Yer. 17:27 - Ebaibul

²⁷ Nai pa kipupokis iyes ŋakiro kaŋ, pa kitopoloosi akoloŋit ŋina a Sabato erae akoloŋit ŋina asegan ka pa kiwoko ibore idio akoloŋit ŋina a Sabato tolomuniata lopukei a Yerusalem, ecunyakini ayoŋ akim alopukei a Yerusalem, enomiyari akim ŋin ŋakais ŋuna ka apukan ŋuna eya Yerusalem ka nyituduŋeo akim ŋin.”

Yer. 17:27 Iomraidhean Croise

2 Ŋirw. 22:17

Aŋuna akaŋerioto ikes ayoŋ ka aŋuna ainanakiniata ŋainakineta neni a ŋakujo a ŋunace. adaut ikes akitoŋo ayoŋ nooi aloticisyo a daadaŋ a ŋulu itiyaete ikes. Aŋun, eyatakin aŋoit kaŋ nooi aŋuna a ŋituŋa a akibois a na, ido nyedaun aŋoit kaŋ jik.’

2 Ŋirw. 25:9

Kicunyak Nebusaradan Akai ka Akuj ka akai ŋina a erwosit ta ŋakais daadaŋ ŋuna aya Yerusalem. Kicunyak iŋes ŋakais daadaŋ ŋuna a ŋikapolok.

2 Ŋakiro a ŋirwa 36:19

Apotu Ŋibabiloniyae kicunya Akai ka Akuj, toritakis arwatata a Yerusalem kwap ka kicunyasi ŋakais ŋuna ka apukan daadaŋ ka tomunaasi ŋiboro ŋulu apol egyelit daadaŋ alo Yerusalem.

Ŋikiru. 122:7

Ikilipi toyakaun ekisil neni a ŋulu eya tooma ŋarwatatain kon ikilipi toyakaun ekisil nakiboisyo kon ŋuna ka apukan.”

Isa. 1:20

nai ani kiwout ka kiŋero, ikirikaryo iyes a ekileŋ;” anerae adau Ekapolon alimun ŋakiro ŋun.

Isa. 1:31

Ikwaanikinosi ŋikagogoŋok ka ŋanya ŋuna aonok, enepunete ŋiticisyo kec ikwa ekatyenyityenyit, icunyaryo ikes kaapei ka ŋiticisyo kec ŋulu aronok; emamukaun ŋini itojoŋoe ikes akinom.’ ”

Yer. 17:24

“Nai ani kiirasi iyes ŋakiro kaŋ, nyiwokut idiobore kitorunioto lopukei a etaun a lo akoloŋit ŋina a Sabato, nai kitopoloosi akoloŋit ŋina a Sabato erae akoloŋit ŋina asegan, ido nyitiyata etic edio akoloŋit ŋin,

Yer. 17:4

Aŋuna a ŋiticisyo kus, itwaniyarete iyes akwap kus ŋina abu ayoŋ okoinak iyes toruwor ŋina kus, ekemyekini ayoŋ iyes kitiyanakis ŋimoe kus anakwap a ŋina nyiyenete iyes, anerae ekwaanikin aŋoit ka akim, ido enepi ŋikaru ka ŋikaru.

Yer. 18:1

Erae nu ŋakiro ŋuna abu Ekapolon kirwor neni a Yeremia tema,

Yer. 21:12

Okoe ŋituŋa a ekal a Daudi; alimu Ekapolon ebe, ‘Kitiyata ŋuna iyookino a ŋinataparacu, toiutu ŋulu edemaritae ŋiboro kec, toiutu ikes anapedor a ŋulu isicanete ikes; ani pa kitiyata iyes ŋun, erirauni anyunyura kaŋ ikwa akim, ido ikinomiya, emam ituŋanan ŋini ituduŋe aŋoit kaŋ aŋuna a ŋiticisyo kus a ŋulu aronok.’ ”

Yer. 21:14

Ekesicani ayoŋ iyes erono lopite ŋolo eroketa ŋiticisyo kus, enokakini ayoŋ akim namon kus ka enomiari ibore daadaŋ ŋini eyai diyete kus.”

Yer. 22:5

Nai ani pa kiwuapa iyes ŋakiro ŋun, ekoŋi ayoŋ Ekapolon atemar eruwor Akai na ereŋorot.”

Yer. 32:29

Epote Ŋibabiloniyae ŋulu itijiete ŋituŋa a etaun a lo, inokakinete akim kicunyakis etaun, icunyarete ikes ŋakais ŋuna ainanakinere alokidiama kec ŋainanakineta neni a Baal ka ainanakinere ŋainakineta a ŋimaten neni a ŋakujo a ŋunace, ŋakiro ŋuna apotu eketoŋoa ayoŋ.

Yer. 39:8

Apotu Ŋibabiloniyae kicunyasi akai a erwosit ka ŋakais a ŋituŋa, ido toritakis ŋarwatatain a Yerusalem.

Yer. 44:16

“Nyikicamuni isua akiirar ŋakiro ŋuna idau iyoŋ alimokin isua alokiro ke Ekapolon.

Yer. 49:27

Enokakini ayoŋ akim narwatata a Damasko, enomiyari akim ŋin ŋaduketa a Ben-Adad ŋunajiet.”

Yer. 52:13

Kicunyak Nebusaradan Akai ka Akuj ka akai a erwosit ta ŋakais daadaŋ ŋuna aya Yerusalem. Kicunyak iŋes ŋakais daadaŋ ŋuna a ŋikapolok.

Yer. 6:17

Abu daŋ ayoŋ oseu aŋuna kus ŋiketeok akwap okolimok iyes ebe, ‘Totenito akiirar eruye amomwara a emesek!’ Nai apotu ŋituŋa temasi, ‘Nyetenio isua.’

Yer. 7:20

Aŋun, alimu Ekapolon Akuj atemar, aŋoikini ka anyunyurikin ayoŋ ikes etiyakini ŋuna aronok neni a ŋituŋa ka ŋityaŋ, neni a ŋikito a ŋulu ke emanikor ka ŋaraito ŋuna ka akwap, enokuni aŋoit kaŋ ikwa akim ka mam ituŋanan epedori akituduŋere.

Aum. 2:6

Abwaŋabwaŋaa Akai keŋ neni sek ilipere iŋes, eela lopite ŋolo ielarya ituŋanan akai ŋina edukit lomanikor, amunaiya iŋes Akai ŋina ilipere iŋes; alema Ekapolon alo Sion ŋasuban ŋuna sek inumunumyo ka ŋirwa ŋulu a Sabato; aŋer iŋes anaŋoit keŋ a ŋina a dedeŋan erwosit ka esacaradoti.

Aum. 4:11

Abu Ekapolon toŋo nooi, tonyunyur eryenyaana nooi; kinokak akim Sion ŋina abu tonyamuwa etaun tari neni isyakinitotor ŋaduketa.

Esek. 16:41

Icunyete ikes ŋakais kus, ikisicana iyes alokiŋaren ŋaberu ŋuna alalak. Eketojoŋoe ayoŋ iyes araakau ŋamalaae ka ainanakin ŋisiliŋa neni a ŋuluminan kus.

Esek. 21:15

Aŋun, elilimiyorete ŋitai a ŋituŋa kaŋ, ido emini ajamao neni a ŋulu alalak, ewuak ayoŋ ŋikaarak ikes lopukei kec daadaŋ. Ipareosi ŋileŋia kec a nen ikote akimilyaunet, etenito aŋuna ka akiar.

Esek. 21:3

tolimok akwap a Isirael atemar alimu Ekapolon ŋakiro nu ebe, ‘Ekemanit ayoŋ iyes, alemuni ayoŋ ekileŋ kaŋ anakuraro, oarya alokidiŋ kus ŋulu iyookino ka ŋulu aronok.

Esek. 22:8

Ijamuwasi iyes ŋiboro kaŋ ŋulu asegak ka nyeriŋa itamunito ŋirwa ŋulu a Sabato.

Esek. 23:38

Etiyata ikes tari ŋakiro nu neni kaŋ: Apotu apaki ŋinapei tomunaasi akibois kaŋ ŋina asegan ka apotu tojamuwasi akoloŋit kaŋ ŋina a Sabato.

Osea 8:14

Emuryak ŋituŋa a Isirael ekasubunan kec, adukokis ikes ŋakais a ŋapukasinei kec, alalata ŋitaunio a Yudaya ŋulu eyakatar ŋaduketa ŋunajiet, nai ecunyari ayoŋ a akim ŋitaunio ŋul daadaŋ, enomiyari akim ŋaduketa ŋunajiet ŋun.

Amos 1:10

Aŋun, emyekini ayoŋ akim tonom ŋarwatatain a Tiro, enomiyari akim ŋaduketa keŋ ŋunajiet.”

Amos 1:12

Aŋun, emyekini ayoŋ akim tonom etaun Teman, enomiyari akim ŋaduketa a Bosira ŋunajiet.”

Amos 1:14

Aŋun, emyekini ayoŋ akim tonom ŋarwatatain ŋuna ke etaun Raba, enomiyari akim ŋaduketa keŋ ŋunajiet; ido eyakaun ecelet akoloŋit ŋina ke ejie ka emwanuni ejie ka epuruuni apuwa esibit ŋina a ekuwuam a ŋolo ekusi nooi,

Amos 1:4

Aŋun, emyekini ayoŋ akim tonom ekal ka Asael, enomiyari akim ŋaduketa ŋuna ka Ben-Adad ŋunajiet.

Amos 1:7

Aŋun, emyekini ayoŋ akim tonom ŋarwatatain a Gasa, enomiyari akim ŋaduketa keŋ ŋunajiet.

Amos 2:2

Aŋun, emyekini ayoŋ akim tonom Moab, enomiyari akim ŋaduketa a etaun Kerios ŋunajiet, etwakete ŋituŋa a Moab ŋulu alalak apaki ŋina eyakaunor aruruma, ecelet ka eruye a abureryaŋ a emesek.

Ŋikis. 32:22

Enokuni aŋoit kaŋ esibit akim, todol aŋoit kaŋ tari nakibois a ŋikatwak, emwana esibit akim emunyari aŋoit kaŋ akwap ka ibore daadaŋ ŋini eyai nakwap edoli aŋoit kaŋ tari nakisyakinet a ŋimoru.

Ŋibur. 12:25

Tocoito iŋerete akiirar ŋakiro a ŋolo irworo. Ani nai pa kebucara Ŋisirael anatubokino apaki ŋina aŋeryoto ŋakiro a ŋolo eciki ikes anakwap, ikibucar nai iwon ikwaani, erae kikiŋer iŋes ŋolo ikiciki iwon anakuj?