Yer. 17:24 - Ebaibul

²⁴ “Nai ani kiirasi iyes ŋakiro kaŋ, nyiwokut idiobore kitorunioto lopukei a etaun a lo akoloŋit ŋina a Sabato, nai kitopoloosi akoloŋit ŋina a Sabato erae akoloŋit ŋina asegan, ido nyitiyata etic edio akoloŋit ŋin,

Yer. 17:24 Iomraidhean Croise

Awos. 15:26

tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Awos. 20:8

“Totamunito akoloŋit ŋina a Sabato, ido kituruworito iŋes ŋina asegan.

Isa. 21:7

Ani iŋolikini iŋes ŋulu eya nagaari ŋuna iritae a ŋaŋolei ka ŋikametok ŋaŋolei erukito a ŋiarerei ŋikametok ka ŋikametok ŋisigirya edokito ŋisigirya, kori ŋikametok ŋikaala edokito ŋikaala, emaikina iŋes topupok ka topupok ejok nooi.”

Isa. 55:2

Kaanukiro isitiyaere iyes ŋisiliŋa kus agyelya ibore ŋini nyerae akimuj? Kaanukiro icanicaniata iyes agogoŋu kus a etic a ŋolo nyiryamunia akimwonikina? Topupokinae ayoŋ ejok, ido kimuja akimuj ŋina ajokan ka tolakaros imujete akimuj ŋina etuman.

Esek. 20:20

Kiyokito akoloŋit ŋina a Sabato erae ŋina eseg, ikotere eruwor akitoodikinet ŋina ka acamunet kaŋ ka iyes. Ŋun nai iyenuniata iyes atemar arae ayoŋ Ekapolon Akuj kus.’

Sakar 6:15

Emaikina ŋituŋa ŋulu eya neni alwanan potu ikiŋarakis iyes akiduk Akai ke Ekapolon, neni iŋes iyenuniata iyes atemar Ekapolon ŋolo Etiron iŋes akeyakiunit ayoŋ neni kus. Itiyakin ŋakiro ŋun erae kiwuapa iyes imukekinito ŋakiro a Ekapolon Akuj kus.

Ŋikis. 11:13

Ani ca kiwuapa iyes ŋakiciketa keŋ ŋuna ekecik ayoŋ iyes nakoloŋit na akiwuap, ŋakiciketa ŋuna ka amina Ekapolon Akuj kus ka akitiyanakin iŋes a ŋitai kus a daadaŋ a akiyar kus a daadaŋ,

Ŋikis. 11:22

Ani kiwuapa iyes ejok ŋakiciketa ŋuna ekecik ayoŋ iyes nakoloŋit na akiwuap, ŋakiciketa ŋuna ka amina Ekapolon Akuj kus, kiwuapa ŋakiro keŋ ka kimiidikinos neni keŋ,