Yer. 17:9 - Ebaibul

⁹ “Emodiyana etau akilo ŋiboro daadaŋ, nyepatana akitojokun, ŋae epedori ayenun iŋes?

Yer. 17:9 Iomraidhean Croise

Akisy. 6:5

Kiŋolik Ekapolon aronis a ŋituŋa kelalaar anakwap, ka daadaŋ ŋuna atamete ŋituŋa apaki daadaŋ, arae aronis bon.

Akisy. 8:21

Tojoik nooi Akuj eure a ŋainakineta a ŋun, tema alotau keŋ, “Mam nabo nyeceni ayoŋ ŋalup aŋuna a ituŋanan, anerae etami ituŋanan aronis ŋinapei eriŋa edit, kori mam nabo jik nyamunyari ayoŋ ibore daadaŋ ŋini eyari anakwap, lopite ŋolo abunio omunyarya paan.

2 Sam. 11:15

Ŋakiro egirit Daudi nabaruwa ikes nu ebe, “Kiyakiya Uria min kiŋaren neni ededeŋia ekiryam alojie, ani elosi iŋes nen, kikutukutoosi iyes kimyekis iŋes bon, ikotere eremyo toarae.”

Ŋikiru. 51:5

Kire jik, arae ayoŋ ikasecan ŋinapei anakidouno kaŋ, ikasecan ŋinapei akapotiunio ayoŋ toto kaŋ.

Ŋikiru. 64:7

Nai isicani Akuj ŋituŋa ŋul; eari ikes pa eyenete.

Ŋakit. 28:26

Ituŋanan ŋini ikinyomit apiiryanut a ŋatameta keŋ, erae ibaŋaanot; nai iŋes ŋini iwuapit ŋuna ka aosou keŋ, eruwor ŋini eiuna bon.

Ekal. 9:3

Eroko ŋakiro ŋun ŋuna etakanunete neni a ŋinituŋanan ŋun, ikwaan aronis kec ka aronis ŋina etakanunui neni a ŋinibore anakwap a na. Apaki daadaŋ ŋina iboiyoto ŋituŋa anakwap a na, ileleba aronis natameta kec ka imasimasit ikes, ido elemari atwanare ikes atipei pa eyenete.

Isa. 1:5

Kaanukiro iwaritotor ŋakibuŋaeta ŋace? Kaanukiro irubakinitotor irae ŋikaŋerok? Idyakasi iyes ŋakyes ka alilimiyosi ŋitai kus.

Isa. 1:6

Ameun anakejen kus anenidapal tari nakyes kus, mam neni ejok a nen, nai ileleba ŋawanan ka ŋajemei ŋuna eleleete ŋaakot; nyimadaritae ŋajemei ŋun, kori nyeenitae, kori nyiwasakinitae adiokimyet.

Isa. 6:10

Kitabaŋaan ŋituŋa ŋul, kitikiŋiman ikes ka kitumudukan ikes, ikotere ikes nyiŋolikis ka nyiirasi ka nyeyenut anatameta kec, ido toboŋut neni kaŋ akitaŋaleuno.”

Yer. 16:12

ka aŋuna itiyaata iyes erono nooi akilo atapapaa kus, anerae iyes lu, iyes daadaŋ lu, ŋinituŋanan kus iwuapit akisyanu a acamit kus a ŋina aronon, iwounito akiirar ŋakiro kaŋ!

Yer. 7:24

Nai apotu ikes nyiwuapa ŋakiro kaŋ kori nyikatakis apupokin, nai anakisyaanu a ŋina ka acamit akitiya aronis, apotu ikes kiwuapa ŋuna acamito akitiya, ido tomitakis akitiya ŋuna alunyarosi akilo ŋuna eponito.

Mat. 13:15

Anerae ileleba abaŋao lotuŋa ka agol ŋakeceki, nabo arap ikes ŋakonyen kec; kerae nyikote neni, keanyuwarito ŋakonyen kec ka kiirarito ŋaki kec, nabo keyenunito ŋitai kec, toboŋut neni kaŋ akitaŋaleuno.’

Mat. 15:19

anerae lotau elomununiata ŋakiro ŋuna aronok, ikwa: akiar, elomi, amalao, akoko, alyokonu ka akiyany.

Mar. 2:17

Ani iirari Yesu akiŋiset ŋin, tema, “Nyiitanito ŋituŋa ŋulu eŋaleete emuron, nai ŋulu edyakasi. Nyabunit ayoŋ anyarare ŋulu iyookino, nai ŋikasecak”.

Ŋirom. 1:21

Eyenete ikes Akuj, nai nyitopoloorito ikes iŋes ikwa Akuj, kori nyitalakarito. Nai aruworosi ŋatameta kec ŋakoŋinae ka elelebikin akiryonut nakyes kec ŋuna ebaŋaaka.

Ŋirom. 7:11

Abu asecit toryamu apaki keŋ, tosodi okomodik ayoŋ anakiciket a na; abu asecit kisitiya akiciket aŋuna ka aarya ayoŋ.

Ŋiep. 4:22

Aŋun, tolemasi ŋipitesyo ŋulu ke ekuwane kus a ŋoloŋorot a ŋolo paaran iyaryata iyes--ekuwane ŋolo ŋorot, ŋolo abu ikinyasu iyes alokibure keŋ a ŋolo ka amodiyo.

Ŋibur. 3:12

Ŋikaitotoi, tocoito nyeyakar idio alokidiŋ kus etau ŋolo aronon ŋolo nyenupit ŋakiro ka Akuj, ido tooliyo aneni ka Akuj a ŋina eyari.