Yer. 17:18 - Ebaibul

¹⁸ Kimyek ŋikesicanak kaŋ kiruma ŋileec, nai nyikimyek ayoŋ ekeruma ŋileec. Kimyek ikes tokadak, nai nyikimyek ayoŋ okokadak, yau aŋuna kec akoloŋit ŋina ka akisicanio, tomunya ikes iryenyaana nooi.

Yer. 17:18 Iomraidhean Croise

Yob 16:14

Erubakinit Akuj eboŋonokini awanawana ayoŋ; ipumunun iŋes neni kaŋ lopite ŋolo ipumakinor ekajion ŋinice.

Ŋikiru. 35:4

Kimyek ŋulu iwarito akiar ayoŋ tojamuwarae ka kisurumae ŋileec; kimyek ikes ŋulu akatukotor ayoŋ kitoboŋoroe ibilerit.

Ŋikiru. 35:8

kimyek amunyaro bu neni kec pa eyenete. kimyek ŋaunoi ŋuna alokito ikes kiruma ikes pei, kimyek ikes tolomasi napanya kec pei tomunyaros make.

Ŋikiru. 40:14

Kimyek daadaŋ ŋulu iwarito alemar akiyar kaŋ kisurumae ŋileec ka ŋibiler; kimyek daadaŋ ŋulu elakara aŋuna a ŋican kaŋ kiritarae ekadakinit.

Ŋikiru. 70:2

Kimyek daadaŋ ŋulu iwarito alemar akiyar kaŋ kisurumae ŋileec ka ŋibiler. Kimyek daadaŋ ŋulu elakara aŋuna a ŋican kaŋ kiritae ekadakinit.

Ŋikiru. 71:1

Okoe Ekapolon, abunit ayoŋ neni kon aryamun aiuno; nyikimyek ayoŋ ekesurumyo ŋileec.

Yer. 1:17

Nai toten iyoŋ Yeremia, towo, tolimok ikes ŋakiro daadaŋ ŋuna ekeciki ayoŋ iyoŋ. Nyikuryaniar alokiŋaren kec, kikuryaniar iyoŋ, akainakini ayoŋ iyoŋ akuryanu alokiŋaren kec.

Yer. 11:20

Okoe iyoŋ Ekapolon ŋolo a ŋajoresyo iyoŋ ŋolo itubi ŋakiro ka akiyookino, ŋolo ikatanakini ŋitai ka ŋatameta a ŋituŋa, kisiŋolikinae ayoŋ akinyaŋaret kon neni a ŋituŋa a lu, anerae ewuak ayoŋ ŋakiro kaŋ daadaŋ napedor kon.

Yer. 12:3

Nai Okoe Ekapolon, ikiyeni iyoŋ ayoŋ. Ikite iyoŋ ayoŋ ka ikikatanakini, iyeni iyoŋ atemar akamina ayoŋ iyoŋ. Toriko ikes kiŋa lopite ŋolo erikorere ŋamesekin neni eŋolere, totyaka ikes aŋuna ka akoloŋit a ŋina earere ikes.

Yer. 14:17

Okolimok nai Ekapolon ayoŋ tema, “Tolimok ŋituŋa ŋul ŋakiro ŋuna iyaloloŋio iyoŋ nu: Elipi toleleta ŋakiyo anakonyen kaŋ apaaran ka akuwar, kerae nyajoŋo ayoŋ akigworo, anerae awani ŋituŋa kaŋ nooi, epol nooi awananu kec.

Yer. 16:18

Aboŋokini ayoŋ akisican ikes nabo aŋuna ka aronis kec ka aŋuna ka asecit kec, anerae apotu ikes kitoroniyasi akwap kaŋ a ŋalyalin, a ŋamuja, a ŋakujo kec a ŋuna nyeyarete, ido elelebikis nakwap kaŋ asiilyo.

Yer. 17:13

Okoe Ekapolon! okoe akigeno a Isirael! Irumete ŋileec daadaŋ ŋulu ikiŋerito iyoŋ; imarakinio daadaŋ ŋulu ikiŋerete iyoŋ nakibois ŋina a ŋikatwak, anerae aŋero ikes eitanit a ŋakipi a ŋuna ka akiyar, iŋes Ekapolon.”

Yer. 17:16

Nai nyimyekina ayoŋ araakau ekeyokon alotic kon, kori nyiitana ayoŋ aneni kon ainakin ayoŋ apaki ŋina ka akisicanio. Iyeni iyoŋ ŋakiro ŋuna abu ayoŋ olimu, eleereete ŋakiro kaŋ alokiŋaren kon.

Yer. 17:19

Ŋakiro nu ikes abu Ekapolon okolimok ayoŋ ebe, “Tolot towo alopuke a etaun, alopuke a ŋolo enyaritae Epuke ŋolo a ŋituŋa, alopuke a ŋolo elomanaryata ka elomununiata ŋirwosi a Yudaya, towo daŋ alopukei a Yerusalem a ŋuluce a daadaŋ,

Yer. 20:11

Nai ikirukit ayoŋ ka Ekapolon ikwapei ekajion ŋolo adedeŋan, aŋun, nyepedorete ŋulu ecamito akiar ayoŋ akitiya idiobore, nyeruwor ikes ŋikelounak. Isirumyo ikes ŋileec nooi, anerae nyilounete ikes, nyimuryakin ajamuwaro kec ŋina a ŋikaru ka ŋikaru.

Ŋikis. 33:11

Okoe Ekapolon, kiterereŋ apiiryanut kec ka tocamu ŋiticisyo kec, toreu ŋimoe kec daadaŋ, ikotere nyepotu nabo akitijiore ikes.

Akis. 18:6

Kitiyata neni keŋ lopite ŋolopei abunio iŋes kitiyaa neni kus. Totaca iŋes ŋatacet ŋaarei aŋuna ke etic a daadaŋ a ŋolo etiya iŋes. Kitemokisi epiini ŋolo adwaran lokopo keŋ ŋarwa ŋaarei ikwa epiini ŋolo abu iŋes kitemok aŋuna kus.