Esek. 45:20

Emaikina iyes kitiya ŋunapei ŋun edoli ŋirwa a elap ŋikanikaarei aŋuna a ituŋanan a daadaŋ a ŋini eseci pa iredakinit, kori pa sek eyeni; emaikina iyes tomookut Akai ka Akuj.

Sepan. 1:6

Amunyari ayoŋ ŋulu aŋero akiwuapit Ekapolon, ŋulu nyiwarito Ekapolon, kori nyiŋitasi iŋes ibore idio.”

Ekim. 14:22

mam ituŋanan alotooma ŋituŋa ŋulu eŋolikis akica kaŋ ka ŋakitoodyanakineta ŋuna abu ayoŋ etiya alo Ijipit ka analoŋisat, ido eketemo ayoŋ ŋakitemyeta ŋatomon ka ŋini nyiwuapa ŋakiro kaŋ,

Ekim. 14:23

ŋini iŋolikini akwap ŋina abu ayoŋ eik ainakin atapapaa kec, mam ipei daŋ alokidiŋ ŋulu apotu okojamuwasi ayoŋ ŋini epedori akiŋolikin akwap ŋin.

Ekim. 14:34

Iryamunete iyes akisicanio aŋuna ka aronis kus ŋikaru ŋatomoniomwon, isikwaaniyaritae ka ŋirwa ŋatomoniomwon ŋulu ipotu iyes yaasi irebete akwap ŋin; epeikaru aŋuna ka akoloŋit ka apei. Iyenunete iyes atemar nyalakara ayoŋ aŋuna kus.’

1 Sam. 13:13

Tema nai Samuel neni a Saul, “Itiya iyoŋ ŋakiro ŋuna ka abaŋao; nyiwuapa iyoŋ ŋakiciketa ŋuna ke Ekapolon ka Akuj kon, ŋuna abu iŋes ikicikak iyoŋ akiwuap, kerae kitiyate iyoŋ ŋun, kesipokinit Ekapolon apukan kon kipuka Ŋisirael ŋikaru ka ŋikaru.

1 Sam. 15:11

“Akakadakis ayoŋ ŋakiro ŋuna abunio eturuworya Saul erwosit, anerae akaŋer iŋes ayoŋ ka nyiwuapa iŋes ŋuna ecikit ayoŋ iŋes.” Toŋo Samuel nooi, kigwor neni ke Ekapolon akuwar kia.

1 Sam. 15:35

Ameun akoloŋit ŋin, nyiŋolikina nabo Samuel Saul, mati akoloŋit ŋina atwania Samuel, nai abu Samuel kigwor aŋuna a Saul. Abu Ekapolon toanyu atemar arae adyakaret keŋ akituruwor Saul erwosit a Isirael.

1 Sam. 2:30

Aŋun, alimu Ekapolon Akuj a Ŋisirael ebe, ‘Abu ayoŋ eik atemar eketiyanakinete ayoŋ ŋituŋa a ekal kon ka ŋulu a ekal a papaa kon erae ŋisacaradotin ŋikaru ka ŋikaru.’ Nai tokona, alimu Ekapolon ebe, ‘Acakus ŋun! Etopoloori ayoŋ ikes ŋulu eketopoloorito ayoŋ, nai ikes ŋulu akajamuwarito ayoŋ, ituruworyo ŋicaryo.’