Yer. 17:14 - Ebaibul

¹⁴ Okoe Ekapolon, kitaŋaleunoe, ido aŋaleuni ayoŋ, toiunae ayoŋ, ido aiun ayoŋ; anerae irae iyoŋ akipuro kaŋ.

Yer. 17:14 Iomraidhean Croise

Ŋikiru. 106:47

Toiunae isua, okoe Ekapolon Akuj kosi, tocununae isua anakwapin, ikotere isua ikilakar aŋuna ke ekiro kon a ŋolo asegan, kitopolooroe akipuro iyoŋ.

Ŋikiru. 109:1

Okoe Akuj ŋina epuro ayoŋ, nyililiŋ kare ca,

Ŋikiru. 119:94

Toiunae ayoŋ, anerae arae ayoŋ ŋini kon; anerae ewar ayoŋ ayenun ŋakiciketa kon.

Ŋikiru. 12:4

ŋuna ebasi “Eiunoi isua a ŋakituka kosi, erae ŋakituka kosi ŋuna kosi a ŋilopeyek, ŋae erae ekapolon kosi?”

Ŋikiru. 148:14

Ainaki iŋes ŋituŋa keŋ agogoŋu, ikotere ŋituŋa ke Ekapolon daadaŋ ipurete iŋes. Ŋituŋa a Isirael ŋulu emina Ekapolon nooi. Kipuroe Ekapolon!

Ŋikiru. 54:1

Okoe Akuj, kiŋarakinae ayoŋ a apedor kon. toiunae ayoŋ a apedor kon.

Ŋikiru. 6:2

Okoe Ekapolon, kisyonitetei ayoŋ, anerae apalagag ayoŋ; okoe Ekapolon, kitaŋaleunoe ayoŋ, anerae emaranete ŋakoyo kaŋ, akaryebete nooi.

Ŋikiru. 6:3

Aryebakin etau kaŋ daŋ nooi. Tari ori okoe Ekapolon, tari ori edarit ayoŋ akitaŋaleuno?

Ŋikiru. 6:4

Okoe Ekapolon kiŋolikinae ayoŋ, ido itoiu ayoŋ; toiunae ayoŋ anamina kon a ŋina nyiryaŋiryaŋa, toiunae ayoŋ,

Ŋikiru. 60:5

Toiunae isua, anagogoŋu kon, kiŋarakinae isua, ikotere elakunio ŋulu imina iyoŋ.

Isa. 6:10

Kitabaŋaan ŋituŋa ŋul, kitikiŋiman ikes ka kitumudukan ikes, ikotere ikes nyiŋolikis ka nyiirasi ka nyeyenut anatameta kec, ido toboŋut neni kaŋ akitaŋaleuno.”

Yer. 15:20

Eketogogoŋi ayoŋ iyoŋ alokiŋaren ŋituŋa lu, lopite ŋolo egogoŋio arwatata ŋinajiet ŋina edukitoe a eburonis; ikitijiete ikes iyoŋ, nai nyikilounete ikes iyoŋ, anerae ikirukit ayoŋ ka iyoŋ aŋuna ka aiun ka alakun iyoŋ.

Yer. 3:23

Kire jik, erae akilip neni a ŋakujo alokidiama ŋikamukumukui acaryoit, erae ainakina nooi akilip neni a ŋakujo alokidiama ŋimoru acaryoit. Kire jik, erae neni a Ekapolon Akuj yok eyai aiuno a Ŋisirael.’

Yer. 30:17

Eketojokuni ayoŋ iyes nabo, ka etiiyori ayoŋ ŋajemei kus, anerae ikinyarata ŋimoe kus iyes ebe, ‘Erae ikes ŋulu ilamitae, ilamitae Sion, mam ituŋanan emisit iŋes.’ ”

Yer. 31:18

Kire adau ayoŋ akiirar adyekitoi a ŋituŋa a Epuraim ebasi, ‘Ibu iyoŋ ikida isua ka aponi isua tocamunae akida kon, ikikwaan isua ka itaok ŋini nyisisatae aenit. Kinyakunae isua, kimyekinae isua toboŋunoe, anerae irae iyoŋ Ekapolon Akuj kosi.

Yer. 33:6

Kikote neni daŋ, enyakakini ayoŋ ajokis ka a ŋaleu lotuŋa a etaun a lo, etojokuni ayoŋ ikes, esileerek ikes abaru ŋina alalan ka akiboi ejok.

Ekim. 12:13

Abu nai Moses kikaloik Ekapolon tema, “Okoe Akuj, kitoŋaleu kare ca iŋes.”

Mat. 14:30

Nai ani iŋolikini iŋes ekuwuam ekutunit, tobul, kisyak asipor, kiworou tema, “Ekapolon, toiunae!”

Mat. 8:25

Kiyotosi ŋikasyomak neni keŋ, kitekienyut iŋes temasi, “Ekapolon! Toiunae, edikino ikitwaki.”

Luk. 4:18

“Eyai Etau ke Ekapolon neni kaŋ, anerae ekeos iŋes ayoŋ aŋuna ka akiserakin Ŋakiro ŋuna Ajokak lokulyak. ekeyakuu iŋes ayoŋ alimokin ŋulu eenitae atemar elacakinio ikes ka aŋaar ŋakonyen a ŋimudukanotin ka alakakin ŋipi,

Ŋikis. 10:21

Ekapolon iŋes erae akipuro kus, iŋes erae Akuj kus, ŋina etiya aŋuna kus ŋakiro ŋuna apolok ka etubulok ŋun ŋuna iŋolikis iyes a ŋakonyen kus.

Ŋikis. 32:39

Toyenutu tokona atemar ayoŋ arae Akuj, emam Akuj ace mati ayoŋ, aari ayoŋ ka eteyari, awani ayoŋ ka etaŋaleuni, emam ituŋanan elakuni ituŋanan anapedor kaŋ,