Yer. 17:23 - Ebaibul

²³ Nai apotu ikes nyiwuapa ŋakiro kaŋ, kori topupokis ŋuna erworo ayoŋ, apotu ikes kitogogoŋo ŋakyes kec, towout akiirar ka acamun ŋuna etatami ayoŋ ikes.’

Yer. 17:23 Iomraidhean Croise

Ŋikiru. 50:17

Toŋerito bo ŋakiro ŋuna abala ayoŋ kiwuapa, ido ikoŋete imanete ŋakan kaku iŋerito ŋakiro kaŋ.

Ŋakit. 1:3

Itatamete ŋakitadapeta nu ituŋanan akiboi erae ŋini aoson ka erae ŋini irworo ŋuna a kire, ŋini iyookino ka ŋini nyeroko ŋuna itiyae daadaŋ.

Ŋakit. 1:5

Emaikina ŋikaosok daŋ kiirasi ŋakiro nu, ido kiyatakis neni a ŋuna isisaete ikes, emaikina ŋulu epatana ayenun ŋuna ajokak ka ŋuna aronok toryamut anakiro a nu apiiryanut,

Ŋakit. 29:1

Ituŋanan ŋini erubakinit isyaana tari kelimokin atemar toesik akisyaanu, ewana akoloŋit apei todaun tari epite ŋolokitaŋaleunet.

Ŋakit. 5:12

Itemari iyoŋ, “Okoe, aŋerit ca paaran ayoŋ akiwuap ŋuna ajokak, ajamuwarit etau kaŋ akisirworiuno!

Ŋakit. 8:10

Toseutu acamun ŋakiro ŋuna eketatami ayoŋ iyes, akilo iyes aseun acamun esilipa, toseutu acamun aosou, akilo iyes aseun acamun egolid ŋolo eliitae.

Isa. 48:4

Aŋuna ayenia ayoŋ atemar irubakinito iyes isyaaka ka egogoŋ ŋakyes kus ka ilerito ŋireetin kus ikwa eburonis,

Yer. 11:10

Aboŋokis ikes akitiya ŋuna aronok lopite ŋolo etiyaata atapapaa kec alorwa a ŋulu a koloŋ, apotu atapapaa kec toŋero akiwuap ŋakiro kaŋ. Aloto ikes akitiyanakin ŋakujo ŋace. Aŋero ŋituŋa a Isirael ka ŋituŋa a Yudaya acamunet ŋina abu ayoŋ ocamunotor ka atapapaa kec.

Yer. 19:15

“Alimu Ekapolon ŋolo a ŋajoresyo Akuj ŋina a Ŋisirael ebe, ‘Ayauni tokona ayoŋ lotaun lo ka lotaunio a Yudaya daadaŋ ŋican daadaŋ ŋulu adau ayoŋ alimun aremokino ikes, anerae etogogoŋo ŋituŋa kec ŋakyes, awout akiirar ŋakiro kaŋ.’”

Yer. 32:33

Akamuleno ikes ayoŋ tari ŋina arubakinitor ayoŋ etatami ikes, nyiirara ikes ŋakiro kaŋ ka nyecamuna ŋuna etatami ayoŋ.

Yer. 35:15

Adau ayoŋ akiyakuun neni kus ŋiketiyak kaŋ ŋikadwarak daadaŋ, arubakinit eyakuununui ikes neni kus abala, ‘Iyes daadaŋ kimyekisi ŋiticisyo kus ŋulu aronok, kilocokisi ŋiticisyo kus ŋulu aronok ka nyiwuapa ŋakujo ŋace, nyitiyanakis ikes, ikotere iboiyete anakwap a ŋina abu ayoŋ okoinak iyes ka atapapaa kus.’ Nai nyiirara iyes ŋakiro kaŋ ka nyiwuapa acamit kaŋ.

Yer. 5:3

Okoe Ekapolon, meere mono ŋuna a kire ite iyoŋ a? Idau iyoŋ akisican ikes, nai eriŋa aryeba nyenomoro ikes; idau iyoŋ akitonomor ikes, nai aŋero ikes akiwuap ŋuna icamit iyoŋ. Etogogoŋ ikes ŋakyes kec lopite ŋolo egogoŋio ataaba; aŋero ikes aboŋun neni kon.

Yer. 6:8

Okoe ŋituŋa a Yerusalem, tocoikisi ŋuna itiyaete iyes, ani pa kilocokis iyes ŋipitesyo kus, ekemyekini ayoŋ iyes, eturuwo etaun kus aloŋisat neni emam ŋituŋa eya.

Yer. 7:28

Ilimokini iyoŋ ikes atemar, erae lu ŋituŋa ŋulu apotu nyiwuapa ŋakiro ŋuna alimunit Ekapolon Akuj kec, apotu daŋ toŋero akitatamun tojokyata, aŋopiyasi ŋakiro ŋuna a kire, mam ŋakiro ŋun anakituka kec.

Esek. 20:13

Nai apotu Ŋisirael analoŋisat toŋero akiwuap ŋakiro kaŋ; apotu nyiwuapa ŋakiro ŋuna abala ayoŋ ikes kiwuapa, apotu toŋero ŋikisila kaŋ ŋulu iteyarete ituŋanan erae kiwuap. Apotu ikes tojamuwasi nooi akoloŋit ŋina a Sabato “Aŋun, abu ayoŋ otamak atemar emaikina ayoŋ onyunyurikin ikes omunya analoŋisat.

Esek. 20:16

Aŋuna aponiata ikes toŋero akiwuap ŋuna abala ayoŋ ikes kiwuapa ka apotu nyiwuap ŋikisila kaŋ, ido apotu tojamuwasi akoloŋit kaŋ ŋina a Sabato, apotu ikes kikinyoma ŋakujo.

Esek. 20:21

Nai apotu ŋidwe ŋul toŋero akiwuap ayoŋ; apotu nyiwuap ŋikisila kaŋ ka apotu nyiwuap ecoikinito nooi ŋakiro ŋuna alimokinit ayoŋ ikes ŋuna iteyarete ituŋanan erae kiwuap. Apotu ikes tojamuwasi akoloŋit ŋina a Sabato. “Abu nai ayoŋ otamak atemar emaikina anyunyura kaŋ min neni kec, emaikina ayoŋ oŋoik ikes eman analoŋisat.

Sepan. 3:7

Abu ayoŋ olimok etaun ŋol atemar, Kire jik, ikikeri iyoŋ ayoŋ, icamuni ŋuna sek iŋerit; nyikimuryakinete iyoŋ ŋuna daadaŋ adau ayoŋ alimokin iyoŋ. Nai eriŋa iŋes elelyanikinit akitiya ŋuna aronok lopite ŋolopei sek etiya.”

Ŋitic. 7:51

“Eninik ŋatameta kus nooi! Ikote ŋitai kus ŋulu a ŋituŋa a ŋulu nyenupito Akuj! Nyicamunete iyes akiirar ŋakiro ŋuna ka Akuj! Ikote iyes atapapaa kus, itepegete iyes jwi jwi Etau ŋolo Asegan!

Ŋikat. 6:10

abu ayoŋ okolimok iyes otema, ‘Arae ayoŋ Ekapolon Akuj kus, nyiryediko kilipa neni a ŋakujo a Ŋiamori a ŋulu iboiyete iyes anakwap kec.’ Nai nyiwuapa iyes ŋakiro kaŋ.”