Yer. 17:25 - Ebaibul

²⁵ iŋes nai elomuniata alopukei a etaun a lo ŋirwosi ŋulu icoloŋete ekicoloŋ ŋolo ka apukan a Daudi, edokito ŋagaari ŋuna iritae a ŋaŋolei ka edokito ŋaŋolei, ikes kaapei ka ŋikapolok ŋulu ipukatotor ikes, ŋituŋa a Yudaya ka ŋituŋa ŋulu iboiyete alo Yerusalem. Iboikinosi nai ŋituŋa lotaun lo ŋikaru ka ŋikaru.

Yer. 17:25 Iomraidhean Croise

2 Sam. 7:16

Eturubakini ayoŋ ŋituŋa a ekal kon erae ŋirwosi ŋikaru ka ŋikaru ka apukan kon eyai ŋikaru ka ŋikaru, erubakinete ŋituŋa kon erae ŋirwosi ŋikaru ka ŋikaru.’ ”

2 Sam. 8:4

Abu Daudi kikama aneni ka Adadeser ŋikilyok aliput ka ŋamiae ŋakanikaarei ŋulu adokito ŋaŋolei ka ŋulu alosete a ŋakejen ŋalipyo ŋatomoniarei. Kiŋwal Daudi ŋaŋolei kec ŋuna erito ŋagaari, toŋedeŋede ŋamori a ŋakejen kec; kimyek ŋuna iriyarete ŋagaari amiat bon.

Awos. 12:14

“Emaikina iyes torubakis itamunito akoloŋit na, kitiyaete ŋasuban aŋuna ke Ekapolon akoloŋit na ananyameta kus a daadaŋ ka itamunito ŋasuban ŋun erae etal ŋoloruba jik.

Isa. 9:7

Erubakini apedor keŋ iyata jik, ido eyakaun ekisil ŋoloruba napukan keŋ, ilunyokin iŋes lokicoloŋ a Daudi kipuka, itogogoŋi iŋes apukan keŋ, anakitub ŋakiro eriyan ka anakiyookino ameun alorwa a lu tari ŋikaru ka ŋikaru elelakinit Ekapolon ŋolo a ŋajoresyo akitiyakin ŋun.

Yer. 13:13

Tosodi, ilimokini iyoŋ ikes ebe, ‘Eapi ayoŋ akitemerakin ŋituŋa a akwap ana, ikes ŋirwosi ŋulu ipukato ŋituŋa lopite ŋolo epukator Daudi, ŋisacaradotin, ŋikadwarak ka ŋituŋa daadaŋ ŋulu iboiyete alo Yerusalem.

Yer. 22:2

tolimu tema, ‘Kiira ŋakiro a Ekapolon okoe erwosit a Yudaya, iyoŋ ŋolo icoloŋit ekicoloŋ ŋolo ka apukan a Daudi, iyoŋ kaapei ka ŋiketiyak kon ka ŋituŋa kon ŋulu elomanarete alopukei a lu.’

Yer. 22:30

Alimu Ekapolon ebe, ‘Toyena ekile lo erae ituŋanan ŋini emam ŋidwe, ekile ŋolo nyepedori akisiyookin ŋadi anakiyar keŋ; anerae mam ikoku keŋ ebuni akipuka alokicoloŋ a Daudi kipuka nabo alo Yudaya.’ ”

Yer. 22:4

anerae kiwuapa kire iyes ŋakiro ŋun, elomunete alopukei a lu ŋirwosi ŋulu icoloŋete ekicoloŋ ŋolo ka apukan a Daudi, edokito ŋagaari ŋuna iritae a ŋaŋolei ka edokito ŋaŋolei kaapei ka ŋiketiyak kec ka ŋituŋa kec.

Yer. 25:5

apaki ŋina ikilimokiniata ŋikadwarak iyes ebe, “Kilocokisi ŋipitesyo kus ŋulu aronok tokona, iyes ŋituŋa daadaŋ, kimyekisi akitiya ŋuna aronok, ido ipote iyes akiboi jik anakwap a ŋina abu Ekapolon ikiinak iyes ka neni atapapaa kus ŋinapei koloŋ sek tari ŋikaru ka ŋikaru,

Yer. 33:15

Alorwa a ŋul ka anapaki a ŋin, etolomuni ayoŋ ateni ŋina iyookino aloletok a Daudi, itiyae iŋes anakwap ŋuna ecamunitae ka ŋuna iyookino.

Yer. 33:17

“Anerae alimu Ekapolon atemar nyicanakin Daudi ituŋanan ŋini ilunyokin lokicoloŋ keŋ kipuka ŋituŋa a Isirael,

Yer. 33:21

iŋes nai edaunor acamunet kaŋ ka eketiyan kaŋ Daudi, ikotere nai iŋes emamukaunor ikoku ŋinisapat ŋini ilunyokin lokicoloŋ keŋ kipuka, iŋes daŋ edaunor acamunet kaŋ ka ŋituŋa a Lepi ŋisacaradotin ŋulu itiyaete alokiŋaren kaŋ.

Yer. 7:3

Alimu Ekapolon ŋolo a ŋajoresyo, Akuj ŋina a Isirael atemar kitojokutu ŋipitesyo kus ka ŋuna itiyaete iyes, ido kimyekinae ayoŋ oruko kaapei ka iyes anakibois a na.

Yer. 7:7

ŋakiro ŋun nai abunio ayoŋ akiboi kaapei ka iyes anakibois a na, anakwap a ŋina abu ayoŋ koloŋ oinak neni atapapaa kus toruwor ŋina kec ŋikaru ka ŋikaru.

Ŋikis. 17:16

Kikote neni daŋ, nyemaikina iŋes toryamu aŋuna keŋ ŋaŋolei ŋuna alalak, kori kinyaka ŋituŋa Ijipit aŋuna ka aryamun ŋaŋolei ŋace, anerae ikilimok iyes Ekapolon ebe, “Nyiboyosi nabo inaa.”

Ŋibur. 12:22

Nai ipotu iyes lomoru ŋolo enyaritae Sion, lotaun ŋolo apolon ŋolo ka Akuj a ŋina eyari, Yerusalem ŋolo anakuj, ŋolo eya ŋimalaikan ŋulu alalak.

1 Sam. 8:11

Tema neni kec, “Eruwor lu ŋipitesyo a erwosit a ŋolo ikipukae iyes: Eai iŋes ŋidwe kus ŋulusapa kituruwo ikes ŋiketiyak nagaari keŋ ka ŋice ŋikametok ŋaŋolei keŋ. Eruwor ikes ŋikakerak alokiŋaren ŋagaari a erwosit.